Róża Herman
Róża Mariya Herman (1902-yil 16-yanvar — 1995-yil 7-mart) — polshalik ayol shaxmatchi. U 1950-yilda FIDE tomonidan Xalqaro ayol usta unvoniga sazovor boʻlgan.
| Roza Herman | |
|---|---|
 | |
| Toʻliq ismi | Róża Maria Herman |
| Mamlakat |
 Polsha |
| Tugʻilishi |
16-yanvar 1902-yil Lodz, Polsha |
| Vafoti |
7-mart 1995-yil (93 yoshda) Lodz, Polsha |
| Saravha | Xalqaro ayol shaxmat ustasi (1950) |
| FIDE reyting | [1] (fevral 2024) |
Biografiyasi
[tahrir | manbasini tahrirlash]Roza Herman 1902-yil 16-yanvarda Polshaning Lodz shahrida tugʻilgan.
1935-yil iyun oyida u Varshavada boʻlib oʻtgan birinchi Polsha ayollar chempionatida 4-oʻrinni band qildi, mazkur chempionatda Regina Gerlecka gʻolib boʻldi. Ikki oy oʻtgach, Herman Varshavadagi ayollar oʻrtasida boʻlib oʻtgan 5-jahon chempionatida 6-oʻrinni egalladi (Vera Menchik gʻalaba qozondi).
1936-yilda Roza Herman Avstriyaning Semmering shahrida boʻlib oʻtgan ayollar oʻrtasidagi xalqaro turnirda qatnashdi. Ushbu musobaqa yakuniga koʻra Sonja Graf gʻalaba qozondi. Herman esa 11-oʻrinni egalladi. Keyingi yili u ikkinchi Polsha ayollar chempionatida 6-oʻrinni qoʻlga kiritdi va bu chempionatda ham Gerlecka yana gʻalaba qozondi. 1937-yil avgust oyida Stokgolmda boʻlib oʻtgan ayollar oʻrtasidagi 6-jahon chempionatida Herman 10-16-oʻrinlarni egalladi (Vera Menchik gʻalaba qozondi). 1939-yilda u Varshava ayollar chempionatida Gerlecka bilan 1-2-oʻrinlarga daʼvogarlik qildi.
Ikkinchi jahon urushidan keyingi yillar
[tahrir | manbasini tahrirlash]Ikkinchi jahon urushidan keyin Roza Herman 1949—1950-yillarda Moskvada boʻlib oʻtgan ayollar oʻrtasidagi jahon chempionatida 16-oʻrinni band etdi (bu musobaqada Ludmila Rudenko gʻalaba qozongan). U 1949-yilda Lodzda va 1950-yilda Torunda ikki marta ayollar oʻrtasida oʻtkazilgan musobaqalarda Polsha chempioni unvoniga sazovor boʻldi. 1951-yilda Chestochovada tashkil etilgan turnirda esa ikkinchi oʻrinni egalladi.
Vafoti
[tahrir | manbasini tahrirlash]Roza Herman tibbiyot fanlari doktori boʻlgan va oʻzining tugʻilgan shahri Lodzda yashagan. U 1995-yil 7-martda jonajon shahri Lodzda 93 yoshida vafot etadi.