Dilorom Yoʻldosheva

Yoʻldosheva Dilorom Shodiyevna
Tavalludi 25-iyun 1984-yil (1984-06-25) (40 yosh)
Surxondaryo viloyati, Oltinsoy tumani
Fuqaroligi SSSR bayrogʻi SSSR→Oʻzbekiston bayrogʻi Oʻzbekiston
Kasbi tikuvchi
Bolalari 3
Mukofotlari [1]

Dilorom Yoʻldosheva – oʻzbek ishbilarmon ayoli. BBC tomonidan tuzilgan „Dunyoning katta taʼsirga ega va ilhomlantiruvchi 100 nafar ayollari“ roʻyxatiga kiritilgan[2][3][4][5]. Uning hayoti haqida Adliya vazirligi tomonidan „Matonat“ filmi suratga olingan[6][7].

Hayoti va faoliyati

[tahrir | manbasini tahrirlash]

Dilorom Yoʻldosheva 1984-yilning 25-iyun kuni Surxondaryo viloyatining Oltinsoy tumanida tugʻilgan. 2022-yilda gʻalla oʻrimi vaqtida kombayn bilan bogʻliq baxtsiz hodisa tufayli oʻzining ikki oyogʻidan ayrilgan. Bu voqeadan keyin, tikuvchilik faoliyati bilan shugʻullanib, oʻzining uyida 40 nafar xotin-qizlarga bepul tikuvchilikni oʻrgatgan[8]. Tadbirkorlik faoliyatini kengaytirganidan soʻng, koʻplab maktablar bilan maktab formasini tikish yuzasidan shartnomalar tuzgan.

Film

[tahrir | manbasini tahrirlash]

Oʻzbekiston Respublikasi Adliya vazirligi 2024-yil oktyabr oyida uning hayoti haqida hikoya qiluvchi Dilmurod Masaidov rejissorligida „Matonat“ nomli filmni suratga olgan. Film davomiyligi 46 daqiqani tashkil etib, voqealar ayolning baxtsiz hodisadan boshlab hozirgi hayotigacha hikoya qilinadi.

„100 ayol“

[tahrir | manbasini tahrirlash]

2024-yil dekabr oyida BBC xalqaro korporatsiyasining 41 ta xizmatlari tomonidan berilgan nomzodlari asosida „Dunyoning katta taʼsirga ega va ilhomlantiruvchi 100 nafar ayollari“ roʻyxatiga kiritilgan.

Mukofotlari

[tahrir | manbasini tahrirlash]

2024-yil 13-dekabrda Oʻzbekiston Respublikasi Prezidentining „D.Yoʻldashevani „Mardlik“ ordeni bilan mukofotlash toʻgʻrisida“gi farmoniga muvofiq, Mardlik ordeni bilan mukofotlangan[9].

Manbalar

[tahrir | manbasini tahrirlash]
  1. ↑ „Президентимиз дунёнинг энг руҳлантирувчи “Топ-100” аёли рўйхатига кирган Деновлик Дилором Йўлдошеванинг ишларини эътироф этди. Бу аёл ногиронлиги бор бўлса-да, тикув корхонасини очиб, 40 нафар камбағал хотин-қизларни ишли қилди.“. Qaraldi: 13-dekabr 2024-yil.
  2. ↑ „BBC 100 Women 2024: Who is on the list this year?“. bbc.co.uk. Qaraldi: 3-dekabr 2024-yil.
  3. ↑ „Проект Би-би-си «100 женщин» 2024. Кто вошел в список в этом году?“. bbc.com. Qaraldi: 3-dekabr 2024-yil.
  4. ↑ „O‘zbekistonlik ayol «Dunyoning 100 nafar ayoli» ro‘yxatida e’tirof etildi“. daryo.uz. Qaraldi: 3-dekabr 2024-yil.
  5. ↑ „Surxondaryolik Dilorom Yo‘ldosheva BBC tuzgan dunyoning ruhlantiruvchi 100 ayoli ro‘yxatiga kirdi“. Gazeta.uz. Qaraldi: 3-dekabr 2024-yil.
  6. ↑ „“Matonat” filmi“. adliya.uz. Qaraldi: 3-dekabr 2024-yil.
  7. ↑ „O‘zbek ayoli dunyoning “100 ayoli” ro‘yxatiga kirdi“. Qalampir.uz. Qaraldi: 3-dekabr 2024-yil.
  8. ↑ „O‘zbekistonlik ayol «Dunyoning 100 nafar ayoli» ro‘yxatida e’tirof etildi“. xabar.uz. Qaraldi: 3-dekabr 2024-yil.
  9. ↑ Ўзбекистон Республикаси Президентининг Фармони. „Д.Юлдашевани «Мардлик» ордени билан мукофотлаш тўғрисида“. President.uz. Qaraldi: 13-dekabr 2024-yil.

Havolalar

[tahrir | manbasini tahrirlash]