| ذاتی معلومات | ||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| مکمل نام | جہمر نیویل ہیملٹن | |||||||||||||||||||||||||||||||||||
| پیدائش | 22 ستمبر 1990 اینگویلا | |||||||||||||||||||||||||||||||||||
| بلے بازی | دائیں ہاتھ کا بلے باز | |||||||||||||||||||||||||||||||||||
| حیثیت | وکٹ کیپر | |||||||||||||||||||||||||||||||||||
| بین الاقوامی کرکٹ | ||||||||||||||||||||||||||||||||||||
| قومی ٹیم | ||||||||||||||||||||||||||||||||||||
| واحد ٹیسٹ (کیپ 320) | 30 اگست 2019 بمقابلہ بھارت | |||||||||||||||||||||||||||||||||||
| واحد ایک روزہ (کیپ 204) | 25 جنوری 2021 بمقابلہ بنگلہ دیش | |||||||||||||||||||||||||||||||||||
| ملکی کرکٹ | ||||||||||||||||||||||||||||||||||||
| عرصہ | ٹیمیں | |||||||||||||||||||||||||||||||||||
| 2008– تاحال | انگویلا | |||||||||||||||||||||||||||||||||||
| 2008– تاحال | لیورڈ جزائر | |||||||||||||||||||||||||||||||||||
| 2013 | اینٹیگوا ہاکس بلز | |||||||||||||||||||||||||||||||||||
| کیریئر اعداد و شمار | ||||||||||||||||||||||||||||||||||||
| ||||||||||||||||||||||||||||||||||||
ماخذ: ای ایس پی این کرک انفو، 25 اگست 2021ء | ||||||||||||||||||||||||||||||||||||
جہمر نیویل ہیملٹن (پیدائش: 22 ستمبر 1990ء) انگولا کا ایک کرکٹ کھلاڑی ہے۔ وہ وکٹ کیپر کے طور پر کھیلتا ہے اور لیورڈ آئی لینڈز کرکٹ ٹیم کا حصہ ہے۔ اس نے اگست 2019ء میں ویسٹ انڈیز کی کرکٹ ٹیم کے لیے بین الاقوامی کیریئر کا آغاز کیا۔ [1]
اس نے اپنا ٹوئنٹی 20 ڈیبیو انگویلا کرکٹ ٹیم کے لیے گریناڈا کے خلاف 2007/08ء سٹینفورڈ 20/20 ٹورنامنٹ انٹیگوا میں کیا۔ [1] اور فروری 2008ء میں لیورڈ جزائر کے لیے بارباڈوس کے خلاف فرسٹ کلاس ڈیبیو کیا۔ [2] 2013ء میں ہیملٹن کو ٹوئنٹی 20 کیریبین پریمیئر لیگ کے افتتاحی سیزن کے لیے انٹیگوا ہاکس بلز سکواڈ میں شامل کیا گیا تھا۔ [3] وہ 2016-17ء کے علاقائی چار روزہ مقابلے میں لیورڈ جزائر کے لیے سب سے زیادہ رنز بنانے والے کھلاڑی تھے اور ٹورنامنٹ میں متعدد سنچریاں بنانے والے ٹیم کے واحد کھلاڑی تھے۔
مئی 2018ء میں انھیں سری لنکا کے خلاف سیریز کے لیے ویسٹ انڈیز کے ٹیسٹ سکواڈ میں شامل کیا گیا تھا، لیکن وہ نہیں کھیلے۔ [4] اگست 2018ء میں انھیں بھارت کے خلاف سیریز کے لیے ویسٹ انڈیز کے ٹیسٹ اسکواڈ میں شامل کیا گیا اور وہ دوبارہ نہیں کھیلے۔ [5] نومبر 2018ء میں انھیں ایک بار پھر ویسٹ انڈیز کی ٹیسٹ ٹیم میں شامل کیا گیا، اس بار بنگلہ دیش کے خلاف سیریز کے لیے۔ [6] اگست 2019ء میں، ہیملٹن کو بھارت کے خلاف دوسرے ٹیسٹ کے لیے ویسٹ انڈیز کے ٹیسٹ سکواڈ میں شامل کیا گیا، شین ڈاؤرچ کی جگہ جو ٹخنے کی انجری میں مبتلا تھے۔ [7] اس نے ویسٹ انڈیز کے لیے 30 اگست 2019ء کو انڈیا کے خلاف ٹیسٹ ڈیبیو کیا [8] دسمبر 2020ء میں ہیملٹن کو بنگلہ دیش کے خلاف سیریز کے لیے ویسٹ انڈیز کے ون ڈے انٹرنیشنل سکواڈ میں شامل کیا گیا۔ [9] اس نے 25 جنوری 2021ء [10] بنگلہ دیش کے خلاف ویسٹ انڈیز کے لیے اپنا ایک روزہ ڈیبیو کیا۔
ہیملٹن نے 2007ء کونکاف انڈر 17 ٹورنامنٹ کی اہلیت کے دوران اپنے ملک کی نمائندگی کرتے ہوئے فٹ بال بھی کھیلا۔ [11]