| پروگو | |
|---|---|
| فائل:Parugu poster.jpeg فلم پوسٹر | |
| ہدایت کار | بھاسکر |
| پروڈیوسر | دل راجو |
| تحریر | بھاسکر |
| ستارے | اللو ارجن شیلا كور پونم باجوہ پرکاش راج |
| موسیقی | منی شرما |
| سنیماگرافی | وجے سی چکرورتی |
| ایڈیٹر | مارتھنڈ کے وینکٹیش |
پروڈکشن کمپنی | |
| تقسیم کار | گیتا آرٹس سری وینکٹیشورا کریشنز کے اے ڈی انٹرٹینمینٹ (امریکا) |
تاریخ نمائش |
|
دورانیہ | 166 منٹ |
| ملک | بھارت |
| زبان | تیلگو |
| بجٹ | ₹ 20 کروڑ |
| باکس آفس | ₹ 60 کروڑ |
پروگو (اردو: دوڑ) 2008ء کی بھارتی تیلگو زبان کی رومانوی ہنگامہ خیز فلم ہے۔ اس فلم کے مصنف اور ہدایت کار بھاسکر ہیں۔ اس فلم کے مرکزی ستارے اللو ارجن، شیلا كور اور پرکاش راج ہیں۔ پوجا باجوہ اور جیاسدھا نے فلم میں خصوصی ظہور کیا۔ دل راجو نے اس فلم سری وینکٹیشورا کریشنز کے بینر تلے پروڈیوس کیا۔ منی شرما نے فلم کا میوزک کمپوز کیا۔ وجے سی چکرورتی نے فلم کی ایڈیٹنگ اور مارتھنڈ کے وینکٹیش نے فلم کی سنیماگرافی سنبھالی۔ یہ فلم 2014ء میں ہندی میں ہیروپنتی کے عنوان سے ٹائیگر شروف اور کریتی سینون کے ساتھ ری میک کی گئی۔
فلم کی کہانی ایک شخص نیلاکنٹا کے گرد گھومتی ہے جو اپنی دونوں بیٹیوں سبھلکشمی اور میناکشی سے بے حد محبت کرتا ہے۔ نیلاکنٹا اپنے گاؤں کا سردار ہے، جو محبت کی شادی پر یقین نہیں رکھتا۔ سبھلکشمی، ارابابو سے پیار کرتی ہے اور اپنی شادی کے دن اس کے ساتھ بھاگ جاتی ہے۔ نیلاکنٹا کے آدمی ارابابو کے دوستوں کو اغواہ کر لیتے ہیں۔ ان میں ایک لڑکا کرشنا ہوتا ہے۔ کرشنا اپنی موج میں مست رہنا والا ایک لڑکا ہے، جو میناکشی کو پہلی نظر میں دیکھتے ہی پیار کرنے لگ جاتا ہے پر اسے بعد میں پتا چلتا ہے کہ وہ نیلاکنٹا کی بیٹی ہے۔ میناکشی کرشنا سے ڈرتی ہے اور اس کے پیار کو قبول نہیں کرتی۔ نیلاکنٹا، ارابابو اور اپنی بیٹی سبھلکشمی کو ڈھونڈے لگ پڑتا ہے کہ اسی دوران کرشنا، میناکشی کی کچھ غنڈوں سے جان بچاتا ہے۔ اس واقعہ کے بعد میناکشی، کرشنا کے پیار کو سمجھنے لگتی ہے۔ بعد میں نیلاکنٹا، ارابابو اور اپنی بیٹی سبھلکشمی کو ڈھونڈ لیتا ہے، پر یہ جاننے کہ بعد کہ وہ اپنے شوہر کے ساتھ خوش ہے اور اس کے ساتھ زندگی گزارنا چاہتی ہے، نیلاکنٹا ان دونوں کو چھوڑ دیتا ہے۔ فلم کی کہانی اس موضوع پر مبنی ہے کہ کرشنا کیسے میناکشی کا دل جیت تا ہے؟؟
فلم کی منصوبہ 15 مارچ، 2007ء کو حیدرآباد، دکن میں ہوئی اور شوٹنگ جون 2007ء میں شروع ہوئی۔ فلم کی شوٹنگ کیرلا، حیدرآباد، کوڈائی کنل اور راجامنڈری میں ہوئی، جبکہ ایک گانا اردن میں فلمایا گیا۔ فلم شوٹنگ اپریل 2008ء میں ختم ہوئی۔ یہ فلم 2 مئی، 2008ء کو جاری کی گئی۔[1][2] اس فلم نے 2 نندی اعزاز 1 فلم فیئر اعزاز جیتا۔[3]
یہ فلم ملیالم زبان میں کرشنا کے عنوان سے ڈب کی گئی۔ اس فلم کا ملیالم ورژن بھی کامیاب رہا۔[4] یہ فلم بعد میں، 2010ء میں گولڈ مائن ٹیلی فلمز کی طرف سے ہندی زبان میں ویرتا دا پاور کے عنوان سے ڈب کی گئی۔ ڈبنگ آرٹسٹ سنکٹ مہاترے نے اللو ارجن کی آواز کو ڈب کیا۔ اس ورژن نے ملے جلے تجزیے حاصل کیے۔[5]
| پروگو(2008ء) (تیلگو) |
سنجو آؤ سنجنا(2010ء) (اڑیہ) |
شیدن دیکھا یوئے چلو(2010ء) (بنگالی) |
ہیروپنتی(2014ء) (ہندی) |
| اللو ارجن | بابوشن | دیو | ٹائیگر شروف |
| شیلا كور | پری جات | سرابنتی چٹرجی | کریتی سینون |
| پرکاش راج | مہر داس | تپس پال | پرکاش راج |
