Sangguniang Panghukuman at Pang-abogasya

Sangguniang Panghukuman at Pang-abogasya

Sagisag ng Sangguniang Panghukuman at Pang-abogasya
Daglat	JBC
Layunin	Nagrerekomenda ng hihirangin sa Hudikatura
Kinaroroonan	Kalye Padre Faura, Ermita, Maynila
Kasapihip	7 Pampanguluhang paghirang sa pag-apruba ng Komisyon sa Paghirang (regular na mga kasapi at ang Kalihim ng Katarungan) Pampanguluhang paghirang mula sa mga nominado ng Sangguniang Panghukuman at Pang-abogasya (Punong Mahistrado) Nominasyon ng bawat kinatawan ng Kongreso (Kasapi mula sa Kongreso)
Tagapangulo	Alexander Gesmundo
Parent organization	Kataas-taasang Hukuman ng Pilipinas
Website	jbc.judiciary.gov.ph

Pilipinas
Ang artikulong ito ay bahagi ng seryeng: Politika at pamahalaan ng Pilipinas
Saligang Batas Pagreporma Mga Batas at kodigo ligal
Tagapagpaganap Pangulo ng Pilipinas Pangulong Ferdinand Marcos Jr. (PFP) Pangalawang Pangulong Sara Duterte-Carpio (Lakas-CMD) Gabinete Mga kagawarang tagapagpaganap Lokal na Pamahalaan
Tagapagbatas Kongreso Senado Pangulo ng Senado Juan Miguel Zubiri (Malaya) Kapulungan ng mga Kinatawan Ispiker Martin Romualdez (Lakas) Mga distrito Representasyon ng lapiang-tala Mga Lokal na Tagapagpaganap Batasan ng Bangsamoro Mga Lalawigan Mga Lungsod Mga Bayan Mga Baranggay
Panghukuman Kataas-taasang Hukuman Punong Mahistrado Alexander Gesmundo Hukuman ng Pag-aapela Mga Panrehiyong Hukuman sa Paglilitis Sandiganbayan Tanodbayan Katarungang Pambarangay
Mga grupo sa saligang batas Komisyon sa Serbisyo Sibil Tagapangulo: Karlo Nograles Komisyon sa Halalan Tagapangulo: George Garcia Komisyon sa Awdit Tagapangulo: Gamaliel Cordoba
Halalan Mga nagdaang halalan Pangkalahatan: 2010 2013 2016 2019
Mga lapiang pampolitika Partido Liberal Lakas–CMD Nationalist People's Coalition Partido Nacionalista National Unity Party United Nationalist Alliance
Mga hating pampamahalaan Mga rehiyon Mga lalawigan Mga lungsod Mga bayan Mga barangay
Mga kaugnay na paksa Katiwalian sa Pilipinas Ugnayang panlabas Karapatang pantao
Atlas
t u b

Ang Sangguniang Panghukuman at Pang-abogasya (Ingles: Judicial and Bar Council o JBC) ng Pilipinas ay isang lupon na nilikha ng konstitusyon na nagrerekomenda ng mga hinirang para sa pagkabakante na maaring mangyari sa komposisyon ng Kataas-taasang Hukuman, ibang mga mas mababang hukuman, at ang Lupon ng Edukasyong Legal, at ang mga tanggapan ng Tanodbayan, Diputadong Tanodbayan, at ang Natatanging Tagausig.

Komposisyon

Binubuo ang Sanggunian ng isang kinatawan sa Pinagsamang Abogasya, isang propersor ng batas, isang retiradong kasapi ng Kataas-taasang Hukuman, at isang kinatawan ng pribadong sektor. Sila ang mga kasaping "regular", taliwas sa Kalihim ng Katarungan at sa isang kinatawan ng Kongreso na mga kasaping ex officio. Ang Punong Mahistrado ng Kataas-taasang Hukuman ang tagapangulong ex officio,^[1] habang magsisilbi ang Klerk ng Kataas-taasang Hukuman bilang kalihim na ex officio.^[2]

Manonomina ang mga kasaping regular ng Pangulo na may pagpayag ng Komisyon sa Paghirang para sa terminong apat na taon. Bagaman, yayamang magiging pasalit-salit ang mga termino, ang unang pangkat ng kasapi ay iba ang haba ng serbisyo; magsisilbi ng apat na taon ang kinatawan ng Pinagsamang Abogasya, tatlong taon sa propesor ng batas, dalawang taon sa retiradong Mahistrado, at isang taon sa kinatawan ng pribadong sektor.^[3] Bibigyan ang mga susunod na mga kasapi ng buong terminong apat na taon.

Hinihirang ang Punong Mahistrado ng pangulo mula sa maikling tala ng sinumite ng JBC. Ang Kalihim ng Katarungan, bilang kasapi ng Gabinete, ay hinihirang ng pangulo sa payo at pagpayag ng Komisyon sa Paghirang. Hinahalal ng kamara ang miyembro ng Kongreso kung saan nanggaling ang kasapi.

Pinapahintulutan ang mga kasaping regular na muling hirangin na walang limitasyon. Nagsisilbi ang Kalihim ng Katarungan sa kaluguran ng pangulo, habang nagsisilbi ang kinatawan ng Kongreso hanggang inurong sila ng kamara, o hanggang natapos na ang termino ng Kongreso na nagpangalan sa kanila. Sa huli, magsisilbi ang Punong Mahistrado hanggang mandatoryong pagreretiro ng 70 taong gulang. Nagsisimula ang termino ng kasaping regular sa Hulyo 9.

Noong 2012, isang petisyon sa Kataas-taasang Hukuman ang kinuwestyon kung sino ang uupo sa nilaan sa para sa Kongreso. Sa panahong iyon, may dalawang kasapi ng Kongreso sa sanggunian, na may parehong karapatan sa pagboto: ang tagapangulo ng Komite sa Katarungan ng Kapulungan ng mga Kinatawan ng Pilipinas at ang tagapangulo ng Komite ng Katarungan at Karapatang Pantao ng Senado.^[4] Nagpasya ang Korte Suprema noong 2013 na dapat isa lamang ang miyembro ng JBC mula sa Kongreso; hinayaan ng korte sa Kongreso kung sino sa dalawa ang magiging kinatawan nito sa JBC.^[5]

Ang sanggunian ay ang tanging lupon sa pamahalaan na may kasapi na mula sa lahat ng sangay ng pamahalan, maliban sa mga lupon na ad hoc o tagapayo.

Tungkulin

Lagusan tungo sa tanggapan ng JBC

Ang tungkulin ng Sanggunian ay upang magrekomenda sa mga kinatawan ng mga posibleng hihirangin sa Hudikatura.^[6]

Pipili ang pangulo mula sa mga nominado; dati maaring hilingin ng pangulo sa Sanggunian na inomina ang iba at idagdag sa tala, subalit hindi na ito pinapahintulot. Noong 2009, hiniling ni Pangulong Gloria Macapagal-Arroyo sa sanggunian na magdagdag pa ng maraming nominado sa dalawang nabakanteng puwesto sa Kataas-taasang Hukuman. Tinanggihan ng sanggunian ang hiling.^[7] Hinirang ni Arroyo ang nasa listahan.^[8]

Magiging kasapi ng Hudikatura ang indibiduwal na pinili ng pangulo, at hindi na ito susuriin ng Komisyon sa Paghirang. Ginagawa ito upang iwasan ang pamumulitika at negosasyon sa mga partidong pampolitika.

Sinabi ng dating Punong Mahistrado Artemio Panganiban na ang pangunahing layunin ng Sanggunian ay upang hikayatin ang pinakamagaling at pinakakamatalino sa hudikatura at manatili sila doon.

Mga tanggapan na nakamaikling-tala

• Mga mahistrado ng Kataas-taasang Hukuman
• Mga mahistrado ng Hukuman ng Pag-aapela
• Mga mahistrado ng Sandiganbayan
• Mga mahistrado ng Hukuman ng Pag-aapela sa Buwis
• Mga opisyales sa Tanggapan ng Tanodbayan
• Kasapi ng Lupon ng Edukasyong Legal
• Mga hukom sa Mga Panrehiyong Hukuman sa Paglilitis at lahat ng mas mababang hukuman

Mga kasapi

Ang kasapi ng JBC sa grupong panayaw ng Punong Mahistrado ng Korte Supreman ng Pilipinas

Ang mga kasapi ng JBC ay:^[9]

• Ang Punong Mahistrado simula pa noong Disyembre 10, 1987.
• Ang Kalihim ng Katarungan simula pa noong Disyembre 10, 1987
• Kinatawan sa Kongreso
• Retiradong Mahistrado mula sa Korte Suprema bilang kasaping regular
• Kinatawan mula sa Pinagsamang Abogasya bilang kasaping regular
• Kinatawan mula sa akademya bilang kasaping regular
• Kinatawan mula sa pribadong sektor bilang kasaping regular

Kasalukuyang kasapi

Kasapi		Simula ng termino	Takdang katupusan ng termnio	Kinakatawan		Uri	Hinirang ni
1	Alexander Gesmundo	Abril 5, 2021	Nobyembre 6, 2026	Punong Mahistrado		Tagapangulong ex officio	Rodrigo Duterte
2	Jesus Crispin Remulla	Hunyo 30, 2022	Nagsisilbi sa kaluguran ng pangulo	Kalihim ng Katarungan		Kasaping ex officio	Bongbong Marcos
3	Francis Tolentino*	Hulyo 26, 2022	Hunyo 30, 2025	Kongreso	Senado		Ika-19 na Kongreso
	Juliet Marie Ferrer*				Kamara de Representante
4	Erlinda Piñera Uy[10]	Hulyo 21, 2023	Hulyo 9, 2027	Pinagsamang Abogasya		Kasaping regular	Bongbong Marcos
5	Nesauro Firme	Hulyo 11, 2022[11]	Hulyo 9, 2026	Akademya			Bongbong Marcos
6	Jose Mendoza	Oktubre 4, 2017	Hulyo 9, 2025	Retiradong mahistrado ng Korte Suprema			Rodrigo Duterte
7	Toribio Ilao Jr.	Oktubre 26, 2016	Hulyo 9, 2024	Pribadong sektor			Rodrigo Duterte

• Kalihim na ex officio: Abo. Marife M. Lomibao- Cuevas, bilang Klerk ng Kataas-taasang Hukuman ng en banc, simula pa noong Marso 26, 2021

*Sa ilalim ng kasalukuyang kasunduan, uupo ang kongresista mula Enero hanggang Hunyo, habang uupo ang senador mula Hulyo hanggang Disyembre. Isang kinatawan lamang ang uupo sa kahit anumang oras.

Bilang isang bagay ng tradisyon, ang dalawang pinaka-senyor na kasamang mahistrado ng Korte Suprema ay makikilahok din sa deliberasyon ng JBC:

• Marvic Leonen (Senyor na Kasamang Mahistrado)
• Alfredo Benjamin Caguioa (Kasamang Mahistrado)

Mga sanggunian

1. Konstitusyon ng 1987, Artikulo VIII, Seksyon 8, Talata 1
2. 1Konstitusyon ng 1987, Artikulo VIII, Seksyon 8, Talata 3
3. 1Konstitusyon ng 1987, Artikulo VIII, Seksyon 8, Talata 2
4. "SC asks JBC to comment on Chavez petition". GMANews.tv (sa wikang Ingles). Hulyo 3, 2012. Nakuha noong Abril 17, 2013.
5. Punay, Edu (Hulyo 3, 2012). "Only one member from Congress in JBC, SC affirms". Philippine Star (sa wikang Ingles). Nakuha noong Abril 17, 2013.
6. Konstitusyon ng 1987, Artikulo VIII, Seksyon 8, Talata 5
7. Sy, Marvin; Punay, Edu (Agosto 4, 2009). "JBC rejects Palace demand for more nominees to Supreme Court". philstar.com (sa wikang Ingles). Nakuha noong Agosto 4, 2020.
8. Sy, Marvin. "Malacañang bows to JBC, will review Supreme Court shortlist". philstar.com (sa wikang Ingles). Nakuha noong Agosto 4, 2020.
9. "JBC CHAIRPERSONS, EX OFFICIO AND REGULAR MEMBERS, EX OFFICIO SECRETARIES AND CONSULTANTS". Supreme Court of the Philippines (sa wikang Ingles). Inarkibo mula sa orihinal noong Hulyo 28, 2012. Nakuha noong Agosto 25, 2012.
10. Mondares, Claire Bernadette (2023-07-23). "Retired tax court justice sworn in as JBC member". The Manila Times (sa wikang Ingles). Nakuha noong 2023-08-14.
11. Canlas, Jomar (Agosto 3, 2022). "Marcos appoints former lawyer to JBC". The Manila Times (sa wikang Ingles). Nakuha noong Agosto 12, 2022.