యూరోపియన్ల క్రికెట్ జట్టు, వార్షిక బొంబాయి టోర్నమెంటు, లాహోర్ టోర్నమెంట్లలో పాల్గొన్న భారతీయ ఫస్ట్-క్లాస్ క్రికెట్ జట్టు. బాంబే జింఖానాలో క్రికెట్ ఆడిన బొంబాయిలోని యూరోపియన్ కమ్యూనిటీ సభ్యులు ఈ జట్టును స్థాపించారు.
1877లో రెండు-రోజుల మ్యాచ్ ఆడేందుకు పార్సీల క్రికెట్ జట్టు విసిరిన సవాలును యూరోపియన్లు స్వీకరించడంతో బాంబే టోర్నమెంటు మొదలైంది. ఈ సమయంలో, పోటీని ప్రెసిడెన్సీ మ్యాచ్ అని పిలిచేవారు. ఈ జట్టు 1892 నుండి 1948 వరకు ఫస్ట్-క్లాస్ మ్యాచ్‌లు ఆడారు.
మద్రాస్ ప్రెసిడెన్సీకి చెందిన యూరోపియన్ క్రికెటర్లతో కూడిన యూరోపియన్ జట్టు కూడా ఉండేది. ఆ జట్టు మద్రాస్ ప్రెసిడెన్సీ మ్యాచ్‌లలో ఆడేది.