సుచిత్ర (గాయని)

సుచిత్రా కార్తీక్ కుమార్
సుచిత్ర
జననం	సుచిత్రా రామదురై (1982-08-14) 1982 ఆగస్టు 14 (వయసు 42) హైదరాబాదు, తెలంగాణ, భారతదేశం
వృత్తి	నేపథ్య గాయని, నటి, రేడియో జాకీ, కాలమిస్ట్
క్రియాశీల సంవత్సరాలు	2002–ప్రస్తుతం
ఎత్తు	5'5
జీవిత భాగస్వామి	కార్తీక్ కుమార్
వెబ్‌సైటు	అధికారిక జాలస్థలి

సుచిత్ర వర్ధమాన చలనచిత్ర నేపథ్యగాయని. ఈమె హైదరాబాదులో జన్మించింది. సెయింట్ ఆన్స్ స్కూలులో చదివింది. తరువాత ఈమె కేరళలో విభిన్న ప్రదేశాలలో పెరిగింది. ఈమె పాఠశాల, కళాశాల చదువు కేరళలోనే సాగింది. తమిళనాడులోని కోయంబత్తూరులో ఎం.బి.ఎ.పూర్తి చేసింది. వివాహం తరువాత చెన్నైలో స్థిరపడింది^[1]. ఈమె భర్త కార్తీక్ కుమార్ తమిళ సినిమా నటుడు, కమెడియన్.

వృత్తి

ఈమె మొదట ప్రకటనల రంగంలో ప్రవేశించింది. కొంత కాలం ఒక ప్రముఖ ఐ.టి.సంస్థలో విధులు నిర్వర్తించింది. ఆ తరువాత రేడియోమిర్చీలో రేడియో జాకీగా పనిచేసింది. అక్కడ స్క్రిప్ట్ రైటర్‌గా కూడా బాధ్యతలు నెరవేర్చింది. 'కాఫీ విత్ సుచీ' పేరుతో ఈమె నిర్వహించిన టాక్ షో ఈమెకు మంచి పేరు తెచ్చిపెట్టింది. ఆ తరువాత ఈమె సినిమా పాటలు పాడే అవకాశాన్ని దక్కించుకుంది. ఈమె తమిళ, మలయాళ, తెలుగు సినిమాలలో వందకు పైగా పాటలను పాడింది. కొన్ని తమిళ సినిమాలలో కూడా నటించింది.

తెలుగు సినిమా పాటలు

ఈమె పాడిన పాటలలో కొన్ని పాటలజాబితా:

సంవత్సరం	సినిమా పేరు	పాట	సంగీతం	సాహిత్యం	సహ గాయకులు
2004	ఘర్షణ	చెలియ..చెలియ..చెలియ..చెలియా అలల ఒడిలో ఎదురు చూస్తున్నా	హారిస్ జయరాజ్		కె.కె.
2006	పోకిరి	డోలే డోలే దిల్ జర జరా	మణిశర్మ		రంజిత్
2006	పోకిరి	ఇప్పటికింకా నావయస్సు నిండా పదహారే	మణిశర్మ		కార్తీక్
2006	రణం	చెలి జాబిలి గిల్లిపోకుమా ..చలి వెన్నెల చల్లిపోకుమా	మణిశర్మ	కందికొండ	నవీన్
2006	హ్యాపీ	చిరుత కన్నులవాడే చిలిపి చిన్నోడే	యువన్ శంకర్ రాజా	పోతుల రవికిరణ్	జస్సీ గిఫ్ట్
2007	చిరుత	మారో మారో మారోరే	మణిశర్మ	భాస్కరభట్ల	రాహుల్ నంబియార్
2009	మల్లన్న	ఎక్స్‌క్యూజ్ మీ మిష్టర్ మల్లన్న కాఫీ తాగుదాం ఆవోనా	దేవీశ్రీ ప్రసాద్		దేవీశ్రీ ప్రసాద్, విక్రం
2010	అదుర్స్	పిల్లా నా వల్ల కాదు పిల్లా నా వల్ల కాదు	దేవీశ్రీ ప్రసాద్	చంద్రబోస్	మికా సింగ్
2010	కొమరం పులి	ఓ చెకుముకీ ఓ చెకుముకీ నువ్వు చేరగ సరసకే	ఎ.ఆర్.రహమాన్	చంద్రబోస్	జావేద్ అలీ
2010	బృందావనం	నిజమేనా నిజమేనా నిలబడి కలగంటున్నానా	తమన్	అనంత్ శ్రీరామ్	కార్తీక్
2011	కందిరీగ	చంపకమాలా నను చంపకె బాలా	తమన్	రామజోగయ్య శాస్త్రి	కార్తీక్
2011	కందిరీగ	హేయ్ ఏంజలీనా ఏంజలీనా హౌ డు యూ డూ హాలివుడ్ సోనా	తమన్	రామజోగయ్య శాస్త్రి	రానీనా రెడ్డి, రంజిత్
2011	శక్తి	సుర్రో సుర్రన్నాదే సుర్రన్నా యమగున్నాదే సూదంటు కళ్ళోడే సూపుల్తో గిల్లాడే	మణిశర్మ	రామజోగయ్య శాస్త్రి	జావేద్ అలీ
2012	దేవుడు చేసిన మనుషులు	డిస్టర్బ్ చేత్తన్నాడే	రఘు కుంచే	భాస్కరభట్ల
2012	నువ్వా నేనా	అయోమయం	భీమ్స్ సెసిరోలియో	కృష్ణ చైతన్య
2012	బిజినెస్ మేన్	సారొస్తారొస్తారా దావత్తే ఇస్తారా	తమన్	కైలాష్ రిషి	తమన్
2013	నాయక్	హే యవారమంటే ఏలూరే అరె నవ్వారు మంచం నెల్లూరే	తమన్	సాహితి	జస్ప్రీత్ జాస్
2013	మిర్చి	ఆరడుగుల అందగాడు నన్ను బార్బీ గార్ల్ అన్నాడు	దేవీశ్రీ ప్రసాద్	రామజోగయ్య శాస్త్రి	జస్ప్రీత్ జాస్
2013	బాద్‍షా	యూ ఆర్ మై డైమండ్ గర్ల్	తమన్	రామజోగయ్య శాస్త్రి	శింబు
2015	శ్రీమంతుడు	జత కలిసే జత కలిసే జగములు రెండూ జత కలిసే	దేవీశ్రీ ప్రసాద్	రామజోగయ్య శాస్త్రి	సాగర్

అవార్డులు

• బిగ్ తెలుగు మ్యూజిక్ అవార్డ్ - బిజినెస్ మేన్ సినిమాలోని సారొస్తారా పాటకు బెస్ట్ సింగర్ ఆఫ్ ది ఇయర్ అవార్డు
• 2013 ఫిలిం ఫేర్ అవార్డ్ - బెస్ట్ ప్లేబాక్ సింగర్ అవార్డు - బిజినెస్ మేన్ సినిమాలోని సారొస్తారా పాటకు.
• 2వ సీమా (SIIMA) అవార్డ్ - బెస్ట్ ఫిమేల్ సింగర్ ఇన్ తెలుగు అవార్డుకు నామినేషన్ - బిజినెస్ మేన్ సినిమాలోని సారొస్తారా పాటకు.

మూలాలు

1. ఎడిటర్ (12 February 2012). "విలక్షణ గళంతో సారొచ్చారు". ఈనాడు ఆదివారం. Retrieved 13 April 2017.^{[permanent dead link]}