打浦路隧道是上海第一条跨越黄浦江、连接浦东搭浦西个隧道，为单管两车道相向行驶。隧道浦西出入口勒日晖东路中山南一路，复线另有一入口勒龙华路大木桥路，浦东出入口勒耀华路长清路，全长2,736米。隧道勒1960年筹建，1966年初动工，1970年10月竣工，1971年6月正式通车[1]。建成个辰光嚜为中国第一条江底隧道[2]。
据附近居民口口相传，勒66年到70年施工期间，主要施工人员为军队装束。由于当时辰光挖掘技术个限制，施工过程中出现了交交关关趟事故，造成大量施工军人伤亡。具体情况至今朆好勒公开资料当中望着。
打浦路隧道个建成，突破轮渡为上海过黄浦江唯一手段个格局，机动车从隧道过江衹要6分钟。2008年12月26号，打浦路隧道个复线工程开始掘进，新隧道设计为两车道，搭原来个老隧道一淘构成功双向四车道（勒2010年2月11号开通）。
2009年7月11号，打浦路隧道全封闭整修，公交车辆绕行西藏南路隧道，其他车辆嚜通过卢浦大桥、上中路隧道、南浦大桥、徐浦大桥等隧桥分流[3]。
2009年9月9号，打浦路隧道复线贯通[4]，双线预计2010年1月底通车[5]。
2010年1月4日，打浦路隧道恢复公交车通行[6]。
2010年2月11日，打浦路隧道及复线全部开通。