Cafè Quadri
El Gran Cafè Quadri o Cafè Quadri el xe un local pùblico istòrego de ła sità de Venesia. El se cata in Piasa San Marco, soto i pòrteghi de łe Procuratie Vece.
Istoria
[canbia | canbia el còdaxe]Se trata de un de i più antighi locałi pùblisi 'tałiani. Ła so atività ła xe inisià infati inte el 1775[1] quando che el mercante venesian Giorgio Quadri, rientrà in patria dopo na longa permanensa a Corfù, a l'època teritorio de ła Republica de Venesia, el ga decixo insieme co so mugèr Naxina (che ła gera grega) de vèrxer un local indove pareciar e vénder el cafè soto forma de aqua negra che bóge. Sta consuetùdine ła xe sta introdota in sità inte el 1683 quando che un fià de marcanti turchi i ga verto na botega pa' ła degustasion del cafè in piasa San Marco, soto i pòrteghi de łe Procuratie Nove. Ła nóva ła ga incontrà sùbito el favor del pùblico, al ponto che inte el 1775 inte ła ùgnoła Piasa San Marco ghe gera diritùra 24 boteghe del cafè su un total sitadin de più de 200[1].
Giorgio Quadri el ga verto el so local soto le Procuratie Vece, riłevando na vecia rivendita de vin e cafè xà rinomà in sità e ła so botega del cafè ła xe devegnùa in presa un de i lghi de ritrovo preferìi de l'aristocrasia venesiana.
El local el ga subìo na prima inportante restruturasion inte el 1830[1], soto ła gestion de i fradełi Vivarini, che i ga anplià sia i spasi che łe atività, cronpando el piano sora che el xe diventà un ristorante. El piano tera el xe sta decorà co stuchi in tinte pasteło, co prevałénsa de cołóri verdo e xało, e conpletà co vedue e sene de vita venesiana, òpara del pitor Giuseppe Ponga, sol stiłe de Piero Longhi.
Clienti famóxi
[canbia | canbia el còdaxe]Durante el so sogiorno a Venesia, intrà i clienti regołari del cafè Quadri ghe xe stai[1] Stendhal, George Byron, Alexandre Dumas padre, Richard Wagner, Marcel Proust e, inte i xórni de ancuo, Michail Gorbačëv, François Mitterrand e Woody Allen.
Gałeria de imàxene
[canbia | canbia el còdaxe]-
Ła clasica orchestrina che sona fora dal locałe -
Na sała del Cafè Quadri
.jpg)
Note
[canbia | canbia el còdaxe]- ↑ 1,0 1,1 1,2 1,3 'Storia del local Archivià il 24 de zenaro 2019 in Internet Archive. dal sito ufisial
Link foresti
[canbia | canbia el còdaxe]- Sito ufiçiałe Archivià il 24 de zenaro 2019 in Internet Archive.
Wikimedia Commons el detien imàjini o altri file so Cafè Quadri
el detien schemi gràfeghi so
