上海江湾机场

上海江湾机场是一座已经废弃个机场，来勒中国上海杨浦区。

上海江湾机场是1939年侵华日军强行圈占民田、拆毁殷行镇所建，当时占地7000亩，有4个指挥台，跑道长1500米，用三合土搭沥青混合浇铸。跑道成“米”字形，飞机可以从各个方面起降。

1994年6月份起正式停飞，1997年4月30号，机场用地交还畀上海市人民政府。因为江湾机场废弃脱个辰光呒没人管，故咾箇面形成仔大型个天然湿地，也因此一度引起箇块地方是该保留呢还是开发呢个争议。阿末因为城市发展用地紧缺，上海市人民政府决勒拉最大限度浪保留原有个自然景观、保护环境个基础上进行开发。现在箇块地叫“新江湾城”。