讲标语是種侗台语，使用者是蹲拉中国广东省肇庆市怀集县、封开县个讲标人。有得交关汉语借词（民族也算汉族），但是搭拉珈语同源词顶多，也搭拉珈语一样分类朆定，有观点认为侪算侗水语支。
讲标人讴自家个语言“[ka:ŋ peu~pa:u]”。顶早报道个辰光，封开个写作“标话”，怀集个写作“豹话”。后首确认是種新识别个语言，“豹”嫌鄙不雅，“标语”又有歧义，北语只好定“标话”。