سندھی زبان کا با اختیار ادارہ

سندھی زبان کا با اختیار ادارہ
سنڌي ٻوليءَ جو با اختيار ادارو

مقامی نام	سنڌي ٻوليءَ جو با اختيار ادارو
قسم	ملحقہ ادارہ
صنعت	سرکاری
نوع	سرکاری محکمہ
قیام	1991
بانی	ڈاکٹر نبی بخش بلوچ
صدر دفتر	حیدرآباد، سندھ، پاکستان
کلیدی افراد	ڈاکٹر عبد الغفور میمن (چیئرمین)
مصنوعات	کتابیں، لغات، فرہنگ وغیرہ
خدمات	فروغ و ترویج سندھی زبان
مالک	حکومت سندھ
ڈویژن	12
ویب سائٹ	http://www.sindhila.org

نام	Title
سندھی زبان کابااختیار ادارہ	Sindhi Language Authority

سندھی زبان کا با اختیار ادارہ^[1] ((سندھی: سنڌي ٻوليءَ جو با اختيار ادارو)‏)یا مقتدرہ سندھی زبان ، حکومت سندھ کی وزارت ثقافت و سیاحت کے ماتحت ادارہ ہے جس کا نصب العین ملک میں سندھی زبان کی ترویج ہے۔

قیام

اس ادارہ کا قیام 1991ء کو آئین پاکستان 1973ء کے آرٹیکل(3) 251 اور سندھ اسمبلی کے (سندھ ایکٹ 1972ء)" سندھی زبان کی تعلیم، ترقی اور استعمال" اور (سندھ ترمیمی ایکٹ 1990ء) " سندھی زبان کی تعلیم، ترقی اور استعمال" کے تحت عمل میں آیا ^[2] تاکہ سندھی زبان کی تعلیم، ترقی اور فروغ اور مختلف علمی، تحقیقی اور تعلیمی اداروں کے مابین اشتراک و تعاون کو فروغ دے کر سندھی زبان کے نفاذکوممکن بنایا جائے۔ اس ادارہ نے متعدد مفید کتابیں اور کتابچے شائع کیے ہیں۔ حالیہ برسوں میں اس کے ایک ذیلی شعبے "انسائیکلو پیڈیا سندھیانا" نے سندھی زبان میں اولین و جامع سندھی دائرۃ المعارف " انسائیکلوپیڈیا سندھیانا"کے نام سے شائع کیا ہے، جس کی 9 جلدیں شائع ہو چکی ہیں اور باقی جلدوں پر کام تیزی سے جاری ہے۔

اغراض و مقاصد

ادارہ کے مطابق اس کے اغراض و مقاصد یہ ہیں^[3]:

• سندھی زبان کا فروغ، ترقی اور نشریات۔
• سندھی زبان کو سائنسی اور تکنیکی شعبوں سے جوڑنا اور دور جدید کے ہر شعبہ میں سندھی زبان کا اپنا عمل اور ترقی۔
• حکومت سندھ کو سندھی زبان کے سلسلہ میں مشورے اور ہدایات دینا۔
• سندھی زبان کی تعلیم، تعلیمی ادارے، تعلیمی ترقی۔
• سندھی زبان کی کتابیں تیار کرنا۔
• سندھی تراجم۔
• کمپیوٹر اور دیگر جدیدٹیکنالوجی کے ذریعہسندھی زبان کا فروغ ۔
• سندھی زبان میں دائرۃ المعارف کی تیاری۔
• سندھی زبان کے قدیم مخطوطات کی اشاعت۔
• سندھی صورتخطی وخوشخطی پر کتب کی اشاعت۔
• سندھی اور شارٹ ہینڈ کے کمپیوٹر ٹریننگ کورس کا انعقاد۔
• سندھی لغات کی اشاعت۔
• تحقیقی مجلہ "سندھی بولی" کی اشاعت۔

انتظامی ڈھانچہ

ادارہ ایک ملحقہ ادارہ ہے جو وزارت ثقافت و سیاحت حکومت سندھ کے تحت کام کرتا ہے۔

سندھی زبان کابااختیار ادارہ کی مطبوعات

سندھی صوتیات

ریسرچ جرنل سندھی بولی

انسائیکلوپیڈیا سندھیانا

مطبوعات

• جامع سندھی لغات(5 جلدیں) تدوین ڈاکٹر نبی بخش بلوچ
• یک جلدی سندھی لغت
• سندھی-انگریزی لغت
• انگریزی-سندھی لغت
• ڈکشنری- سندھی(دیوناگری) اور انگلش از کیپٹن جارج اسٹیک
• سندھی صورتخطی اور خطاطی از ڈاکٹر نبی بخش بلوچ
• سندھی صورتخطی از ڈاکٹر غلام علی الانا
• سندھی صوتیات از ڈاکٹر غلام علی الانا
• آئیے سندھی سیکھیں از ڈاکٹر فہمیدہ حسین
• فرائض الاسلام سندھی از مخدوم عبد اللطیف
• سندھی جنگلی حیات(سندھی) از بدر ابڑو
• راحۃ المومنین ترجمہ ڈاکٹر عبد الرسول قادری
• سندھ کے قدیم آثاروں کی ڈائریکٹری (سندھی) از حاکم علی شاہ
• سنگیت سنسار(سندھی) از حاکم علی شاہ
• سندھی زبان کا گرائمر (سندھی) از ڈاکٹر ارنیسٹ ٹرمپ
• Anwar Pirzado by Sindhi Language & Literature A Brief Account
• Amjad Siraj by Sindhi Language
• سندھو لکھت(سندھی) از ڈاکٹر فہمیدہ حسین

تحقیقی مجلہ

• سندھی بولی

سندھی دائرۃ المعارف

• انسائیکلو پیڈیا سندھیانا (9 جلدیں شائع اور باقی جلدوں پر کام جاری)

سندھی زبان کا با اختیار ادارہ کا کتب خانہ

سندھی زبان کا با اختیار ادارہ کا کتب خانہ سندھی زبان،تاریخ اور ادب کا بہترین کتب خانہ ہے جہاں محققین اور طلبہ کے کے لیے سندھی زبان،تاریخ، ثقافت، صورتخطی، صوتیات، رسم الخط، سندھی زبان کے منظوم زخیرہ پر پاکستان اور بیرون ممالک کی شائع شدہ کتب انگریزی، سندھی، اردو، براہوی، پنجابی، فرانسیسی، جرمن اور ہندی زبانوں میں دستیاب ہیں۔ اس کے علاوہ رسائل و جرائد کا وسیع ذخیرہ بھی موجود ہے۔ اس کتب خانے کا ایک بڑا حصہ حوالہ جاتی کتب اور مواد پر مشتمل ہے جس میں انسائیکلوپیڈیا، لغات اور ببلو گرافی اور اصطلاحات شامل ہیں۔ اس کے علاوہ سمعی و بصری مواد کا کچھ حصہ بھی موجود ہے ۔

سربراہا ن

تصویر	نام	دورِ سربراہی
	ڈاکٹر نبی بخش بلوچ	15 فروری 1991ء –6 مارچ 1994
	ڈاکٹر نواز علی شوق	6 مارچ 1994ء –3 اپریل 1995ء
	ڈاکٹر نبی بخش قاضی	3 اپریل 1995ء – 17 نومبر 1996ء
	ممتاز مرزا	17 نومبر 1996ء – 6جنوری 1997ء (اضافی چارج)
	امر جلیل	7جنوری 1997ء – 5 مئی 1997ء
	حمید سندھی	6 مئی 1997ء – 22 جولائی 1998ء
	ڈاکٹر غلام علی الانا	22 جولائی 1998ء – 1 اگست 2001ء
	ڈاکٹر محمد قاسم بگھیو	1 اگست 2001ء – 15 فروری 2005ء
80px	این ڈی جتوئی	16 فروری 2005ء – 16 فروری 2005ء (اضافی چارج)
	عبدالقادر جونیجو	19 ستمبر2005ء – 10مئی 2008ء
	ڈاکٹر فہمیدہ حسین	28 مئی 2008 - 13 مارچ 2015
	سرفراز راجڑ	15 مئی 2008 - 14 اکتوبر 2016
	ڈاکٹر عبد الغفور میمن	اکتوبر 2016- تاحال

بیرونی روابط

• سندھی زبان کابااختیار ادارہ

مزید دیکھیے

• ڈاکٹر نبی بخش بلوچ

حوالہ جات

1. ڈاکٹر نبی بخش بلوچ: شخصیت و فن از محمد راشد شیخ، اکادمی ادبیات پاکستان اسلام آباد، 2007، ص 71
2. "آرکائیو کاپی"۔ 29 اگست 2015 میں اصل سے آرکائیو شدہ۔ اخذ شدہ بتاریخ 03 ستمبر 2015  الوسيط |url-status= تم تجاهله (معاونت)
3. "آرکائیو کاپی"۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 03 ستمبر 2015  الوسيط |url-status= تم تجاهله (معاونت)