బసు భట్టాచార్య

బసు భట్టాచార్య
జననం1934
కలకత్తా, పశ్చిమ బెంగాల్, భారతదేశం
మరణం1997 జూన్ 19(1997-06-19) (వయసు 62–63)[1]
ముంబై, మహారాష్ట్ర
పిల్లలుఒక కుమారుడు (దర్శకుడు ఆదిత్య భట్టాచార్య), ఇద్దరు కుమార్తెలు (చిమ్ము, అన్వేషా ఆర్య-రచయిత)
పురస్కారాలు1967:జాతీయ ఉత్తమ చిత్రం: తీస్రీ కసమ్
1985: ఫిలింఫేర్ ఉత్తమ సినిమా అవార్డు: స్పర్ష్

బసు భట్టాచార్య (1934 - 19 జూన్ 1997) హిందీ సినిమా దర్శకుడు.[2][3] 1966లో తీసిన తీస్రీ కసమ్ సినిమా ద్వారా పేరు పొందాడు. రాజ్ కపూర్, వహీదా రెహమాన్ నటించిన ఈ సినిమా 1967లో ఉత్తమ చిత్రంగా జాతీయ చలనచిత్ర పురస్కారాన్ని గెలుచుకుంది. భట్టాచార్య దర్శకత్వం వహించిన అవిష్కార్ సినిమా అత్యంత ప్రజాదరణ పొందడమేకాకుండా, విమర్శకుల ప్రశంసలు కూడా అందుకుంది. రాజేష్ ఖన్నా, షర్మిలా ఠాగూర్ నటించిన ఈ సినిమాకు బాలీవుడ్ గైడ్ కలెక్షన్స్[4] లో 5 స్టార్ రేటింగ్ వచ్చింది. 1975లో రాజేష్ ఖన్నాకు ఫిలింఫేర్ ఉత్తమ నటుడు అవార్డు వచ్చింది.

1979లో భట్టాచార్య నిర్మించిన స్పర్ష్ సినిమాలకు హిందీలో ఉత్తమ చిత్రంగా జాతీయ చలనచిత్ర పురస్కారం వచ్చింది, ఫిలింఫేర్ ఉత్తమ సినిమా అవార్డును కూడా గెలుచుకుంది.[5] 1976 నుండి 1979 వరకు ఇండియన్ ఫిల్మ్ డైరెక్టర్స్ అసోసియేషన్ అధ్యక్షుడిగా పనిచేశాడు.[6] 1981లో 12 వ మాస్కో అంతర్జాతీయ చలన చిత్రోత్సవంలో జ్యూరీ సభ్యుడిగా ఉన్నాడు.[7]

జననం

[మార్చు]

భట్టాచార్య 1934లో పశ్చిమ బెంగాల్ లోని కలకత్తా లో జన్మించాడు.

వ్యక్తిగత జీవితం

[మార్చు]

1958లో మధుమతి, సుజాత వంటి సినిమాలకు బిమల్ రాయ్‌ దగ్గర సహాయ దర్శకుడిగా చేరి తన సినీ జీవితాన్ని ప్రారంభించాడు. అటు తరువాత బిమల్ రాయ్ కుమార్తె రింకి భట్టాచార్యను వివాహం చేసుకున్నాడు. ఆ వివాహానికి బిమల్ రాయ్ అంగీకరించడకపోవడంతో ఇద్దరి మధ్య విభేదాలు వచ్చాయి.[8][9] భట్టాచార్య దంపతులకు ఒక కుమారుడు (దర్శకుడు ఆదిత్య భట్టాచార్య), ఇద్దరు కుమార్తెలు (చిమ్ము, అన్వేషా ఆర్య-రచయిత) ఉన్నారు. అనేక గృహహింస సంఘటనల తరువాత, అతని భార్య రింకి 1983లో ఇతని నుండి విడిపోయింది. 1990లో అధికారికంగా విడాకులు తీసుకున్నారు. భారతదేశంలో గృహహింసలపై పోరాటానికి రింకి కృషిచేసింది. సంకలనకర్తగా బిహైండ్ క్లోజ్డ్ డోర్స్ - డొమెస్టిక్ వాయిలెన్స్ ఇన్ ఇండియా అనే పుస్తకాన్ని తీసుకొచ్చింది. రచయితగా, కాలమిస్ట్ గా, డాక్యుమెంటరీ ఫిల్మ్ మేకర్ గా రింకి పేరుపొందింది.[10]

సినిమాలు

[మార్చు]

దర్శకుడిగా

[మార్చు]
  • ఉస్కి కహానీ (1966)
  • తీస్రీ కసమ్ (1966) - జాతీయ ఉత్తమ చిత్రం అవార్డు
  • అనుభవ్ (1971)
  • ఆవిష్కార్ (1973)
  • డాకు (1975)
  • తుమ్హారా కల్లూ (1975)
  • సంగత్ (1976)
  • నోన్ యెట్ నాట్ నోన్ (1977)
  • మధు మాల్తి (1978)
  • గ్రిహ ప్రవేష్ (1979)
  • మధుమాన్ (1981)
  • హోర్కే పోడ్జిమ్స్ వూనా మాంగా (1984)
  • అన్వేషన్ (1985) (టీవీ)
  • సోలార్ ఎనర్జీ (1986)
  • సైన్స్ ఇండియా (1986)
  • పంచవతి (1986)
  • ఏక్ సాస్ జిందగి (1991)
  • ఆస్తా: ఇన్ ది ప్రిజన్ ఆఫ్ స్ప్రింగ్ (1997)

మరణం

[మార్చు]

1997, జూన్ 19న మహారాష్ట్ర లోని, ముంబై లో మరణించాడు.

మూలాలు

[మార్చు]
  1. ↑ "Film-maker Basu Bhattacharya dead". Rediff.com. 20 June 1997. Retrieved 24 June 2021.
  2. ↑ "Basuda, auteur of "sensitive" films dies at 62". The Indian Express. 21 June 1997. Archived from the original on 2010-08-16.
  3. ↑ Gulzar; Govind Nihalani; Saibal Chatterjee (2003). Encyclopaedia of Hindi cinema. (Encyclopædia Britannica (India) Pvt. Ltd), Popular Prakashan. p. 532. ISBN 81-7991-066-0.
  4. ↑ Collections. Update Video Publication. 1991.
  5. ↑ "National Film Awards (1979)". Archived from the original on 2016-01-22. Retrieved 2021-06-24.
  6. ↑ Rajadhyaksha, Ashish; Willemen, Paul (2014). Encyclopedia of Indian Cinema. Routledge. p. 64. ISBN 978-1135943189. {{cite book}}: |work= ignored (help)
  7. ↑ "12th Moscow International Film Festival (1981)". MIFF. Archived from the original on 21 April 2013. Retrieved 24 June 2021.
  8. ↑ "A Homage to Basu Bhattacharya". Archived from the original on 29 January 2008. Retrieved 2008-08-13.{{cite web}}: CS1 maint: bot: original URL status unknown (link)
  9. ↑ Father’s pictures The Tribune (Chandigarh), 26 August 2001.
  10. ↑ "Can you beat that?". Archived from the original on 2017-08-28. Retrieved 2021-06-24.

బయటి లింకులు

[మార్చు]