Zohra Agamirova

Zohra Atil qizi Agamirova
Shaxsiy maʼlumot
Toʻliq ismi ozarbayjoncha: Zöhrə Atil qızı Ağamirova
Tavallud sanasi 2001-yil 8-avgust
Tavallud joyi Baku, Ozarbayjon bayrogʻi Ozarbayjon
Boʻyi 150
Klub Ojag (Baku)
Bosh murabiy(lar) Mariana Vasileva


Zohra Atil qizi Agamirova (ozarbayjoncha: Zöhrə Atil qızı Ağamirova; 2001-yil 8-avgust, Boku)-ozarbayjonlik gimnastikachi, Ozarbayjon chempioni (2016), 2017-yil IV Islom birdamlik oʻyinlari gʻolibi, 2019-yil XXX yozgi Universiadaning ikki karra kumush medali sovrindori, sport ustasi, Ozarbayjonni 2020-yilgi Yozgi Olimpiya oʻyinlarida himoya qilgan..

Biografiyasi

[tahrir | manbasini tahrirlash]

Zohra Agamirova 2001-yil 8-avgustda Boku shahrida tugʻilgan. Agamirovaning onasi uch yoshida uni akrobatikaga olib kelgan, ammo keyin, toʻrt yoshida, Zohra televizorda gimnastikachilarning chiqishlarini tomosha qilib, badiiy gimnastika bilan ham shugʻullanishni xohlaydi[1].

2015-yilda Agamirova Boku chempionatida birinchi oʻrinni egalladi. Oʻsha yili u Plovdivdagi xalqaro turnirda halqa bilan bahsda kumush medalni qoʻlga kiritdi[2].

2016-yilda u koʻpkurash va lenta bahslarida Ozarbayjon chempioni, toʻp bilan oʻynash bahslarida kumush, klublar oʻrtasidagi bahslarda bronza medali sohibi boʻldi. Oʻsha yili Tartu shahrida boʻlib oʻtgan „Miss Valentina“ xalqaro turnirida u toʻp bilan bahslarda kumush, toʻp, lenta va koʻpkurash bahslarida bronza medaliga sazovor boʻldi. Shuningdek, 2016-yilda Agamirova koʻpkurash boʻyicha Ozarbayjon ochiq chempionatida gʻolib chiqdi[2].

2017-yilda Gent shahrida oʻtkazilgan „Happy Cup“ turnirida Agamirova koʻpkurashda, halqa, kaltak va lenta bahslarida birinchi oʻrinni egalladi, shuningdek, toʻp bilan oʻynash bahslarida kumush medalni qoʻlga kiritdim. Oʻsha yili u jamoa tarkibida Bokuda boʻlib oʻtgan IV Islom birdamlik oʻyinlarida birinchi oʻrinni egalladi[2].

2018-yilda Rigada boʻlib oʻtgan „Baltic Hoop“ turnirida Agamirova klublar musobaqasida ikkinchi oʻrinni egalladi[2].

2019-yilda Agamirova Ozarbayjon sport ustasi unvonini oldi[3] va Bokuda boʻlib oʻtgan 35-Yevropa chempionatida halqa bilan bahsda 6-oʻrinni, toʻqmoqlar bilan bahsda 8-oʻrinni egalladi. Oʻsha yili u Neapolda boʻlib oʻtgan XXX yozgi Universiadada klublar va individual koʻpkurash bahslarida ikkinchi oʻrinni egalladi[2].

Shuningdek, 2019-yil sentyabr oyida Zohra Agamirova Bokudagi jahon chempionatida ishtirok etgan.Bu yerda u toʻrtta mavzu boʻyicha koʻpkurash finalida 78,725 ball toʻpladi va „B“ guruhida toʻrtinchi oʻrinni egalladi va shu tariqa Tokio Olimpiadasi litsenziyasi sohibiga aylandi[4].

Manbalar

[tahrir | manbasini tahrirlash]
  1. ↑ „Зохра Агамирова и Вероника Гудис о подготовке к Чемпионату Европы: Наша задача - хорошо выступить“. 25-aprel 2021-yilda asl nusxadan arxivlangan. Qaraldi: 25-aprel 2021-yil.
  2. ↑ 2,0 2,1 2,2 2,3 2,4 „Профиль Зохры Агамировой на официальном сайте Федерации гимнастики Азербайджана“. 25-aprel 2021-yilda asl nusxadan arxivlangan. Qaraldi: 25-aprel 2021-yil.
  3. ↑ „Профиль Зохры Агамировой на официальном сайте Международной федерации гимнастики“. 25-aprel 2021-yilda asl nusxadan arxivlangan. Qaraldi: 25-aprel 2021-yil.
  4. ↑ „Гимнастка Зохра Агамирова завоевала олимпийскую лицензию“. 24-aprel 2021-yilda asl nusxadan arxivlangan. Qaraldi: 25-aprel 2021-yil.