Li bacile Bang[1], c' est ene bactereye k' est l' cåze do fordjetaedje minêyrece ås vatches, et ki pout dner eto li bruçlôze ås djins, ey eto li må d' warot ås tchvås.
Sincieus no d' l' indje : Brucella abortus
C' est ene bactereye Gram-, ki s' mopliynut l' mî a 37°C, dins on miyeu enairi.
Come les ôtes bruceles ni sont waire diferinnes djeneticmint (moens di 10 åcint di leu SRN ribozomike), les sincieus ont halkiné et dire k' i n' faleut dvizer ki d' ene seule sôre, Brucella melitensis (c' esteut e 1985)[2]
Portant, e 1988, i decidît ki les shijh sôres k' avént stî lomêyes pa des nos a pårt disk' adon serént wårdés po n' nén dzôrner les papîs des rcwereus k' avént ddja rexhou dvant [3]. Eto po-z aconter les diferinces di rascråwansté po les djins.[4]