Иветт Тот

Иветт Тот
Туган телдә исем маҗар. Tóth Ivett
Туган 20 декабрь 1998(1998-12-20) (25 яшь)
Будапешт, Маҗарстан
Ватандашлыгы  Маҗарстан
Һөнәре фигурист

 Иветт Тот Викиҗыентыкта

Иветт Тот (маҗар. Tóth Ivett; 1998 елның 20 декабре, Будапешт, Маҗарстан) — Маҗарстанның фигуралы шуучы, Ice Challenge «Челленджер» сериясе турнирының бакыр призёры (2014), дүрт тапкыр Маҗарстан чемпионы (2014—2017), илнең вице-чемпионы (2018). Шулай ук яшьүсмерләр арасында үз иленең чемпионы (2013).

Карьера

[үзгәртү | вики-текстны үзгәртү]

Иветт 1998 елда Будапештта туа, фигуралы шуу белән 2005 елдан шөгыльләнә башлый.

2012 елның көзендә ул яшүсмерләр Гран-При этабында дебют ясый. Берничә айдан соң Иветт яшүсмерләр арасында Маҗарстан беренчелеген ота һәм Миланда яшүсмерләр арасында дөнья чемпионатында катнашу хокукын ала. Киләсе сезонда ул өлкәннәр арасында Маҗарстан чемпионы була һәм Софиядә яшүсмерләр арасында дөнья чемпионатында катнаша, әмма финал өлешенә чыга алмый.

2014 елның көзеннән ул өлкәннәр арасында халыкара турнирларда да катнаша башлый, Грацта узган турнирда өченче урынны ала[1] һәм Будапештта Яңа ел турнирында җиңү яулый. Чехиядә һәм Хорватиядә яшүсмерләр Гран-при этапларында янәдән катнаша. Икенче тапкыр ил чемпионы булды. Гыйнвар аенда ул Стокһольмда узган Европа чемпионатында беренче тапкыр чыгыш ясый, анда финал өлешенә чыга алмый. Март аенда Таллиннда яшүсмерләр арасында дөнья чемпионатында катнаша, анда да финал өлешенә чыга алмый. Сезонны Шанхайда дөнья чемпионатында тәмамлый һәм монда фортуна аннан баш тарта; Иветт чемпионатның финал өлешенә чыкмый.

Киләсе сезонда спортчы Австриядә һәм Хорватиядә яшүсмерләр Гран-При этапларында катнаша[2]. Төрле халыкара турнирларда да яхшы старт ала. Декабрь аенда өченче тапкыр Маҗарстан чемпионы була. 2016 елның гыйнвар ахырында Братиславада Европа чемпионатында ул континентның әйдәп баручы фигуралы шуучылары арасында финишка килә[3]. Март аенда Иветт Дебреценда яшүсмерләр арасында дөнья чемпионатында катнаша, анда сигезенче урынны ала һәм Маҗарстан өчен икенче сезонда чемпионатка ике хатын-кызны белдерү хокукын яулый[4]. Апрель аенда Бостонда өлкәннәр арасында дөнья чемпионатында спортчы финал өлешенә чыга алмый.

Олимпия уеннары алды сезонында ул инде өлкәннәр арасында гына чыгыш ясый: Словакиядә Непела мемориалында ул унлыкны йомгаклый. Аннары Ригада икенче урынны ала. Эстониядә Таллин трофеен алтынчы булып тәмамлый[5]. Декабрь аенда ул дүртенче тапкыр милли чемпион була[6]. 2017 елның гыйнвар ахырында Европа чемпионатында кыска программада 6 нчы урынны ала һәм шул рәвешле финал өлешенә чыга. Ирекле программада 8 нче була һәм гомуми зачётта да 8 нче урында урнаша, шул ук вакытта карьерадагы барлык югары нәтиҗәләрне дә яхшырта[7]. Март ахырында Хельсинкида узган дөнья чемпионатында ул финал өлешенә уза һәм егерменче урынны ала[8]. Шул ук вакытта квалификацияне уза һәм Көньяк Кореяда узачак Олимпия уеннарына үз иле өчен юллама ала.

Маҗарстан спортчысы өчен олимпия сезоны бик катлаулы була. Ике сезон арасында һәм сезон башында ул ныклап дәвалана, күп ярышларда катнашмый. Декабрь уртасында гына ул ил чемпионатында старт ала һәм икенче урынны яулый. 2018 елның гыйнвар урталарында ул Мәскәүдә Европа чемпионатында чыгыш ясый, аны ул унөченче урында тәмамлый. Февраль ахырында Кореяда Олимпия уеннарының шәхси турнирында фигуралы шуучы зур авырлык белән ярышларның финал өлешенә уза, анда егерме өченче урынны ала. Март ахырында Миландагы 2018 елгы дөнья чемпионатында ул ирекле программага уза һәм шулай ук егерме өченче урында урнаша.

Искәрмәләр

[үзгәртү | вики-текстны үзгәртү]
  1. ↑ Ice Challenge: Американка Миллер победила, Леонова четвёртая.
  2. ↑ Гран-при среди юниоров. 7-й этап. Хонда победила, Хигучи вторая.
  3. ↑ Итоги ЧЕ. Часть 2. Женщины: Россия—Европа 3:0 2016 елның 7 ноябрь көнендә архивланган.
  4. ↑ Чемпионат мира среди юниоров. Хонда одержала победу, Сотскова – 2-я.
  5. ↑ Tallinn Trophy. Константинова победила, Саханович – вторая.
  6. ↑ Турнир четырех наций. Тот выиграла, Райичова вторая.
  7. ↑ Чемпионат Европы. Медведева одержала победу, Погорилая – вторая, Костнер – третья.
  8. ↑ Чемпионат мира. Медведева выиграла золото.

Сылтамалар

[үзгәртү | вики-текстны үзгәртү]
  • Иветт Тот (ингл.) Халыкара тимераякта узышучылар берлегенең рәсми сайтында.