వ్యక్తిగత సమాచారం | ||||||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
పూర్తి పేరు | పీయూష్ చావ్లా | |||||||||||||||||||||||||||||||||||||||||||||||||||||||||||||||||
పుట్టిన తేదీ | అలీగఢ్, ఉత్తర ప్రదేశ్[1] | 1988 డిసెంబరు 24|||||||||||||||||||||||||||||||||||||||||||||||||||||||||||||||||
ఎత్తు | 5 అ. 7 అం. (1.70 మీ.) | |||||||||||||||||||||||||||||||||||||||||||||||||||||||||||||||||
బ్యాటింగు | ఎడమచేతి వాటం | |||||||||||||||||||||||||||||||||||||||||||||||||||||||||||||||||
బౌలింగు | కుడిచేతి లెగ్ బ్రేక్ | |||||||||||||||||||||||||||||||||||||||||||||||||||||||||||||||||
పాత్ర | ఆల్ రౌండరు | |||||||||||||||||||||||||||||||||||||||||||||||||||||||||||||||||
అంతర్జాతీయ జట్టు సమాచారం | ||||||||||||||||||||||||||||||||||||||||||||||||||||||||||||||||||
జాతీయ జట్టు |
| |||||||||||||||||||||||||||||||||||||||||||||||||||||||||||||||||
తొలి టెస్టు (క్యాప్ 255) | 2006 మార్చి 9 - ఇంగ్లాండ్ తో | |||||||||||||||||||||||||||||||||||||||||||||||||||||||||||||||||
చివరి టెస్టు | 2012 డిసెంబరు 13 - ఇంగ్లాండ్ తో | |||||||||||||||||||||||||||||||||||||||||||||||||||||||||||||||||
తొలి వన్డే (క్యాప్ 167) | 2007 మే 12 - బంగ్లాదేశ్ తో | |||||||||||||||||||||||||||||||||||||||||||||||||||||||||||||||||
చివరి వన్డే | 2011 మార్చి 9 - నెదర్లాండ్స్ తో | |||||||||||||||||||||||||||||||||||||||||||||||||||||||||||||||||
వన్డేల్లో చొక్కా సంఖ్య. | 11 | |||||||||||||||||||||||||||||||||||||||||||||||||||||||||||||||||
దేశీయ జట్టు సమాచారం | ||||||||||||||||||||||||||||||||||||||||||||||||||||||||||||||||||
Years | Team | |||||||||||||||||||||||||||||||||||||||||||||||||||||||||||||||||
2005–present | గుజరాత్ | |||||||||||||||||||||||||||||||||||||||||||||||||||||||||||||||||
2008–2013 | కింగ్స్ XI పంజాబ్ | |||||||||||||||||||||||||||||||||||||||||||||||||||||||||||||||||
2008–2013 | ఉత్తర ప్రదేశ్ Cricket Team (స్క్వాడ్ నం. 11) | |||||||||||||||||||||||||||||||||||||||||||||||||||||||||||||||||
2009 | ససెక్స్ | |||||||||||||||||||||||||||||||||||||||||||||||||||||||||||||||||
2013 | సోమర్సెట్ | |||||||||||||||||||||||||||||||||||||||||||||||||||||||||||||||||
2014–2019 | కోల్కతా నైట్రైడర్స్ (స్క్వాడ్ నం. 11) | |||||||||||||||||||||||||||||||||||||||||||||||||||||||||||||||||
2020 | చెన్నై సూపర్ కింగ్స్ | |||||||||||||||||||||||||||||||||||||||||||||||||||||||||||||||||
2021 | ముంబై ఇండియన్స్ | |||||||||||||||||||||||||||||||||||||||||||||||||||||||||||||||||
2023 | ముంబై ఇండియన్స్ | |||||||||||||||||||||||||||||||||||||||||||||||||||||||||||||||||
కెరీర్ గణాంకాలు | ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
మూలం: ESPNcricinfo, 2016 ఏప్రిల్ 27 |
పీయూష్ చావ్లా ( జననం 1988 డిసెంబరు 24) భారత జాతీయ క్రికెట్ జట్టు తరఫున ఆడిన క్రికెటరు. అతను భారత అండర్-19 జట్టుకు, సెంట్రల్ జోన్ కోసం కూడా ఆడాడు. దేశీయ క్రికెట్లో లెగ్ స్పిన్నరు ఆల్ రౌండర్గా రాణించాడు. బాల్యంలో అతను మొరాదాబాద్లో నివసించాడు. తన మొదటి కోచ్ బద్రుద్దీన్ మార్గదర్శకత్వంలో సోనక్పూర్ స్టేడియంలో క్రికెట్ నేర్చుకున్నాడు. బద్రుద్దీన్, భారత జాతీయ క్రికెటర్ మొహమ్మద్ షమీ, శివ సింగ్ (భారతదేశం U-19), ఆర్యన్ జుయల్ (భారత్ అండర్-19) వంటి యువ ప్రతిభావంతులకు కూడా శిక్షణ ఇచ్చాడు. పీయూష్ చావ్లా తన పాఠశాల విద్యను విల్సోనియా కళాశాలలో పూర్తి చేశాడు. అతను 2007 T20 ప్రపంచ కప్, 2011 క్రికెట్ ప్రపంచ కప్ రెండింటినీ గెలిచిన భారత జట్టులో సభ్యుడు.
చావ్లా మొదటిసారిగా 2004-05లో ఇంగ్లండ్ U-19 జట్టుకు వ్యతిరేకంగా భారత U- 19 తరపున ఆడాడు. రెండు టెస్టులలో12 కంటే ఎక్కువ బౌలింగ్ సగటుతో 13 వికెట్లు సాధించాడు. 2005-06లో ఆస్ట్రేలియా U-19తో జరిగిన స్వదేశీ సిరీస్లో కూడా ఆడాడు. ఐదు మ్యాచ్ల పరిమిత ఓవర్ల సిరీస్లో చావ్లా ఎనిమిది వికెట్లు తీశాడు.
2005-06 ఛాలెంజర్ ట్రోఫీలో చావ్లా, భారత B తరపున ఆడేందుకు ఎంపికయ్యాడు. అతను సిరీస్లోని మొదటి మ్యాచ్లో పది ఓవర్లలో మూడు మాత్రమే బౌలింగ్ చేసినప్పటికీ, 21 పరుగులు ఇచ్చాడు. భారత Aతో జరిగిన తదుపరి మ్యాచ్లో రెండు వికెట్లు తీశాడు. భారత B సీనియర్స్తో ఫైనల్లో, అతను సచిన్ టెండూల్కర్ వికెట్ను తీశాడు - గూగ్లీతో బౌలింగ్ చేశాడు. క్రిక్ఇన్ఫో దీన్ని "ఆకట్టుకుంది" అని అభివర్ణించింది. చావ్లా యువరాజ్ సింగ్, మహేంద్ర సింగ్ ధోనీలను కూడా అవుట్ చేసి 49 పరుగులకు మూడు వికెట్లతో ముగించాడు. కానీ సీనియర్స్ జట్టు మూడు వికెట్ల తేడాతో గెలిచింది. రెండు వారాల తర్వాత, అతను దులీప్ ట్రోఫీలో సౌత్ జోన్పై సెంట్రల్ జోన్ తరపున తన ఫస్ట్ క్లాస్ ప్రవేశం చేసాడు. హర్విందర్ సింగ్తో కలిసి 92 పరుగుల ఎనిమిదో వికెట్ స్టాండ్లో 60 పరుగులు చేశాడు. అతను 27.2–3–100–6తో మ్యాచ్ బౌలింగ్ను ముగించాడు. మొదటి ఐదుగురు బ్యాట్స్మన్లలో ఒకరిని మాత్రమే ఔట్ చేసాడు. అతను 2006 U-19 ప్రపంచ కప్ ఫైనల్లో 8 ఓవర్లలో 8 పరుగులు మాత్రమే ఇచ్చి 4 వికెట్లు పడగొట్టి తనను తాను మళ్లీ నిరూపించుకున్నాడు. బ్యాటుతో 25* పరుగులు కూడా చేశాడు.
దీని ఫలితంగా అతను 2006 మార్చిలో నాగ్పూర్లో ఇంగ్లాండ్తో జరిగిన మొదటి టెస్టుకి భారత టెస్టు జట్టులో ఎంపికయ్యాడు. మొహాలీలో ఇంగ్లాండ్తో జరిగిన రెండవ టెస్టులో తొలి మ్యాచ్ ఆడాడు. సచిన్ టెండూల్కర్ తర్వాత భారతదేశం తరపున టెస్టులు ఆడిన అతి పిన్న వయస్కుడు, చావ్లా. ఈ టెస్టులో అతను ఆండ్రూ ఫ్లింటాఫ్ (9 ఓవర్లలో 0/45, 5.1 ఓవర్లలో 1/8) వికెట్ను సాధించాడు.
అతను 2007 మే 12 న భారత్ తరఫున బంగ్లాదేశ్తో తన మొదటి వన్డే ఆడాడు. అందులో అతను 3 వికెట్లు పడగొట్టాడు. ఐర్లాండ్తో జరిగిన రెండో వన్డేలో మూడు వికెట్లతో ఆకట్టుకున్నాడు.
రెండు సంవత్సరాల తర్వాత 2008 ఏప్రిల్లో దక్షిణాఫ్రికాతో జరిగిన మ్యాచ్లో చావ్లా టెస్టుల్లోకి తిరిగి వచ్చాడు. 2/66 (ఓపెనర్ నీల్ మెకెంజీ, AB డివిలియర్స్ల వికెట్లు) తీసుకున్నాడు. కానీ రెండవ ఇన్నింగ్స్లో కేవలం నాలుగు ఓవర్లు మాత్రమే బౌలింగ్ చేశాడు.
2009లో యాసిర్ అరాఫత్ స్థానంలో చావ్లా ఒక నెలపాటు ససెక్స్ కౌంటీ క్రికెట్ క్లబ్కు సంతకం చేశాడు. వోర్సెస్టర్షైర్తో జరిగిన అతని మొదటి కౌంటీ ఛాంపియన్షిప్ మ్యాచ్లో, మొత్తం 8 వికెట్లు పడగొట్టాడు. మొదటి ఇన్నింగ్స్లో 9వ స్థానంలో బ్యాటింగుకు దిగి, కేవలం 86 బంతుల్లో 102* పరుగులు చేశాడు.
వెస్టిండీస్లో జరిగిన 2010 ICC వరల్డ్ ట్వంటీ20 కి చావ్లా ఎంపికయ్యాడు. అతను 2011లో ICC క్రికెట్ ప్రపంచ కప్ గెలిచిన భారత జట్టులో సభ్యుడు కూడా.
అతను 2012 డిసెంబరులో నాగ్పూర్లో ఇంగ్లాండ్తో 4 సంవత్సరాల తర్వాత తన మూడవ టెస్టు ఆడటానికి తిరిగి వచ్చాడు. ఇక్కడ ఆతిథ్య జట్టు నలుగురు స్పిన్నర్లు రవిచంద్రన్ అశ్విన్, ప్రజ్ఞాన్ ఓజా, తొలి మ్యాచ్ ఆటగాడు రవీంద్ర జడేజా, చావ్లాలను రంగంలోకి దింపింది. చావ్లా మొదటి ఇన్నింగ్స్లో 4/69 తీసుకున్నాడు. 2013 ఆగస్టులో ఇంగ్లీష్ కౌంటీ క్రికెట్కు తిరిగి వచ్చి, సీజన్లోని చివరి ఐదు వారాల పాటు సోమర్సెట్లో వారి విదేశీ ఆటగాడిగా చేరాడు. [2]
అతను 2017-18 రంజీ ట్రోఫీలో గుజరాత్ తరపున ఆరు మ్యాచ్లలో 32 అవుట్లతో అత్యధిక వికెట్లు తీసిన బౌలర్గా నిలిచాడు. [3] అతను 2018-19 విజయ్ హజారే ట్రోఫీలో గుజరాత్ తరపున ఎనిమిది మ్యాచ్లలో పదహారు ఔట్లతో అత్యధిక వికెట్లు తీసిన బౌలర్గా కూడా నిలిచాడు. [4]
చావ్లా 202013 నుంచి 08 వరకు కింగ్స్ ఎలెవన్ పంజాబ్ జట్టు తరఫున ఐపీఎల్లో ఆడాడు. ఐపిఎల్ 4 తర్వాత అతను 55 మ్యాచ్లలో 57 వికెట్లు తీశాడు. ఆ సమయంలో కేవలం 5 ఆటగాళ్లకు మాత్రమే దానికంటే మెరుగైన రికార్డు ఉంది. ఐపిఎల్ 4వ ఎడిషన్లో KXIP అతన్ని US$900,000కి కొనుక్కుంది.
2014 ఫిబ్రవరి 12 న, ఐపిఎల్ 7 వేలంలో చావ్లాను కోల్కతా నైట్ రైడర్స్ INR 4.25 కోట్లకు కొనుగోలు చేసింది. 2018 జనవరిలో 2018 ఐపిఎల్ వేలంలో కోల్కతా నైట్ రైడర్స్ అతనిని మళ్ళీ కొనుగోలు చేసింది. [5] 2020 ఐపిఎల్ వేలంలో చెన్నై సూపర్ కింగ్స్ అతన్ని కొనుగోలు చేసింది. [6] 2021 ఫిబ్రవరిలో 2021 ఇండియన్ ప్రీమియర్ లీగ్కు ముందు జరిగిన ఐపిఎల్ వేలంలో చావ్లాను ముంబై ఇండియన్స్ కొనుగోలు చేసింది. [7] 2022 ఇండియన్ ప్రీమియర్ లీగ్ సమయంలో, చావ్లా అమ్ముడుపోలేదు. అయితే, 2023 ఇండియన్ ప్రీమియర్ లీగ్కి ముందు జరిగిన ఐపిఎల్ వేలంలో అతన్ని మళ్లీ 50 లక్షల బేస్ ధరకు ముంబై ఇండియన్స్ కొనుగోలు చేసింది.