| Yoʻnalish | Iqtisodiyot |
|---|---|
| Til | inglizcha |
| Nashr tafsilotlari | |
| Tarixi | 2009–hozirgacha |
| Nashriyot | |
| Chastota | Har chorakda |
| ISO 4 | Bu yerdan topasiz |
American Economic Journal – Amerika Iqtisodiy Assotsiatsiyasi tomonidan nashr etilgan toʻrtta ilmiy-akademik jurnallar guruhi. Alohida jurnallarning nomlari American Economic Journal prefiksidan iborat boʻlib, unga soha tavsifi ilova qilingan. 2009-yilda boshlangan toʻrtta jurnali: Applied Economics, Economic Policy, Macroeconomics hamda Microeconomics.
Amerika Iqtisodiy Assotsiatsiyasi Robert Hall raisligida Jurnallar boʻyicha maxsus qoʻmita tuzdi. U 2006-yil aprel oyida ushbu mavzuni uch yillik oʻrganishdan soʻng, Amerika Iqtisodiy Assotsiatsiyasiga (AIA) toʻrtta yangi jurnalni ochishni tavsiya qilgan. Buning sabablaridan biri shundaki, deyarli barcha boshqa akademik jamiyatlar uchtadan ortiq jurnal nashr etadi va jurnallarni koʻpaytirish orqali muharrirlarning xilma-xilligi ortadi[1]. Boshqa sabablarga koʻra, aksariyati Elsevier tomonidan nashr etiladigan iqtisod boʻyicha jurnallar narxining koʻtarilishi va The American Economic Reviewning koʻp sonli taqdimotlar bilan shugʻullana olmasligi kiradi[2].
Toʻrtta yangi jurnalni nashr etish boʻyicha tavsiya 2006-yilda AIA Ijroiya qoʻmitasi tomonidan maʼqullangan va nashrning boshlanish sanasi 2009-yilda belgilangan. Oʻsha paytdagi AIA prezidenti George Akerlof yangi jurnallar muharrirlari uchun qidiruv qoʻmitalarini tayinlagan edi. Olivier Blanchard birinchi muharrir etib saylangan. U 2009-yilda isteʼfoga chiqadi va Xalqaro valyuta jamgʻarmasining bosh iqtisodchisi sifatidagi vazifalari joriy moliyaviy inqiroz sharoitida jurnalni tahrirlash bilan mos kelmasligini taʼkidlaydi. Uning oʻrniga Steven Davis lavozimga taʼyinlangan. Hozirgi muharrir esa John Leahydir.