విక్రమ్‌జిత్ సింగ్

విక్రమ్‌జిత్ సింగ్
వ్యక్తిగత సమాచారం
పూర్తి పేరు
విక్రమ్‌జిత్ సింగ్
పుట్టిన తేదీ (2003-01-09) 2003 జనవరి 9 (వయసు 21)
చీమా ఖుర్ద్, పంజాబ్, భారతదేశం
బ్యాటింగుఎడమచేతి వాటం
బౌలింగుకుడిచేతి మీడియం-ఫాస్ట్
పాత్రబ్యాటరు
అంతర్జాతీయ జట్టు సమాచారం
జాతీయ జట్టు
తొలి వన్‌డే (క్యాప్ 79)2022 జూన్ 20 - న్యూజీలాండ్ తో
చివరి వన్‌డే2023 జూలై 9 - శ్రీలంక తో
వన్‌డేల్లో చొక్కా సంఖ్య.7
తొలి T20I (క్యాప్ 49)2019 సెప్టెంబరు 19 - ఐర్లాండ్ తో
చివరి T20I2022 అక్టోబరు 27 - ఇండియా తో
T20Iల్లో చొక్కా సంఖ్య.7
కెరీర్ గణాంకాలు
పోటీ వన్‌డేలు టి20 లిఎ T20
మ్యాచ్‌లు 25 8 27 8
చేసిన పరుగులు 808 76 809 76
బ్యాటింగు సగటు 32.32 9.50 29.96 9.50
100లు/50లు 1/4 0/0 1/4 0/0
అత్యుత్తమ స్కోరు 110 39 110 39
వేసిన బంతులు 174 – 204 –
వికెట్లు 7 – 8 –
బౌలింగు సగటు 24.14 – 23.50 –
ఒక ఇన్నింగ్సులో 5 వికెట్లు 0 – 0 –
ఒక మ్యాచ్‌లో 10 వికెట్లు 0 – 0 –
అత్యుత్తమ బౌలింగు 2/12 – 2/12 –
క్యాచ్‌లు/స్టంపింగులు 6/– 0/– 9/– 0/–
మూలం: Cricinfo, 11 July 2023

విక్రమ్‌జిత్ సింగ్ (జననం 2003 జనవరి 9) డచ్ క్రికెట్ ఆటగాడు. [1] అతను ఎడమ చేతి ఓపెనింగ్ బ్యాట్స్‌మన్‌గా 2019 నుండి నెదర్లాండ్స్ జాతీయ క్రికెట్ జట్టుకు ఆడుతున్నాడు.

వ్యక్తిగత జీవితం

[మార్చు]

సింగ్ భారతదేశం, పంజాబ్‌లోని చీమా ఖుర్ద్‌లో 2003 జనవరి 9న సిక్కు కుటుంబంలో జన్మించాడు. [1] [2] అతని తాత ఖుషీ చీమా 1984 సిక్కు వ్యతిరేక అల్లర్ల తరువాత నెదర్లాండ్స్‌కు తరలిపోయాడు. ప్రారంభంలో టాక్సీ డ్రైవరుగా పనిచేసి, ఆ తరువాత ఆమ్‌స్టెల్‌వీన్‌లో రవాణా సంస్థను స్థాపించాడు. మొదట్లో అతని కుటుంబం నెదర్లాండ్స్, భారతదేశాల మధ్య తిరుగుతూ ఉండేది. సింగ్‌కు ఏడేళ్ల వయసు ఉన్నపుడు వాళ్ళు నెదర్లాండ్స్‌లో శాశ్వతంగా స్థిరపడ్డారు. [3]

జూనియర్ కెరీర్

[మార్చు]

సింగ్‌ను పదకొండేళ్ల వయసులో నెదర్లాండ్స్ కెప్టెన్ పీటర్ బోరెన్ గుర్తించాడు. VRA ఆమ్‌స్టర్‌డామ్ కోసం క్లబ్ క్రికెట్ ఆడేందుకు అతనిని ఒప్పించాడు. అతను బోరెన్, అమిత్ ఉనియాల్‌ల వద్ద ప్రైవేట్ కోచింగ్ పొందాడు. అనేక సంవత్సరాలు చండీగఢ్‌లోని ఉనియాల్ అకాడమీకి హాజరయ్యాడు. [3] సింగ్ 15 సంవత్సరాల వయస్సులో నెదర్లాండ్స్ A తరపున రంగప్రవేశం చేసాడు

సింగ్ 2019 అండర్-19 వరల్డ్ కప్ యూరోప్ క్వాలిఫైయర్‌లో నెదర్లాండ్స్ జాతీయ అండర్-19 క్రికెట్ జట్టుకు ప్రాతినిధ్యం వహించాడు. అతను ఫ్రాన్స్‌పై 133తో సహా ఐదు ఇన్నింగ్స్‌లలో 304 పరుగులను నమోదు చేయడం ద్వారా స్కాట్లాండ్‌కు చెందిన టోమస్ మాకింతోష్ తర్వాత టోర్నమెంట్‌లో అత్యధిక పరుగులు చేసిన రెండవ ఆటగాడిగా నిలిచాడు. [4]

సీనియర్ కెరీర్

[మార్చు]

2019 సెప్టెంబరులో, సింగ్ 2019–20 ఐర్లాండ్ ట్రై-నేషన్ సిరీస్ కోసం నెదర్లాండ్స్ ట్వంటీ 20 ఇంటర్నేషనల్ (T20I) జట్టుకు ఎంపికయ్యాడు. [5] 2019 సెప్టెంబరు 19న స్కాట్లాండ్‌పై నెదర్లాండ్స్ తరపున తన తొలి T20I ఆడాడు.[6] 2020 ఏప్రిల్లో, అతను సీనియర్ జట్టులో పేరు పొందిన పదిహేడు మంది డచ్ క్రికెటర్లలో ఒకడయ్యాడు. [7]

అతను 2021 మే 11న ఐర్లాండ్ టూర్ సమయంలో ఐర్లాండ్ వుల్వ్స్‌తో జరిగిన నెదర్లాండ్స్ A జట్టు కోసం తన తొలి జాబితా A అరంగేట్రం చేశాడు. [8] అదే నెలలో, అతను స్కాట్లాండ్‌తో జరిగిన సిరీస్ కోసం డచ్ వన్ డే ఇంటర్నేషనల్ జట్టుకు ఎంపికయ్యాడు. [9] 2022 ఫిబ్రవరిలో న్యూజిలాండ్‌తో జరిగే సిరీస్ కోసం డచ్ వన్‌డే జట్టుకు అతను ఎంపికయ్యాడు. [10] 2022 మార్చి 29న నెదర్లాండ్స్ తరఫున న్యూజిలాండ్‌పై తన తొలి వన్‌డే ఆడాడు. [11]

2023 జూలైలో, జింబాబ్వేలోని హరారేలో జరిగిన 2023 క్రికెట్ ప్రపంచ కప్ క్వాలిఫైయర్‌లో ఒమన్‌పై 110 పరుగులు చేసి సింగ్, వన్‌డేల్లో తన మునుపటి అత్యుత్తమ వ్యక్తిగత స్కోరు 88 పరుగులను అధిగమించాడు. జట్టు 74 పరుగులతో గెలవడానికి ఇది దోహదపడింది.[12] [13] తరువాతి గేమ్‌లో, నెదర్లాండ్స్ స్కాట్‌లాండ్‌ను ఓడించి 2023 క్రికెట్ ప్రపంచ కప్‌లో చోటు సంపాదించుకుంది.

మూలాలు

[మార్చు]
  1. ↑ 1.0 1.1 "Vikramjit Singh". ESPN Cricinfo. Retrieved 19 September 2019.
  2. ↑ "Vikramjit Singh's family escaped 1984 riots: Netherlands sikh batter's story, know it all here - IN PICS". ZeeNews.
  3. ↑ 3.0 3.1 Raj, Pratyush (27 October 2022). "Family fled Punjab in the '80s, 19-yr-old at T20 World Cup for Netherlands". The Indian Express. Archived from the original on 13 November 2022. Retrieved 4 July 2023.
  4. ↑ "ICC Under-19 World Cup Qualifier Europe Region 2019". ESPNcricinfo. Retrieved 4 July 2023.
  5. ↑ "Ryan Campbell announces squad for T20 World Cup Qualifier". Royal Dutch Cricket Association. Archived from the original on 8 October 2019. Retrieved 8 September 2019.
  6. ↑ "5th Match, Ireland Tri-Nation T20I Series at Dublin (Malahide), Sep 19 2019". ESPN Cricinfo. Retrieved 19 September 2019.
  7. ↑ "Dutch men's squads announced". Cricket Europe. Archived from the original on 25 February 2021. Retrieved 6 May 2020.
  8. ↑ "1st unofficial ODI, Wicklow, May 11 2021, Netherlands A Tour of Ireland". ESPN Cricinfo. Retrieved 11 May 2021.
  9. ↑ "Preview: first ODI in ten years between Netherlands and Scotland (19 & 21 May)". Royal Dutch Cricket Association. Retrieved 17 May 2021.
  10. ↑ "Cricket selection announced for tour to New Zealand". Royal Dutch Cricket Association. Retrieved 22 February 2022.
  11. ↑ "1st ODI (D/N), Mount Maunganui, Mar 29 2022, Netherlands tour of New Zealand". ESPN Cricinfo. Retrieved 29 March 2022.
  12. ↑ Moonda, Firdose (3 July 2023). "Vikramjit's 'lids off' moment caps Netherlands' record-breaking run". ESPNCricInfo.
  13. ↑ "Vikramjit, Barresi keep Netherlands in the hunt for a CWC23 spot". ICC Cricket.