Макуляр эпиретиналь мембрана

Макуляр эпиретиналь мембрана
Саклык белгечлеге офтальмология
ICD-9-CM 362.56[1][2] һәм 362.89[2]
 Макуляр эпиретиналь мембрана Викиҗыентыкта

Патогенез

[үзгәртү | вики-текстны үзгәртү]

Макуляр эпиретиналь мембрана пыяласыман җисем һәм челтәркатлау бәйләнеше өлкәсендә үсеш ала һәм челтәркатлауның пролиферацияләүче глиаль күзәнәкләрдән тора, алар челтәркатлау өслегенә эчке чик мембранасы җимерелү урынында юл ала. Моңа пыяласыман җисемнең арткы кубарылуы китерә ала. Макуляр эпиретиналь мембрананың түбәндәге төрләрен аералар.

1. Идиопатик мембрана күбесенчә башка яктан сәламәт өлкәннәрдә барлыкка килә һәм 10% очракта ике яклы була.

2. Икенчел мембрана түбәндәге очракларда барлыкка килә ала:

а) челтәркатлауда катнашу, мәсәлән челтәркатлау кубарылуы хирургиясе, фотокоагуляция һәм криотерапия макуляр эпиретиналь мембрана барлыкка килүенә китерергә яки булганын үстерергә мөмкин. Дәвалау булмаганда андый мембрана әкренләп чыдамлы күрү начарлану сәбәбе була ала. Мембрана сирәк үзеннән-үзе челтәркатлаудан аерыла ала;

б) башка сәбәпләргә челтәркатлауның тамырлы чирләре, күз эчендәге ялкынсыну барышы һәм күз җәрәхәте керә.

NB Эпиретиналь мембрананың клиник күренеше калынлыгыннан һәм аның белән бәйле тамырлар юлы бозылу дәрәҗәсе белән бәйле. Бу очракта түбәндәге классификация күбрәк туры килә:

(а) «целлофанлы» макулопатия, (б) макуляр җыерчыклык.

«Целлофанлы» макулопатия

[үзгәртү | вики-текстны үзгәртү]

«Целлофанлы» макулопатия юка ярым ачык эпиретиналь күзәнәкләр катламыннан гыйбарәт; еш очрый һәм кагыйдә буларак, пыяласыман җисемнең арткы кубарылуыннан соң икенчел барлыкка килә.

1. Уртача чагылган метаморфопсияләр белән билгеләнә, әмма еш симптомсыз бара һәм очраклы ачыклана.

2. Билгеләре

• Патологик яктылык рефлексы яки макула ялтыравы.

• Мембрана ярым ачык һәм кызылсыз яктылыкта яхшырак күренә (рәс. 17.27а).

• Мембрана калынрак һәм челтәркатлауны күбрәк тарткан саен яхшырак күренә (рәс. 17.27б) һәм тамырлар юлларының уртача чагылган бозылуына китерә (рәс. 17.27в).

3. Дәвалау таләп ителми.

Макуляр җыерчыклык

[үзгәртү | вики-текстны үзгәртү]

Макуляр җыерчыклык — эпиретиналь мембрана калынаю һәм җыерылу белән бәйле мөһимрәк үзгәреш, ләкин «целлофанлы» макулопатия кебек еш очрамый.

1. Метаморфопсияләр һәм үзәк күрү томанлану белән билгеләнә.

2. Күрү үткенлеге 6/12 яки түбәнрәк, бу барыш чагылышына бәйле.

3. Билгеләре

• Макулада кан тамырлары юлларының чагылган бозылуын, челтәркатлау җыерчыклыгын һәм ак буйлар ачыклыйлар, аларны астагы тамырлар астында күрмәскә мөмкин. (рәс. 17.28a).

• Катнаш табылдыкларга мембрана чигендәге макуляр псевдоертылу һәм сирәк — КМШ керә.

4. ФАГ аеруча якты өлкәләрне ачыклый — тамырлар боргалану һәм сыекча чыгу урыннары булганда гиперфлюоресценция чыганаклары (рәс. 17.28б).

5. ОКТ калынаю белән бәйле челтәркатлауның өслектәге катламының гиперрефлективлыгын күрсәтә (рәс. 17.28в).

6. Дәвалау. Челтәркатлау өслегеннән мембрана пилингы, кагыйдә буларак, метаморфопсияләрне киметә яки юк итә һәм якынча 50% очракта күрү үткенлеген арттыра ала.

Искәрмәләр

[үзгәртү | вики-текстны үзгәртү]
  1. ↑ Disease Ontology — 2016.
  2. ↑ 2,0 2,1 Monarch Disease Ontology release 2018-06-29 — 2018-06-29 — 2018.

Чыганаклар

[үзгәртү | вики-текстны үзгәртү]
  • Джек Кански - "Клиник офтальмология: системалаштырылган караш", 2009 ел