| Mehr Nigorxonim | |
|---|---|
| Turmush oʻrtogʻi | Sulton Ahmad Mirzo, Muhammad Shayboniy |
| Sulola | Borjigin |
| Otasi | Yunusxon |
| Onasi | Eson Davlat begim |
| Dini | Islom |
Mehr Nigorxonim Samarqand va Buxoro hukmdori Sulton Ahmad Mirzoning birinchi xotini edi. U Moʻgʻuliston malikasi boʻlib, Moʻgʻulistonning Buyuk xoni Yunusxon va uning bosh turmush oʻrtogʻi Eson Davlat Begimning toʻngʻich qizi edi. U, shuningdek, Hindistonda asos solingan Boburiylar imperiyasining asoschisi va uning birinchi imperatori boʻlgan Boburning xolasi edi[1][2].
1500-yil iyul oyida eri vafotidan keyin oʻzbeklar xoni Muhammad Shayboniy tomonidan asirga olinadi va oʻljaning bir qismi sifatida unga uylangan.
Mehr Nigorxonimning otasi Yunusxon va onasi Eson Davlat Begim edi[3]. Uning otasi tomonidan bobosi Vaysxon Moʻgʻuliston xoni boʻlgan. Shunday qilib, Mehr Nigorxonim Moʻgʻullar imperiyasining asoschisi va buyuk xoni (imperatori) Chingizxonning bevosita avlodi edi. Uning yana ikkita singlisi Qutlugʻ Nigorxonim va Xub Nigorxonim bor edi. Qutlugʻ keyinchalik boʻlajak turmush oʻrtogʻi Sulton Ahmad Mirzoning kenja ukasi Umar Shayx Mirzoga turmushga chiqadi[4].
Xonning qizi boʻlgan Mehr Nigorxonim tugʻilishidan „xonim“ („xon yoki malikaning qizi“) unvoniga ega edi.
Mehr Nigorxonim Abu Said Mirzoning toʻngʻich oʻgʻli va vorisi Sulton Ahmad Mirzoga turmushga chiqqan edi[5]. Mehr Nigorxonim Sulton Ahmad Mirzodan farzand koʻrmadi.
1500-yil iyul oyining boshida u Shayboniy tomonidan asirga olingan va u bilan oila qurgan.
Mehr Nigorxonim Shoh Begʻom bilan Qilaʼ Zafarga ketayotganlarida Abubakr Dugʻlatning „talonchi guruhlari“ tomonidan asirga olindi va Abubakr Dugʻlatning zindonlarida vafot etdi[6].