Салмон ибни Ҳамад ал-Халифа

Салмон ибни Ҳамад ал-Халифа
ар. سلمان بن حمد آل خليفة‎
monarch of Bahrain[d]
1942 — 2 ноябр 1961
Ҷонишин Исо ибни Салмон ал-Халифа
Таваллуд 10 октябр 1894(1894-10-10)
Даргузашт 2 ноябр 1961(1961-11-02)[1] (67 сол)
Дудмон House of Khalifa[d]
Падар Ҳамад ибни Исо ал-Халифа
Фарзандон Исо ибни Салмон ал-Халифа, Халифа ибни Салмон ал-Халифа, Mohammed ibn Salman Al Khalifa[d] ва Prinzessin Fatima bint Salman von Bahrain[d]
Ҷоизаҳо
Knight Commander of the Order of the Indian Empire
 Парвандаҳо дар Викианбор

Салмон ибни Ҳамад ал-Халифа ё Салмони II ( 10 октябри 1894 - 2 ноябри 1961 ) - 10-умин ҳокими Баҳрайн аз сулолаи Ал-Халифа ( 20 феврали 1942 - 2 ноябри 1961 ). Писари калонӣ ва вориси 9-уми Ҳаким Ҳамад ибни Исо (1932-1942).

Зиндагинома

[вироиш | вироиши манбаъ]

Моҳи феврали соли 1940 шоҳзода Салмон ибни Ҳамадро падараш вориси тахт таъин кард. 20 феврали соли 1942 пас аз марги падараш Ҳаким Ҳамад ибни Исо Салмон ба тахти Баҳрайн нишаст. Вай бо хислатҳои зиракиву тобоварй фарқ мекард [2].

Ҳанӯз дар замони ҳукмронии ҳаким Ҳамад ибни Исо дар Баҳрайн истихроҷи нафт оғоз ёфт. Дар ҷазира аввалин фаввораи нафт дар соли 1932 пайдо шуд [2] . Моҳи декабри соли 1934 аввалин танкер бо нафти Баҳрайн аз Халиҷи Форс баромад.

Пас аз Ҷанги Дуюми Ҷаҳонӣ дар Баҳрайн сохтмони бандари замонавӣ ва фурудгоҳ дар ҷазираи Муҳаррак оғоз ёфт [2] . Сохтмони шоҳроҳҳо оғоз шуд, ҷазираҳо бо сарбандҳо пайваст шуданд. Дар пойтахт маҳаллаи «Аврупо» ва якчанд инҷрасохтори замонавӣ, кинотеатрҳо, клубҳо ва китобхонҳо кушода шуданд. Телефон, телеграф, почта, радио ба кор даромад. Муассисаҳои мукаммали таълимию тиббӣ сохта шуданд, рӯзномаҳои маҳаллӣ нашр карда шуданд.

Корхонаи коркарди нафти Баҳрайн иқтидори худро пайваста афзоиш медод ва дар ибтидои солҳои 50-ум аз рӯи ҳаҷми коркарди нафт дар Шарқи Наздик ҷои дуюмро ишғол мекард [3] . Дар баробари ин дар кишвар ислоҳоти сиёсӣ ба амал бароварда шуд. Соли 1956 Шӯрои олии маъмурӣ таъсис дода шуд (намунаи Девони Вазирони оянда) [2] . Судҳои шаҳрвандӣ ҷорй карда шуда, кодексхои нав — шаҳрвандӣ ва ҷиноятӣ тасдик карда шуданд. Соли 1958 аввалин кодекси меҳнат дар таърихи кишвар эътибор пайдо кард.

Соли 1952 ҳаким Салмон ибни Ҳамад бо ширкати Bahrain Petroleum шартномаи нав баст, ки тибқи он ширкат ба пардохти 50 дарсади фоидааш шурӯъ кард. Даромади Баҳрайн хеле афзудааст [4] .

2 ноябри соли 1961 Салмон ибни Ҳамади 67-сола даргузашт, ба ҷои ӯ писари калониаш Исо ибни Салмон ал-Халифа (1961-1999), ки дар соли 1971 унвони амир гирифта буд, ба тахт нишаст.

Оила ва фарзандон

[вироиш | вироиши манбаъ]

Се маротиба оиладор шудааст. Дар соли 1910 зани аввалини ӯ Шайха Латифа бинти Иброҳим ал-Халифа, духтари Шайх Иброҳим бин Холид ал-Халифа буд. Соли 1931 вай бо Шайха Майза бинти Ҳамад ал-Халифа, духтари Шайх Ҳамад бин Абдуллоҳ ал-Халифа издивоҷ кард. Соли 1945 бори сеюм бо духтари Абдулло ал-Зайд издивоҷ кард. Ӯ се писару шаш духтар дошт:

Пайвандҳо

[вироиш | вироиши манбаъ]

Эзоҳ

[вироиш | вироиши манбаъ]
  1. ↑ Bibliothèque nationale de France идентификатор BNF (фр.): платформаи додаҳои боз — 2011.
  2. ↑ 2.0 2.1 2.2 2.3 Рыжов К. В. «Все монархи мира. Мусульманский восток в XV—XX вв.», Москва, «Вече», 2004 ISBN 5-9533-0384-X, ст. 71
  3. ↑ Рыжов К. В. «Все монархи мира. Мусульманский восток в XV—XX вв.», Москва, «Вече», 2004 ISBN 5-9533-0384-X, ст. 71
  4. ↑ Рыжов К. В. «Все монархи мира. Мусульманский восток в XV—XX вв.», Москва, «Вече», 2004 ISBN 5-9533-0384-X, ст. 71