太阳照常升起

太阳照常升起
导演 姜文
监制 姜文
作者 述平
姜文
过士行
演出 房祖名 饰 儿子
姜文 饰 老唐
周韵 饰 娘
黄秋生 饰 梁老师
陈冲 饰 林医生
孔维 饰 唐妻
音乐 久石让
摄影 赵菲
李屏宾
杨涛
剪辑 张一凡
姜文
发行公司
 英皇电影
上映日期
 2007年9月14号
国家 中国
语言 普通话
IMDb -信息-（英語）

《太阳照常升起》是一部中国个电影，2007年9月14号开始上映。箇部电影是来《阳光灿烂的日子》搭《鬼子来了》过后，姜文导演个第三部电影作品，主要演员有周韵、房祖名、姜文、黄秋生、陈冲还有孔维。

电影讲着四段发生勒1958年到1976年期间，地点来勒中国南部、东部搭西部，看出来分散实际上相连个人物故事，主题分别是疯、恋、枪、梦。它畀视作一部艺术电影[1]，剧情有留白，风格类似《阳光灿烂的日子》[2]。

电影从叶弥个小说《天鹅绒》改编得来。该小说字数七千，暴开始来勒《人民文学》2002年第四期上发表，后收入中篇小说集《天鹅绒》，由山东文艺出版社2003年出版。

创作

[编辑]

姜文表示，《太阳照常升起》个灵感从一首新疆民歌得来。二十年前头，大学里有弗少新疆来个同学，来热天头热到睏弗着个辰光，大家就到操场上唱歌跳舞，其中一首歌留畀姜文非常深个印象，让佗想拍一部电影。2005年，姜文来看叶弥个小说《天鹅绒》个辰光，突然觉着伊只电影有戏唻，四个故事一下子出现勒佗个脑海里。之后姜文就寻来编剧述平搭著过士行，口述故事，让两人写成电影剧本。最后，姜文寻到投资方，乃么完成歌曲记忆到电影个转变。[3]

拍摄

[编辑]

电影拍摄取景地点有中国北京，云南香格里拉硕都湖、元阳箐口哈尼民俗村、腾冲湿地、云南大学[4]，搭著甘肃等地，用著将近一年个辰光再完成拍摄。[5]

电影曾由于周韵个怀孕而暂停拍摄，后来经补拍而完成。姜文称，电影末尾出现个婴儿就是自己搭周韵生个老小，是上帝来拍摄期间送畀自家个礼物，应该好好较利用。因为拍摄期间天气忒冷，为著照顾老小，箇场戏只拍著两条就过哉。[6]

配乐

[编辑]

电影个配乐师是日本配乐大师久石让。久石让看过电影样片后，畀电影个梦幻色彩搭魔幻浪漫主义吸引。完成后个配乐分成主章节搭副节，前者表现出雄美壮丽，后者表现出浪漫凄美。[3]配乐出来过后，姜文个评价是“觉着真个是比莫扎特好一点”。

参展搭票房

[编辑]
久石让、周韵、姜文在亚洲电影节上。

《太阳照常升起》是第64届威尼斯国际电影节参赛作品，同时也是多伦多国际电影节特别推介电影[7][8]、韩国釜山电影节观摩电影，并来勒香港亚洲电影节优先放送。来2008年，该片以姜文作品个身份参加法国杜维尔电影节电影回顾展。[9]

电影从2007年9月14号开始勒中国上映，到10月24号辰光，据文汇报报道，来上海单家影院投入个30份拷贝获得著150多万块个票房。到月底电影下档时，8000万投资有3000万个票房，搭电影一开始个过亿票房目标相差甚远。鉴于弗少观众反映看弗懂，姜文表示以后会多拍一些大家看得懂个片子。[10]

评价

[编辑]

电影《太阳照常升起》来摄影、立意搭讲故事个方式上得到著观众个认可[11]。但电影故事个时间背景是1958年到1976年，而观众个年龄集中勒15岁至30岁，乃么就出现嗷种现象：由于对时代背景弗够熟悉，跟弗上影片跳跃个思维，结果蛮多点人“看弗懂”。[11]姜文表示，看弗懂电影个主要是70后人群，60后搭80后蛮容易看明白个。[12]而主演陈冲对此解析如下：

“姜文的故事永远不满足于告诉你一些司空见惯的、日常的事。国内很多观众的观影习惯其实是靠电视剧培养起来的，还是期待你给我讲个故事。一旦这个电影不是侧重于叙事，而是另一些更深更难的东西，他们就不适应。”

另外一方面，由于电影留下蛮多点疑问点、空白点，造成多解，留畀观众想象个空间比较大，箇些因素畀认为是该电影最宪个地方。

加拿大多伦多国际电影节官方个评价是“箇是一部非常有美感个魔幻主义电影，导演姜文颠覆了电影故事直线讲述个传统，营造出一个纯粹个视觉诗境。画面作兴也随著颠覆性个故事结构看出来有些逻辑混乱。不过阿末得来，像电影中天鹅绒来封闭个中国稀有而珍贵一样，其电影主题仍旧鲜活个表现出来。”[8][13]美国专业电影杂志《好莱坞报道》评价说“流畅个剪辑，出色个画面让姜文营造个华丽、浪漫个电影幻想成为一个视觉盛宴……除落好看，电影《太阳照常升起》也充满乐趣，实在是电影精品、大师之作。”[14]

参考资料

[编辑]
  1. ↑ 北京评审团评《太阳》：灿烂依旧 喜爱有增无减 (Zh-hans). 搜狐网. 访问日脚2009-08-25.
  2. ↑ 解读《太阳照常升起》：姜文在拍科幻片？ (Zh-hans). 夸克电影. 访问日脚2009-08-25.
  3. ↑ 3.0 3.1 久石让操刀《太阳》配乐 姜文称其胜过莫扎特 (Zh-hans). 新浪网、上海新闻网 (2007-08-20). 原始文档勒2012-12-16存档. 访问日脚2009-08-25.
  4. ↑ 没有云南就没有太阳照常升起 (Zh-hans). 21CN旅游 (2007-08-20). 原始文档勒2008-01-28存档. 访问日脚2009-08-25.
  5. ↑ 房祖名《太阳照常升起》 全裸演出闹笑话 (Zh-hans). 21CN旅游 (2007-08-30). 原始文档勒2007-09-02存档. 访问日脚2009-08-25.
  6. ↑ 《太阳照常升起》发布会 姜文谈孕事嘴不饶人 (Zh-hans) (2007-07-16). 原始文档勒2012-06-29存档. 访问日脚2009-08-25.
  7. ↑ 第26届温哥华国际电影节散记 (Zh-hans). 王 瑞《电影艺术》 2008年第01期. 访问日脚2009-08-25.[链接坏脱]
  8. ↑ 8.0 8.1 TIFF (en). "Sun Also Rises" at TIFF. 访问日脚2007-09-02.
  9. ↑ 姜文法国开影展 《太阳照常升起》四月登陆法国 (Zh-hant). 访问日脚2009-09-02.
  10. ↑ 《太阳》票房惨淡姜文低头：下回拍个好懂的 (Zh-hans). 人民网 (2007-10-16). 访问日脚2009-08-25.
  11. ↑ 11.0 11.1 姜文新作今日上映 “太阳”出山观众花眼 (Zh-hans). 新浪网 (2007-09-14). 访问日脚2009-08-25.
  12. ↑ 姜文：70后观众看不懂《太阳》 乐于尝试贺岁片 (Zh-hans). 人民网 (2007-09-28). 原始文档勒2009-04-28存档. 访问日脚2015-10-21.
  13. ↑ TIFF (en). "Sun Also Rises" at TIFF. 原始文档勒2007-12-23存档. 访问日脚2007-09-02.
  14. ↑ Bennett, Ray (2007-09-05). The Sun Also Rises (Taiyang zhaocheng shengqi) (en). The Hollywood Reporter.

外部链接

[编辑]