Mmasekgoa Masire-Mwamba

Mmasekgoa Masire-Mwamba
Ka Ga Ena
Mosetshaba wa	Botswana

Ka ga ene

Mmasekgoa Masire-Mwamba ke motsamaisi wa Botswana le modiredi wa puso wa mafatshefatshe, yo o nang le maitemogelo/boitseanape jo bo kwa godimo ja dingwaga tse di fetang masome a mararo mo go tsa kgwebo, tlhabololo le ditherisano tsa mafatshe tse di farologaneng.^[1] Mmasekgoa Masire-Mwamba e ne e le Mothusa Mokwaledi-mogolo wa Commonwealth go tloga ka 2008 go fitlha ka 2014.^[2]

Botshelo jwa gagwe le dithutego

Mmasekgoa Masire-Mwamba o tshotswe e le Gabaipone Masire ka ngwaga wa 1960 kwa motseng wa Kanye, a tsalwa jalo ke Ketumile Quett Joni Masire le Gladys Olebile Masire mme a golela kwa Gaborone kwa a simolotseng sekolo sa gagwe kwa Thornhill Primary School teng.^[3] O ne a fiwa leina la Gabaipone go tlotla mmaagwe rre rraagwe e bong Gabaipone. Ka leina le legolo jalo, gantsi motho o fiwa leina le lengwe, ka jalo a bidiwa Mmasekgoa. Leina la Mmasekgoa le ne la feleletsa le bipile leina la gagwe la mmatota ebong Gabaipone.^[3]

Morago ga moo o ne a amogelwa kwa Yunibesithing ya Lontone a aloga ka Bachelor of Science Electronics and Physics. Ka 1990 o ne a aloga ka Masters of Business Administration (MBA) go tswa kwa Yunibesithing ya Pittsburgh.^[4] Masire-Mwamba o na le dithuto tse dikgolwane tsa dikirii ya Bachelor of Law (LLB) le Advanced Management Diploma go tswa kwa IESE Business School, Spain.^[4] Ke motlhatlheledi yo o nang le motlhatlhobi le setifikeiti, ka a tlhomile kompone e e ikemetseng e e nayang thutuntsho ya bokgoni jo bo bonolo e e itebagantseng le Boeteledipele le Taolo ya Boto.^[4]

Metswedi

1. Botswana, Embassy of. "Ambassador". Embassy of Botswana. Retrieved 2021-05-28.
2. "Former Deputy Secretary General of the Commonwealth Secretariat Ms. Mmasekgoa Masire-Mwamba meets with ACP Secretary General". Acp.int. 2015-06-04. Retrieved 2016-12-09.
3. "Coming of age - Masekgoa Masire-Mwamba". Botswana Daily News.
4. Botswana, Embassy of. "Ambassador". Embassy of Botswana. Retrieved 2021-05-28.