Sherzod Namozov
| Sherzod Namozov | |
|---|---|
 | |
| Tavalludi |
3-avgust 1992-yil |
| Fuqaroligi | Oʻzbekiston |
| Mukofotlari |
 |
| Medal soni | ||
|---|---|---|
 Oʻzbekiston vakili
| ||
| dzyudo | ||
| Oltin | 2019-yilgi Osiyo chempionati | 60 kg |
| Oltin | 2018-yilgi Yozgi Paraosiyo oʻyinlari | 60 kg |
| Bronza | 2017-yilgi Jahon chempionati | 60 kg |
| Oltin | 2017-yilgi Osiyo chempionati | 60 kg |
| Oltin | 2016-yilgi Yozgi Paralimpiya oʻyinlari | 60 kg |
| Bronza | 2014-yilgi Jahon chempionati | 60 kg |
| Oltin | 2014-yilgi Yozgi Paraosiyo oʻyinlari | 60 kg |
Sherzod Nasimovich Namozov (tugʻ. 1992-yil 3-avgust, Buxoro viloyati, Oʻzbekiston) — oʻzbekistonlik para dzyudochi, 60 kg gacha vazn toifasida ishtirok etadi. 2016-yilgi Yozgi Paralimpiya oʻyinlari chempioni, Jahon chempionati sovrindori, ikki karra Osiyo chempionati gʻolibi, ikki karra Yozgi Paraosiyo oʻyinlari gʻolibi, 2020-yilgi Yozgi Paralimpiya oʻyinlari ishtirokchisi.
Martaba
[tahrir | manbasini tahrirlash]Sherzod Namozov Buxoro viloyatining Gazli shahrida dzyudo bilan shugʻullana boshlagan [1]. 2014-yilda Inchxon shahrida (Koreya Respublikasi) boʻlib oʻtgan Yozgi Paraosiyo oʻyinlarida 60 kg vazn toifasida u finalda moʻgʻulistonlik dzyudochi Uuganxuu Bolormaani magʻlub etib, oltin medalni qoʻlga kiritdi[2]. Koloradoda (AQSh) koʻzi ojizlar va zaif koʻruvchilar oʻrtasida dzyudo boʻyicha oʻtkazilgan jahon chempionatida u oʻz vazn toifasida bronza medalini qoʻlga kiritdi.
Sherzod Namozov 2016-yilda Rio-de-Janeyroda (Braziliya) boʻlib oʻtgan Yozgi Paralimpiya oʻyinlarida 60 kg gacha vazn toifasida u finalda yaponiyalik dzyudochi Makoto Xiroseni magʻlub etdi va shu tariqa Olimpiada oltin medalini qoʻlga kiritdi[3]. Oʻsha yili Oʻzbekiston Prezidenti Shavkat Mirziyoyev Sherzodni "Oʻzbekiston iftixori " faxriy unvoni bilan taqdirlandi[4].
2017-yili Toshkent shahrida dzyudo boʻyicha koʻzi ojizlar va zaif koʻruvchilar oʻrtasida oʻtkazilgan Osiyo chempionatida 60 kilogrammgacha boʻlgan vazn toifasida finalda koreyalik dzyudochi Min Chje Lini magʻlub etib, Sherzod oltin medalni qoʻlga kiritdi[5]. 2018-yilda esa Jakartada (Indoneziya) boʻlib oʻtgan Yozgi Paraosiyo oʻyinlarida 60 kg gacha vazn toifasida finalda yana Min Chje Lini magʻlub etib, oʻyinlarning oltin medalini qoʻlga kiritdi [6]. Oʻsha yili Lissabonda (Portugaliya) dzyudo boʻyicha koʻzi ojizlar va nogironlar oʻrtasida oʻtkazilgan jahon chempionatida u oʻz vazn toifasida bronza medalini qoʻlga kiritdi [7].
2019-yili Atirau shahrida (Qozogʻiston) dzyudo boʻyicha koʻzi ojizlar va zaif koʻruvchilar oʻrtasida oʻtkazilgan Osiyo chempionatida 60 kilogramm vazn toifasida u finalda qozogʻistonlik Anuar Sariyevga qarshi ringga koʻtarilib, oltin medalni qoʻlga kiritdi[8]. Shuningdek, 2021-yilda Tokioda (Yaponiya) boʻlib oʻtgan Yozgi Paralimpiya oʻyinlarida 60 kg vazn toifasida u atigi beshinchi oʻrinni egalladi.
Mukofotlari
[tahrir | manbasini tahrirlash]- „Oʻzbekiston Respublikasida xizmat koʻrsatgan sportchi“ faxriy unvoni (2024-yil)[9]
Manbalar
[tahrir | manbasini tahrirlash]- ↑ „Шерзод Намозов: Меҳнатларим самарасини юртим байроғи кўтарилганда кўраман! – O'zbekiston Milliy paralimpiya qo'mitasi“ (en-US). 2021-yil 28-avgustda asl nusxadan arxivlangan. Qaraldi: 2021-yil 28-avgust. (Wayback Machine saytida 2021-08-28 sanasida arxivlangan)
- ↑ „JudoInside - Asian Para Games Incheon Event“. www.judoinside.com. Qaraldi: 2021-yil 28-avgust.
- ↑ „Rio 2016 - judo - mens-60-kg“ (en). International Paralympic Committee. Qaraldi: 2021-yil 28-avgust.
- ↑ https://lex.uz/docs/3131883
- ↑ „JudoInside - IBSA Asian Championships Tashkent Event“. www.judoinside.com. Qaraldi: 2021-yil 28-avgust.
- ↑ „JudoInside - Asian Para Games Jakarta Event“. www.judoinside.com. Qaraldi: 2021-yil 28-avgust.
- ↑ „JudoInside - IBSA World Championships Lisbon Event“. www.judoinside.com. Qaraldi: 2021-yil 28-avgust.
- ↑ „JudoInside - IBSA Asian and Oceania Championships Atyrau Event“. www.judoinside.com. Qaraldi: 2021-yil 28-avgust.
- ↑ „Париж шаҳрида бўлиб ўтган ХVII ёзги Паралимпия ўйинларида юксак натижаларга эришган спортчи ва мураббийлардан бир гуруҳини мукофотлаш тўғрисида Ўзбекистон Республикаси Президентининг Фармони“. president.uz. Qaraldi: 12-sentabr 2024-yil.
.jpg)