మాంధాత
| మాంధార | |
|---|---|
 ఇంద్రుడి రూపంలో మాంధాతకు సూచనలిస్తున్న కృష్ణుడు | |
| పిల్లలు | పురుకుత్సుడు, అంబరీషుడు, ముచికుందుడు |
| పాఠ్యగ్రంథాలు | మహాభారతం |
| తండ్రి | యువనాశ్వుడు |
| రాజవంశం | సూర్యవంశం |
మాంధాత అంటే సూర్యవంశంలో ఒక శాఖ అయిన రఘువంశానికి చెందిన మహారాజు.[1] శ్రీరాముడు కూడా ఇదే వంశంలో జన్మించాడు. మాంధాత ఈ చరిత్ర ముందుకాలానికి చెందినవాడని హిందువుల విశ్వాసం. ఋగ్వేదంలో ఒక సూక్తం ప్రకారం ఈయన ప్రపంచాన్నంతటినీ జయించిన చక్రవర్తి. మహాభారతంలో ఈయన తండ్రి పేరు యువనాశ్వుడు అని పేర్కొన్నారు.[2][3] వనపర్వం, ద్రోణపర్వం, శాంతిపర్వంలో ఈయన గురించి ప్రస్తావన వస్తుంది. ఈయన యదువంశానికి చెందిన శశబిందు మహారాజు కుమార్తె బిందుమతిని వివాహం చేసుకున్నాడు. పురాణాల ప్రకారం ఈయనకి పురుకుత్సుడు, అంబరీషుడు, ముచికుందుడు అని ముగ్గురు కుమారులు. మాంధాత గొప్పతనానికి, దయా, దాన గుణాలకు ప్రసిద్ధి.
జననం
[మార్చు]ఒకసారి అయోధ్య రాజు యువనాశ్వుడు వేటకు వెళ్ళాడు. మధ్యాహ్నవేళకు ఆయనకు బాగా దాహం వేసింది. నీటి కోసం వెతుకుతుండగా ఆయనకు ఒకచోట యజ్ఞ హవిస్సు (నెయ్యి) కనిపించింది. దాన్ని తాగడంతో ఆయనలో ఒక శిశువు పెరుగుతున్నాడని గమనించాడు. అశ్వినీ దేవతలు ఆ బిడ్డను ఆయన నుంచి బయటకు తీశారు. ఆ బిడ్డను ఎలా బ్రతికించాలా అని దేవతలు చూస్తుండగా ఇంద్రుడు తన వేలి నుంచి అమృతాన్ని ఆ బిడ్డ నోట్లో పోశాడు. అలా ఆ బిడ్డ పెరిగి అత్యంత శక్తివంతుడయ్యాడు.[4]
మూలాలు
[మార్చు]- ↑ www.wisdomlib.org (2012-06-29). "Mandhatri, Māndhātṛ, Mandhātṛ: 15 definitions". www.wisdomlib.org (in ఇంగ్లీష్). Retrieved 2022-11-30.
- ↑ John Dowson (1870), A classical dictionary of Hindu Epic and religion, geography, history, and literature, Trübner & Co., pp. 197–8
- ↑ Mahabharata, III.126
- ↑ www.wisdomlib.org (2020-12-12). "Section LXII [Mahabharata, English]". www.wisdomlib.org (in ఇంగ్లీష్). Retrieved 2022-11-30.