Наҷафбек Вазиров

Наҷафбек Вазиров
озарбойҷонӣ: Nəcəf bəy Vəzirov
Таърихи таваллуд:	17 феврал 1854(1854-02-17)
Зодгоҳ:	Шӯша, Губернияи Шемахин^[d], Русияи подшоҳӣ[1]
Таърихи даргузашт:	9 июл 1926(1926-07-09)[1] (72 сол)
Маҳалли даргузашт:	Боку, ҶФШСП, ИҶШС[1]
Шаҳрвандӣ (табаият):	Русияи подшоҳӣ  Azerbaijan Democratic Republic^[d]  ИҶШС
Навъи фаъолият:	рӯзноманигор, нависанда
Солҳои эҷод:	аз 1873
Жанр:	диром, фоҷиа ва кумедӣ
Забони осор:	озарбойҷонӣ
Парвандаҳо дар Викианбор

Наҷафбек Фатҳалибекӯғлӣ Вазиров (17 феврал 1854, Шӯша, Губернияи Шемахин^[d][1] — 9 июл 1926^[1], Боку^[1]) — драматург, публисист; яке аз фаъолон ва бунёдгузорони театри Озарбойҷон.

Зиндагинома

Наҷафбек Фатҳалибекӯғлӣ Вазиров хатмкардаи Академияи кишоварзии Маскав (1878). Ҳамроҳи устодаш Зардобӣ (1873) бори аввал мазҳакаи «Ҳоҷӣ Қаро» (асари М. Ф. Охундов)-ро ба саҳна гузошт. Мақолаҳои нахустинашро дар г. «Экинчи» (1875-77) чоп кард. Вазиров дар драмаҳои худ зиндагии деҳқонон, амлокдорон ва маъмурони буржуазии охири садаи XIX ва ибтидои садаи XX-ро воқеънигорона тасвир намудааст. Дар мазҳакаи «Гӯшт аз туву устухон аз ман» (1873) ва «Тасвире аз тарбияи хонагӣ» (1875) мактаби куҳна ва усулҳои тарбияи онзамонро сахт танқид кардааст. Драмаҳои реалистии Вазиров бо равиши мазҳакавии хеш шуҳрат доранд. Вазиров ба масоили мубрами замони худ рӯй овард, аммо муътақид буд, ки одобу русумро танҳо бо тарвиҷу ташвиқи донишу маърифат метавон тағйир дод. Ба эҷодиёти ӯ драматургияи А. Н. Островский таъсири бузург гузоштааст.

Эзоҳ

1. Везиров Наджаф-бек Фатали-бек оглы // Большая советская энциклопедия (рус.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

Адабиёт

• Вазиров Наҷафбек // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 3). — ISBN 978-99947-33-46-0.