Si Noelia Voigt ay isang Amerikanang modelo at beauty pageant titleholder na kinoronahang Miss USA 2023 noong Setyembre 29, 2023. Siya ang ikatlong babae mula sa Utah na nanalo bilang Miss USA, animnapu't-tatlong taon pagkatapos ng huling panalo nito noong 1960. [2]
Kinatawan niya ang Estados Unidos sa Miss Universe 2023 pageant noong Nobyembre 18, 2023, sa El Salvador, kung saan siya ay nagtapos sa Top 20.[3] Si Voigt ay isang tagapagtaguyod laban sa panunupil. Noong Mayo 6, 2024, tinalikuran niya ang kanyang titulo.[4]
Si Voigt ang unang Benesolana-Amerikanang nakakuha ng titulong Miss Utah USA ,at kalaunan ay Miss USA.[5] Nag-aral siya sa Pine View School for the Gifted sa Osprey, Florida.[6]
Ipinahayag ni Voigt ang kanyang kagustuhang sumali sa mga pageant noong siya ay bata pa lang, ngunit pinaghintay siya ng kanyang ina hanggang sa siya ay maging dalaga.[7] Matapos lumahok sa kanyang unang pageant sa edad na 16, hinarap niya ang pang-aapi ng kanyang mga kapantay na nagbigay inspirasyon sa kanya na kumuha ng plataporma laban sa pang-aapi.[7] Noong 2021, isinulat ni Voigt ang Maddie the BRAVE, isang librong pambata na hango sa buhay ni Madison Whittsett, isang siyam na taong-gulang na namatay sa pamamagitan ng pagpapakamatay matapos maapi sa kanyang paaralan noong 2018.[8][9]
Nag-aral si Voigt sa University of Alabama at ngayon ay isa na siyabg lisensyadong esthetician.[10]
Bilang Miss USA 2023, kinatawan ni Voigt ang Estados Unidos sa 2023 Miss Universe pageant na ginanap sa El Salvador noong Nobyembre 18, 2023 at nagtapos bilang 20 semi-finalist.[11]