Farahad Zama | |
|---|---|
| జననం | |
| వృత్తి | Author |
ఫరహాద్ జామా బ్రిటిష్ ఐటి డైరెక్టర్, నవలా రచయిత. అతను 1966 లో భారతదేశం తూర్పు తీరంలో ఉన్న విశాఖపట్నం (వైజాగ్) లో జన్మించాడు. [1] ఖరగ్‌పూర్‌లో చదివిన తరువాత ఇన్వెస్ట్‌మెంట్ బ్యాంక్‌లో పనిచేయడానికి ముంబైకి వెళ్లాడు. అతని కెరీర్ అతన్ని న్యూయార్క్, జూరిచ్, లక్సెంబర్గ్, లండన్ లకు తీసుకువెళ్ళింది. అతను తన భార్య, ఇద్దరు కుమారులు దక్షిణ లండన్లో నివసిస్తున్నాడు. [2]
కోల్‌కతా సమీపంలోని ఖరగ్‌పూర్‌లోని ఇండియన్ ఇనిస్టిట్యూట్ ఆఫ్ టెక్నాలజీ నుండి ఎలక్ట్రికల్ ఇంజనీరింగ్‌లో మాస్టర్స్ డిగ్రీ పొందాడు. లండన్ లోని ఒక ఇన్వెస్ట్ మెంట్ బాంక్ లో ఐ.టి డైరెక్టర్ గా పనిచేస్తూ; ఉద్యోగానికి వెళ్ళే మెట్రో ప్రయాణంలోనూ (దాదాపు గంట), శని ఆదివారాలలోను ఈ నవలలు పూర్తి చేసాడు.
అతని మొట్టమొదటి నవల ది మ్యారేజ్ బ్యూరో ఫర్ రిచ్ పీపుల్ కామెడీ రొమాన్స్ కొరకు మెలిస్సా నాథన్ అవార్డును గెలుచుకుంది [3] [4] ఇది రిచర్డ్, జూడీ, డైలీ మెయిల్ పుస్తకం కూడా. [5] ఇది ముస్లిం రచయితల అవార్డులలో ఉత్తమ ప్రచురణగా జాబితా చేయబడింది. అతను బ్రిటిష్ బుక్ అవార్డులలో ఉత్తమ నూతన రచయితగా ఎంపికయ్యాడు . [6]
మొదటి పుస్తకం “మేరేజ్ బ్యూరో ఫర్ రిచ్ పీపుల్” విశేష పాఠకాదరణ పొందింది. దాదాపు లక్ష కాపీలు అమ్ముడు పోయి, తొమ్మిది ప్రపంచభాషలలో అనువదింపబడి ఉంది. (ఫ్రెంచ్, జర్మన్, డచ్, స్వీడిష్, స్పానిష్, ఇటాలియన్, సెర్బియన్, టర్కిష్, ఇండోనేషియన్). రెండో పుస్తకం ‘మెనీ కండీషన్స్ ఆఫ్ లవ్’ అప్పుడే విడుదల అయ్యింది. తరువాత విడుదలయిన అతని రెండు పుస్తకాలు (ఇవన్నీ సీక్వెల్) ‘వెడ్డింగ్ వాలా’, ‘మిసెస్ ఆలీస్ రోడ్ టు హాపీనెస్’.
అందమైన విశాఖ నేపధ్యంగా ఇతని నవలలు రూపొందాయి. మధ్య తరగతి ముస్లిం కుటుంబంలోని వ్యక్తులు మిష్టర్ ఆలీ, మిసెస్ ఆలీ ఈ నవలలలో ప్రధాన పాత్రలు. ఒక ముస్లిం కుటుంబం చుట్టూ హిందూ సమాజాన్నిఅల్లించి, కధలను విజయవంతంగా పండించాడు. సమకాలీన సమస్యలు, మత రాజకీయాలు, సుందరమైన ప్రేమలు, మధ్యతరగతి కుటుంబ వెతల మధ్య ఇమిడిన గాఢానురాగాలు, మొలక బియ్యం సారం లాంటి వృద్ధ దంపతుల సాహచర్య సహజానుభూతులు, కొద్దిగా శృంగారం, చాలా హాస్యం…..వెరసి ఫర్ హాద్ జామా నవలలు.[7]