Cancer Research UK

Cancer Research UK-იშ კემბრიჯიშ ინსტიტუტი

Cancer Research UK — კიბოშ რკვიებაშ ფილანთროპული ორგანიზაცია, გოართოიანაფილ ომაფეს დო მენიშ კოკის. ორგანიზაციაქ დირსხუ 2002 წანაშ 4 ფურთუთას კიბოშ რკვიებეფიშ კამპანიაშ (დირსხუ 1923 წანას) დო კიბოშ რკვიებეფიშ იმპერიალური ფონდიშ (დირსხუ 1902 წანას) გოართოიანაფათ. Cancer Research UK რე მოსოფელიშ უდიდაში კიბოშ რკვიებეფიშ ზოხორინელი ფილანთროპული ორგანიზაცია. ორგანიზაციაშ შტაბ-ბინა ლონდონს იდვალუაფჷ. ორგანიზაცია იფინანსებჷ შხვადოშხვა გრანტეფით დო დონაციეფით. 2020 წანაშ მუნაჩემეფით ორგანიზაციაშ ბიუჯეტი დოხოლაფირო 650 მილიონი ფუნტი სტერლინგიშე უმოსი რე. ორგანიზაციას ჸუნს 4,607 წორომოხანდე. ორგანიზაცია ადმინისტრირენს მენცარული რკვიებეფიშ შხვადოშხვა ინსტიტუტეფს: Cancer Research UK-იშ ბეტსონიშ ინსტიტუტის (იდვალუაფჷ გლაზგოშ უნივერსიტეტის), კემბრიჯიშ ინსტიტუტის (იდვალუაფჷ კემბრიჯიშ უნივერსიტეტის), მანჩესტერიშ ინსტიტუტის (იდვალუაფჷ მანჩესტერიშ უნივერსიტეტის). Cancer Research UK რე პარტნიორი ფრენსის კრიკიშ ინსტიტუტიშ, რადიაციული ონკოლოგიაშ ოქსფორდიშ ინსტიტუტიშ, მანჩესტერიშ კიბოშ რკვიებეფიშ ცენტრიშ დო შხვა ორგანიზაციეფიშ. Cancer Research UK აფინანსენს მენცარულ პროექტეფს, ახალი ონკოლოგიური წამალეფიშ გოვითარაფას, კიბოშ პრევენციას შხვადოშხვა სკრინინგ-მეთოდეფიშ გიმორინაფათ, ინფორმაციულ სერვისეფს დო შხვა. ორგანიზაციაშ მენცარეფქ მიშეღეს დიდი მენცარული კონტრიბუცია ონკო-პრეპარატეფიშ: ცისპლატინიშ, კარბოპლატინიშ, ტემოზოლომიდიშ, რუკაპარიბიშ დო ტამოქსიფენიშ გოვითარაფაშა. Cancer Research UK-ის მუშენდეს გიშარჩქინელი მენცარეფი, ნობელიშ პრემიაშ ლაურეატეფი: ტომას ლინდალი, პოლ ნერსი, ტიმ ჰანტი დო რენატო დულბეკო.

რესურსეფი ინტერნეტის

[რედაქტირაფა | წყუშ რედაქტირაფა]
ვიკიოწკარუეს? რე ხასჷლა თემაშენ: