Shudufhadzo Musida (o bebwa nga 18 Fulwana1996) ndi modele wa Afrika Tshipembe na mufari wa tshiphuga tsha mbambe ya lunako we a ṋewa khare ya Miss Afrika Tshipembe nga 2020 . Ndi ene muthu wa vhuvhili we a wana tshiphuga tsha vhuvhili u bva vunduni ḽa Limpopo,muthu wau thoma ndi Bokang Montjane. Ndi ene mufari wa tshiphuga tsha u thoma ane luambo lwawe lwa u thoma lwa vha Tshivenḓa, nahone o khethiwa u imela Afrika Tshipembe kha Miss World 2022 . Musida ndi ene mufumakadzi wa u thoma wa balo u wina miss Africa Tshipembe. Ndi muimeleli o ḓi imisaho nga muambeli wa nḓivho ya mutakalo wa muhumbulo na u ṋea maanḓa vhafumakadzi na vhana.[1]
Shudufhadzo Musida o bebiwa nga dzi 18 dza Fulwana1996. U bva shangoni la Ha-Masia, Masipala wa tshiṱiriki tsha Vhembe vunduni ḽa Limpopo. Musida o gudela kha Yunivesithi ya Pretoria he a wana digirii ya Bachelor of Social Science kha fiḽosofi, poḽotiki na ikonomi. Musi a sathu wana Miss Afrika Tshipembe, o vha a tshi khou fhedza digirii ya Honors kha Vhushaka ha dzitshaka ngei Yunivesithi ya Witwatersrand . [2] Ndi muṅwe wa nwana wa musidzana kha vhasidzana vhavhili ; mme awe Thandi ndi murengisi wa dzi nnḓu. U dzhiela nṱha vhufa hawe ha Venḓa nahone u ḓiphina nga zwiḽiwa zwa sialala zwa Venḓa.[3]
Nga Tshimedzi 2020, kha mitambo ya u fhedzisela ya Miss South Africa ye ya farelwa Hodela ya Table Bay ngei Kapa, Musida o wina khare. Musi hu sa athu vha na dzi finals, o vha o no wina vouthu ya tshitshavha. Pfufho dza u wina kha mutambo wa u fhedzisela dzo katela rannda dza miḽioni nthihi, na u shumisa fulethe ya Sandton yo ḓalaho zwishumiswa na Mercedes-Benz C200 Cabriolet lwa ṅwaha muthihi. Musida ndi muimeleli wa nḓivho ya mutakalo wa muhumbulo na u manḓafhadzwa ha vhana na vhafumakadzi kha pfunzo na ikonomi. Mufumakadzi wa kale wa Afrika Tshipembe na Miss Universe 2019 Vho Zozibini Tunzi vho bulwa sa tsumbo nga Musida. Vho ṱaṱisana na u imela Afrika Tshipembe nahone vha fhedza vhe kha vha 40 vha nṱha vha mbambe ya Miss World 2022 .[4]
<ref> tag; no text was provided for refs named :5