Miu Suzaki

Miu Suzaki
Shaxsiy maʼlumotlari
Davlat	Yaponiya
Tavalludi	15-dekabr 1999-yil (1999-12-15) (24 yosh) Nagoya, Yaponiya
Boʻyi	1.53 m (5 ft 0 in)
Oldingi sheriklari	Ryuichi Kihara
Murabbiyi	Jason Dungjen, Yuka Sato
Jamoasi	Kinoshita Group Tokyo
Uchishni boshlagan	2004
Shaxsiy rekordlari
Qisqa dastur	49.93
Erkin dastur	99.43

Miu Suzaki (yaponcha: 須崎 海羽, 1999-yil 15-dekabrda tugʻilgan) — Yaponiya vakili sifatida juftlikda musobaqalarida qatnashgan sobiq figurali uchuvchi. Konkida uchish boʻyicha sobiq sherigi Ryuichi Kihara bilan birga ikki karra Asian Open Trophy musobaqasi sovrindori va 2017-yilgi Yaponiya milliy chempionatining oltin medal sohibi boʻlgan. Juftlik Toʻrt qitʼa chempionatida va Gran-pri seriyasida ishtirok etgan.

Faoliyati

Suzaki 2004-yilda konkida uchishni oʻrgana boshlagan.

2015—2016-yilgi mavsum

Suzaki 2015—2016-yilgi mavsumda juftlikda konkida uchishga qaror qilgan. Uning Ryuichi Kihara bilan juftlik hosil qilgani 2015-yil iyun oyida eʼlon qilingan. Dekabr oyida juftlik Yaponiya chempionatida qatnashib, bronza medalini qoʻlga kiritgan.

2016—2017-yilgi mavsum

Suzaki / Kihara juftligi 2016-yil avgust oyi boshida Manilada boʻlib oʻtgan Asian Open Trophy musobaqasida birinchi xalqaro medalini (bronza) qoʻlga kiritganidan soʻng, dekabr oyida Yaponiya chempionatida ishtirok etib, kumush medalni qoʻlga kiritgan. Juftlik fevral oyida Janubiy Koreyaning Gangneung shahrida boʻlib oʻtgan 2017-yilgi Toʻrt qitʼa chempionatida qisqa dasturda oʻn ikkinchi va erkin dastur boʻyicha oʻn toʻrtinchi oʻrinni egallab, umumiy hisob bilan jamoalar orasida oʻn uchinchi oʻrinni egallagan^[1].

2017—2018-yilgi mavsum

Suzaki / Kihara juftligi o‘z mavsumini 2017-yil avgust oyida Asian Open Trophy musobaqasida kumush medalni qoʻlga kiritgan holda boshlagan. Gran-pri debyutini amalga oshirgan juftlik noyabr oyida 2017 NHK Trophy turnirida sakkizinchi oʻrinni egallagan. Juftlik 2017—18-yilgi Yaponiya chempionatida birinchi milliy chempionlikni qo‘lga kiritgan va 2018-yili Pxyonchxanda bo‘lib o‘tadigan Qishki Olimpiya o‘yinlarida ishtirok etishi uchun Yaponiya vakili sifatida tanlangan. Fevral oyida boʻlib oʻtgan bu Olimpiadada juftlik ham jamoaviy, ham shaxsiy musobaqalarda ishtirok etgan^[2]. Juftlik 2018 -yilgi Jahon chempionatida oʻz mavsumini yakunlagan, chempionatda 24-oʻrinni egallab, erkin dastur namoyishidan chetlatilgan^[3].

Dasturlari

(Kihara bilan)

Mavsum	Qisqa dastur	Erkin dastur
2018—2019	Malagueña Ernesto Lecuona	Turn to Stone Ingrid Michaelson
2017—2018	Yuri on Ice Taro Umebayashi	Romeo and Juliet Nino Rota
2016—2017	Out of the Garage Daniel Pemberton Mission: Impossible	Star Wars John Williams Duel of the Fates Across the Stars
2015—2016	Let it go	Star Wars John Williams Duel of the Fates Across the Stars

Natijalari

GP: Gran-pri ; CS: Challenger seriyasi

Kihara bilan

Xalqaro
Tadbir	15—16	16—17	17—18	18—19
Olimpiada			21
Jahon chempionati			24	WD
Toʻrt qitʼa		13	8	WD
GP Finlandiya				8
GP NHK Trophy			8	8
CS Finlandia Trophy				10
Asian Open Cup		3	2
Milliy
Yaponiya chempionati	3	2	1	1
Jamoa tadbirlari
Olimpiada			5-T

Yakka holda

Milliy [4]
Tadbir	10—11	11—12	12—13	13—14
Oʻsmirlar oʻrtasidagi Yaponiya chempionati				13
Yangi konkida uchuvchilar oʻrtasidagi Yaponiya chempionati	25	28	13

Manbalar

1. „Miu SUZAKI / Ryuichi KIHARA: 2018/2019“. International Skating Union. 2019-yil 8-aprelda asl nusxadan arxivlangan.
2. „須﨑 海羽/SUZAKI Miu 木原 龍一/KIHARA Ryuichi“ (Japanese). Japan Skating Federation. 2019-yil 8-aprelda asl nusxadan arxivlangan.
3. „Miu SUZAKI / Ryuichi KIHARA: 2017/2018“. International Skating Union. 2018-yil 3-mayda asl nusxadan arxivlangan.
4. „|Japan Skating Federation Official Results & Data Site|“. www.jsfresults.com. Qaraldi: 2020-yil 18-may.