古城公园是垃拉上海市黄浦区个一处公园，垃拉上海老城厢（原南市区）个东北角，毗邻豫园搭城隍庙，东北面是新开河搭仔外滩。
古城公园是配合老城厢豫园地区开发造个大型公共绿地，是老城厢地区头一块大型绿地。公园个设计是同济大学建筑与城市规划学院做个，2002年2月10号开工，同年5月31号造好完工，总投资近十亿元[1][2]。
古城公园由大致东西向排列个A、B、C三块独立个绿地组成[1]，当中A块是伊个主要部分，勒拉安仁街东，福佑路北，人民路西面搭仔南面，占地面积3.5公顷,包括一幢保留建筑[3]。B块勒拉丽水路西，人民路南，河南南路东面，福佑路小商品市场北面，占地面积1.7公顷[4]。C块勒拉河南南路西，人民路南，旧仓街东，福佑路北，占地面积0.8公顷[5][2]。
Template:上海市优秀历史建筑 沪南钱业公所勒拉A块个西面，本来是勒拉大东门外头个北施家弄133号，1883年造个，曾经是钱庄业主集会议事个地方。2002年伊搬到古城公园里向。2004年，钱业公所列入第四批上海市优秀历史建筑。
