Murat Solihov

Murat Salixov
qirgʻizcha: Мурат Салихов
 Qirgʻiziston SSR Xalq komissarlari Markaziy qoʻmita raisi
 
Mansab davri
1937-yil 27-fevral – 1938-yil 15-fevral
Oʻtmishdoshi Bayauli Isakeyev
Vorisi Ismail Abuzyarov
Shaxsiy maʼlumotlari
Tavalludi 1905-yil
Rovot, Oʻsh uyezdi, Turkiston general-gubernatorligi, Rossiya imperiyasi
Vafoti 1938-yil 15-fevral
Choʻn-Tash, Voroshilov tumani, Qirgʻiziston SSR, SSSR
Millati qirgʻiz
Siyosiy partiyasi BKP (b)
Bolalari Kuvat (ogʻli)
Atirgul (qizi)

Murat Solihov (qirgʻizcha: Мурат Салыков; 1905-yil – 1938-yil 5-noyabr) – Qirgʻiziston SSR Xalq Komissarlari Soveti raisi.

Hayoti

[tahrir | manbasini tahrirlash]

Murat Solihov 1905-yilda Oʻsh tumani[1] Ravot qishlogʻida (hozirgi Andijon viloyati Marhamat tumani) kambagʻal dehqon oilasida tavallud topgan. 1916—1918-yillarda Sulukta viloyatida choʻponlik qilgan. 1919-yilda butunittifoq leninchi kommunistik yoshlar soyuziga qoʻshilgan. 1919—1922-yillarda Qoʻqon pedagogika texnikumida tahsil olgan, lekin u yerdagi oʻqishini tamomlamagan[2]. Keyinchalik, Qirgʻiziston pedagogika texnikumini tugatgan, yana boshqa maʼlumotlarga koʻra, 1921—1925-yillarda Toshkentdagi pedagogika institutida taʼlim olgan[2].

1925—1927-yillarda Oʻsh tumani xalq taʼlimi boʻlimi mudiri lavozimida faoliyat olib borgan[2]. 1927-yildan Sovet Ittifoqi Kommunistik Partiyasi aʼzosi, Oʻsh KKP kanton qoʻmitasi targʻibot va tashviqot boʻlimi mudiri, okrug ijroiya qoʻmitasi prezidiumi va raykom byurosi aʼzosi boʻlgan. Keyinchalik, 1931-yilda Oʻzgʻon tuman ijroiya qoʻmitasi raisi, keyinroq oʻsha yili Oʻsh tumani ijroiya qoʻmitasi raisi lavozimlarida ham ishlagan. 1931—1933, 1934-yillarda Toshkent marksizm-leninizm institutida 2 kursni tamomlagan.

Bir muddat Oʻsh tumani Kengashi ijroiya qoʻmitasining raisi, Bolsheviklar Kommunistik partiyasi (Qirgʻiziston ASSR) okrug qoʻmitasining 1-kotibi va Qirgʻiziston ASSR Maorif xalq komissari oʻrinbosari lavozimlarida faoliyat yuritgan, ammo ushbu lavozimlarda qancha vaqt davomida xizmat koʻrsatganligi aniq keltirilmagan.

  • ? – 1931-yil – ot fermasi siyosiy boʻlimi boshligʻi.
  • 1934—1937-yil aprel – Bolsheviklar Butunittifoq Kommunistik partiyasi Oʻsh okrug qoʻmitasi 1-kotibi (Qirgʻiziston ASSR).
  • 1937-yil 4-aprel —? – KKP (b) Qirgʻiziston viloyat qoʻmitasi qishloq xoʻjaligi boʻlimi boshligʻi – Qirgʻiziston KP (b) MK.
  • 1937-yil iyun – Qirgʻiziston KP (b) MK aʼzosi, Qirgʻiziston KP (b) MK Byurosi aʼzosi.
  • ? – 1937-yil sentyabr – Qirgʻiziston KP (b) MK 3-kotibi.
  • 1937-yil 27-sentyabr – 1938-yil 15-fevral – Qirgʻiziston SSR Xalq Komissarlari Soveti raisi.
  • 15-fevral[3] – 1938-yil 8-may[4] – Qirgʻiziston SSR Markaziy Ijroiya Qoʻmitasi raisi vazifasini bajaruvchi.

Murat Solihov 1938-yilda hibsga olingan. 1938-yil 12-sentyabrdagi qatl roʻyxatida „birinchi toifa“dagi qatl qilinadigan mahbuslar roʻyxatida boʻlgan[5]. Murat Solihov Qirgʻiziston SSRning Tosh-Tepa (Chuy viloyati) qishlogʻi yaqinida otib oʻldirilgan.

Oilasi

[tahrir | manbasini tahrirlash]
  • Xotini – Azhar (?—1945) – oliy maʼlumotli, eri hibsga olingandan soʻng familiyasini oʻzgartirib, Oʻzbekistonga ketgan.
    • Oʻgʻli – Quvat.
    • Qizi – Atirgul.

Manbalar

[tahrir | manbasini tahrirlash]
  1. ↑ AZ Library Po drugim svedeniyam bliz pos. Sulyukta.
  2. ↑ 2,0 2,1 2,2 Salixov Murat (Wayback Machine saytida 2015-09-25 sanasida arxivlangan) // sayt TsentrAziya
  3. ↑ Postanovlenie Prezidiuma TsIK Kirgizskoy SSR (TsGA KR, f. 22, op.2, d. 114, l. 142)
  4. ↑ Postanovlenie Prezidiuma TsIK Kirgizskoy SSR (TsGA KR, f. 22, op. 2, d. 115, l. 33)
  5. ↑ „Spisok lits, podlejaщix sudu Voennoy Kollegii Verxovnogo Suda Soyuza SSR“. 2016-yil 4-martda asl nusxadan arxivlangan. Qaraldi: 2023-yil 7-iyun.

Havolalar

[tahrir | manbasini tahrirlash]