威廉·加罗

威廉·加罗爵士（英语：Sir William Garrow，1760年4月13号—1840年9月24号），英国律师、政治家搭法官。渠因为间接重造辩护系统而出名。阿拉今朝大多数个英美法系国家仍旧拉用个诉讼辩护制度，也是拉渠个帮衬下底推动起来个。渠引进“无罪推定原则”。渠坚持，拉法庭高头，被告人个原告同渠拉个证据，板定要畀人交关仔细个检验。

威廉·加罗生拉一个讴蒙根·哈德利个户荡，渠个爹是個牧师。伊勒拉密德赛克斯一個村堂里向读书。后些来，拉齐普赛街，加罗跟牢一個讴托马斯·修特浩斯个律师学习，阿末同一個讴克朗普顿个特别辩护人一道接受做律师个训练。加罗是一個要好个学生仔，经常性拉老贝利街（英国个中央刑事法院）个法庭里向观察案件。克朗普顿看渠介用功，就推荐渠去做初级律师。1778年11月，加罗考进林肯律师学院，並拉1783年11月27号获得批准好做大律师。咾快个，渠成为罪犯辩护法律顾问。1793年2月，英国政府讴渠做国王个法律顾问，让渠对叛国罪搭重罪提起诉讼。