రాహుల్ రవీంద్రన్ | |
|---|---|
| జననం | 1981 జూన్ 23 |
| వృత్తి | నటుడు |
| క్రియాశీల సంవత్సరాలు | 2006–ప్రస్తుతం |
| జీవిత భాగస్వామి | చిన్మయి |
| పిల్లలు | దృప్త, శర్వాస్[1] |
| తల్లిదండ్రులు | రవీంద్రన్, వసుమతి రవీంద్రన్ |
రాహుల్ రవీంద్రన్ ఒక సినీ నటుడు. తమిళ, తెలుగు, ఇంగ్లీషు సినిమాల్లో నటించాడు. గాయని, డబ్బింగ్ కళాకారిణి చిన్మయి ని వివాహం చేసుకున్నాడు.
రాహుల్ చెన్నైలో పుట్టి పెరిగాడు. తల్లిదండ్రులు రవీంద్రన్, వసుమతి.[2] వీరి పూర్వీకులు తంజావూరు జిల్లాకి చెందినవారు. చెన్నై లోని విద్యామందిర్ సీనియర్ సెకండరీ పాఠశాలలో చదివాడు. తర్వాత కామర్స్ లో డిగ్రీ చదివాడు. తర్వాత బిజినెస్ మేనేజ్మెంట్ లో మాస్టర్స్ కోసం ముంబై వెళ్ళాడు. అక్కడే ఓ మీడియా సంస్థలో అసిస్టెంట్ బ్రాండ్ మేనేజరుగా పనిచేశాడు. ఇతనికి రోహిత్ రవీంద్రన్ అనే తమ్ముడు ఉన్నాడు. రోహిత్ వృత్తిరీత్యా ఒక ఫోటోగ్రాఫరు.
ముంబైలో ఉండగా ఇతన్ని ఓ రెస్టారెంటులో గమనించిన దర్శకుడి దివాకర్ బెనర్జీ ఇతన్ని ఓ ప్రకటనలో కనిపించమని అడిగాడు. అది విజయవంతం కాగానే మరిన్ని ప్రకటనల్లో అవకాశం వచ్చింది. ఇదే సమయంలో తమిళంలో ప్రసారమయ్యే కొన్ని పిల్లల టివి కార్యక్రమాల్లో గాత్రాన్ని అందించేవాడు.
తర్వాత ముంబైలో ఉద్యోగాన్ని వదిలేసి సహాయ దర్శకుడిగా పని చేసేందుకు చెన్నై వచ్చేశాడు.