Dmitriy Polyunin

Dmitriy Polyunin
Shaxsiy ma'lumotlar
Millati  Oʻzbekiston
 SSSR
Tug'ilishi 1969-yil 6-aprel (53 yosh)
Balandligi Andoza:Infobox shaxs/balandligi
o'g'irligi 85 kg (187 lb)
Sport
Sport Yengil atletika

Andoza:Wikidata image

Dmitriy Vladimirovich Polyunin (1969-yil 6-aprelda tug‘ilgan)[1] — sovet va o‘zbek yengil atletikachisi, nayza uloqtirish bo‘yicha mutaxassis. 1988-1993-yillarda SSSR, MDH va O‘zbekiston yengil atletika terma jamoalarida chiqiish qilgan, mamlakat chempionatlarining ko‘p karra g‘olibi, Barselonadagi yozgi Olimpiya o‘yinlari ishtirokchisi. Toshkent sharafini himoya qilgan.

Tarjimai holi

[tahrir | manbasini tahrirlash]

Dmitriy Polyunin 1969-yil 6-aprelda tug‘ilgan. Toshkentda yengil atletika bilan shug‘ullangan, Oʻzbekiston SSR terma jamoasi safida ishtirok etgan.  

Dmitriy  sovet terma jamoasiga qo‘shiladi va Sadberidagi o‘smirlar o‘rtasidagi jahon chempionatida ishtirok etgandan so‘ng ilk marta 1988-yilgi mavsumda o‘zini xalqaro miqyosda tanitadi, nayza uloqtirish bo‘yicha to‘rtinchi o‘rinni oladi.  

1989-yilda u Adlerdagi SSSR qishki chempionatida kumush medalni qo‘lga kiritadi va bu yerda faqat Viktor Zaysevga imkoniyat qo‘ldan beradi va o‘z faoliyatida birinchi marta 80 metrlik masofa chegarasini bosib o‘tadi.  

1991-yilda Kiyevda o‘tkazilgan SSSR xalqlarining X yozgi Spartakiadasi doirasidagi mamlakat chempionatida Vladimir Sasimovichdan keyin ikkinchi bo‘ladi. U Tokiodagi jahon chempionatida ko‘rsatgan natijasi bilan eʼtirof etiladi.  

Polyunin 1992-yilda 85,74 metrlik shaxsiy eng yuqori ko‘rsatkichi bilan Moskvadagi MDH chempionatida kumush medalni olishga muvaffaq bo‘ladi va shu tariqa sobiq Sovet respublikalari sportchilaridan yig‘ilgan Birlashgan terma jamoaga Barselonadagi Yozgi Olimpiya o‘yinlarida ishtirok etish huquqini qo‘lga kiritadi. O‘yinlarda u 76,40 metr masofaga nayza uloqtirib, marraga yeta olmadi[2].

Sovet ittifoqi parchalangach, Polyunin O‘zbekiston terma jamoasida ishtirok etadi. 1993-yilda Shtutgartda o‘tkazilgan jahon chempionatida u bronza medalini qo‘lga kiritadi, ammo doping-testdan o‘ta olmadi — uning namunasida anabolik steroid stanozolol borligi aniqlanadi. Natijada, chempionatda ko‘rsatgan natijasi ham bekor qilinadi, bundan tashqari, dopingga qarshi qoidalarini buzgani uchun u to‘rt yil muddatga musobaqalarda ishtirok etishdan mahrum etiladi[3][4][5].

Diskvalifikasiya muddati tugagandan so‘ng, Dmitriy Polyunin o‘zining sport faoliyatini davom ettiradi va keyinchalik 2000-yilgacha faoliyatdagi sportchi bo‘lib qoladi, ammo u endi xalqaro maydonda sezilarli natijalarni ko‘rsatmaydi[6].

Manbalar

[tahrir | manbasini tahrirlash]
  1. ↑ Dmitriy Polyunin // Mirovaya lyogkaya atletika — 1912.
  2. ↑ Dmitriy Vladimirovich Polyunin — olimpiyskaya statistika na sayte Olympedia.org (angl.)
  3. ↑ Phil Hersh: Dopers, Ex-dopers And `Hmmm' Take Spotlight Arxivnaya kopiya ot 26 avgusta 2016 na Wayback Machine, Chicago Tribune, 22 August 1993
  4. ↑ Mike Rowbottom: World Athletics Championships: Jackson adheres to golden rule for Britain: British hurdlers hit the heights as Regis claims silver and drugs test gives Hill a bronze Arxivnaya kopiya ot 1 oktabrya 2021 na Wayback Machine, The Independent, 21 August 1993
  5. ↑ Butler, Mark. Doping violations at IAAF World Championships // IAAF World Championships Beijing 2015 Statistics Handbook. — Monaco : IAAF, 2015. — P. 75-78. Arxivnaya kopiya ot 18 oktabrya 2015 na Wayback Machine
  6. ↑ Dmitriy Polyunin — profil na sayte IAAF[sayt ishlamaydi] (angl.)