Kanokupolu
Ko Kanokupolu ko e kolo lahi ia ʻi he vahe hihifo ʻo Tongatapu. ʻOku tuʻu ʻi he Hala Hihifo ʻi he vahaʻa ʻo ʻĀhau mo Haʻatafu. Ko hono hingoa fakatenetene ko e Folaʻosi ia, pe Niu tuʻu tolu.
Ko e folaʻosi ko e teunga mei he ngatu maʻa e kakai ʻo Kanokupolu pē ʻi heʻenau faiva lakalaka. ʻOku ongoongoa ʻa e ngaahi lakalaka mei he koló ni, naʻe kamata ʻi he kamataʻanga ʻo e teautaʻu hono 20 ʻe he tuʻi Sālote Tupou III. Koeʻuhi ʻoku ʻi heni naʻe kamata ʻe Ngata ʻa e holongā hau foʻou, ko e Tuʻi Kanokupolu. Ko ia ai, ko e kolo mo e ʻapi ʻuta takatakai, ko e tofiʻa ʻo e tuʻi.
Ko e konga fakatonga ʻo e kolo, ko e kolo kehe ia ko Neiafu (Neiafu ʻi Tongatapu, ko e tofiʻa ʻo Lasike, ko e taha ʻo hono ngaahi Lakepa), kae ʻoku tui ʻe he tokolahi ko Neiafu ko e tuʻotuʻa kolo pē ʻo Kanokupolu.
Latitute longitute: 21°075 tonga 175°332 hihifo
