బిశ్రామ్‌గంజ్
బిశ్రామ్‌గంజ్ | |
|---|---|
పట్టణం | |
  బిశ్రామ్‌గంజ్ భారతదేశంలోని త్రిపురలో ప్రాంతం ఉనికి  బిశ్రామ్‌గంజ్ బిశ్రామ్‌గంజ్ (India) | |
| Coordinates: 23°36′N 91°20′E / 23.60°N 91.34°E | |
| దేశం |  భారతదేశం |
| రాష్ట్రం | త్రిపుర |
| జిల్లా | సిపాహీజాల |
| ఎత్తు | 15 మీ (49 అ.) |
| భాషలు | |
| • అధికారిక | బెంగాళీ, కోక్బోరోక్, ఇంగ్లీష్ |
| కాల మండలం | UTC+5:30 (భారత కాలమానం) |
| పిన్‌కోడ్ | 799103 |
| Vehicle registration | టిఆర్ |
బిశ్రామ్‌గంజ్, త్రిపుర రాష్ట్రంలోని సిపాహీజాల జిల్లా ముఖ్య పట్టణం, జిల్లా ప్రధాన కార్యాలయం. ఇది రాజధాని అగర్తలా నుండి 35 కిలోమీటర్ల దూరంలో ఉంది. 2012, జనవరి నెలలో సిపాహీజాల జిల్లాగా ఏర్పడిన తరువాత ఇది జిల్లా ముఖ్య పట్టణంగా మార్చబడింది.
చరిత్ర
[మార్చు]పూర్వకాలంలో ఒక త్రిపుర రాజు పర్యటన కోసం వెళ్ళినప్పుడు అతను ఈ ప్రదేశంలో విశ్రాంతి తీసుకునేవాడు. దాంతో, అతను ఈ స్థలానికి బిష్రామ్ గంజ్ అని పేరు పెట్టాడు. బిశ్రామ్ అంటే విశ్రాంతి అని, గంజ్ అంటే స్థలం అని అర్థం. ఈ ప్రాంతాన్ని త్రిపురి జాతికి చెందిన డెబ్బార్మా ప్రజలు ఆక్రమించారు. ప్రస్తుతం దేబ్బర్మాలను త్రిపుర ప్రధాన తెగగా పిలుస్తున్నారు.[1]
భౌగోళికం
[మార్చు]ఈ పట్టణం 23°36′N 91°20′E / 23.60°N 91.34°E అక్షాంశరేఖాల మధ్య ఉంది. ఇది సముద్రమట్టానికి 15 మీటర్లు (49 అడుగుల) ఎత్తులో ఉంది. అగర్తాలా నగరానికి తూర్పు వైపు 5 కి.మీ.ల దూరంలో, బిషాల్‌గర్ నుండి 22 కి.మీ.ల దూరంలో ఈ పట్టణం ఉంది. ఇందిరానగర్ (1 కి.మీ.), ఉత్తర చంపమురా (1 కి.మీ.), మరియంనగర్ (1 కి.మీ.), ఖైర్‌పూర్ (1 కి.మీ.), తూర్పు చంపమురా (1 కి.మీ.) మొదలైన గ్రామాలు బిశ్రామ్‌గంజ్ కు సమీపంలో ఉన్నాయి.[1]
భాషలు
[మార్చు]ఇక్కడి ప్రజలు బెంగాళీ, కోక్బోరోక్, ఇంగ్లీష్ భాషలు మాట్లాడుతారు.
రాజకీయాలు
[మార్చు]బిశ్రామ్‌గంజ్ పట్టణం ఖైర్‌పూర్ అసెంబ్లీ నియోజకవర్గం, పశ్చిమ త్రిపుర లోక్‌సభ నియోజకవర్గం పరిధిలో ఉంది.
రవాణా
[మార్చు]ఈ పట్టణం నుండి ఇతర ప్రాంతాలకు రోడ్డుమార్గం ఉంది. జోగేంద్రనగర్ రైల్వే స్టేషను, అగర్తలా రైల్వే స్టేషను బిశ్రామ్‌గంజ్‌కు చాలా దగ్గరలో ఉన్నాయి.[1]
మూలాలు
[మార్చు]- ↑ 1.0 1.1 1.2 "Bishramganj Village". www.onefivenine.com. Retrieved 2020-12-31.