პიტერ ტაბიჩი

პიტერ ტაბიჩი
მოღალობა

ორთაშრაგადუაშ მარწაფალი

ბიოგრაფიული ჩინებეფი
დაბადებაშ თარიღი

1982

დაბადებაშ აბანი

ნიამირაშ ოლქი, ნიანზაშ პროვინცია, კენია

მენოღალობა

კენიაშ შილა კენია

ერუანობა

კენიარი

ჯილდოეფი:

მარწაფალიშ გლობალური ჯილდო (2019)


პიტერ ტაბიჩი (ინგლ. Peter Tabichi; დ. 1982, ნიამირაშ ოლქი, ნიანზაშ პროვინცია, კენია) — კენიარი მათემატიკაშ დო ფიზიკაშ მარწაფალი, მარწაფალიშ გლობალური ჯილდოშ 2019 წანაშ გომორძგვილი. ოგურუანს ოფუტე პვანიშ კერიკოშ სკოლას, კენიაშ ცენტრიშე მოჩილათირი დაღარ რეგიონს, სოდე გოლოფა დო შქირენა რჩქვანელი მოლინა რე. პიტერ ტაბიჩი ფრანცისკანალეფიშ რელიგიური ორდენიშ მაკათური რე.

ბიოგრაფია

[რედაქტირაფა | წყუშ რედაქტირაფა]

პიტერ ტაბიჩიქ დებადჷ კენიაშ ოფუტეს[1]. თიშ ეშანუ, ნამჷ-და მარწაფალობა გინაჭყვიდირაფუ დორხველი ფანიაქ[2]. თიქ მუში პედაგოგიური მოღალობა დიჭყჷ კერზო სკოლას. კერიკოშ ოშქაშე სკოლას — მუშობა 2016 წანას დიჭყჷ[3]. ტაბიჩი მუში ირთუთური მიშნაველიშ 80%-ის დაღარეფიშ მახვარებელო ახარჯენს, მოსვანჯაშ დღალეფს — გეძინელი გოკვათილეფს უმანჯენს ბაღანეფს[4].

პიტერქ სკოლას დარსხუ ტალანტეფიშ დო ომენცარე კლუბეფი, ნამუეფიშ ღანკი მაგურეფეეფიშ რკუალათ პროექტეფს კათაფა დო მენცარობეფით დოინტერესაფა რე. კენიაშ ომენარე-ტექნიკურ ბაზრობას პიტერიშ მოგურაფეეფქ წჷმარინეს თინეფიშით აკოქიმინელი მონწყილობა, ნამუშ მეშქაშობათ რჩქილა დო თოლს რკებაშ მაღვენი ადამიერეფს საშუალებას არზენს გოზჷმან მეკონეფი. პიტერიშ მაგურაფეეფქ მიღეს ჯილდო ქიმიკოსეფიშ ომაფე ჯარალუაშე, თიშ უკული, მუთ გჷმირინეს აბანური ჩანარი ელექტროენერგიაშ მიოღებელო. პიტერიშ სკოლაშ მათემატიკოსეფიშ ბუნა ოკათჷ საირქიანო ომენცარე-ტექნიკურ გუმოფინუას, ნამუთ 2019 წანას, არიზონას იმანჯჷდჷ.

2019 წანას, გჷნირთჷ მარწაფალიშ გლობალური ჯილდოშ გომორძგვილო დო დაჯილდეს 1 მლნ დოლარით[5][6][7][8][9]. პიტერ ტაბიჩის ჯილდო გინოჩჷ ჰიუ ჯეკმენქ დო მიახვამუ ქიანაშ პრეზიდენტი უჰურუ კენიატაქ[10].

სქოლიო

[რედაქტირაფა | წყუშ რედაქტირაფა]
  1. ↑ Kenyan teacher wins $1 million global teaching prize (en). კითხირიშ თარიღი: 2019-03-25.
  2. ↑ Chebet, Caroline. Peter Tabichi: World’s best teacher donates 80% of his salary to the poor. კითხირიშ თარიღი: 2019-03-25.
  3. ↑ Franciscan Brothers Mountbellew (en-US). კითხირიშ თარიღი: 2019-03-25.
  4. ↑ ვინ არის პიტერ ტაბიჩი - მსოფლიოს საუკეთესო მასწავლებლის ჯილდოს მფლობელი კენიიდან
  5. ↑ Dockrill, Peter. Kenyan Science Teacher Who Gives 80% of His Salary Away Just Won a $1M Global Prize (en-gb). კითხირიშ თარიღი: 2019-03-25.
  6. ↑ TES News (2019-03-24), Peter Tabichi wins the Global Teacher Prize, https://www.youtube.com/watch?v=BGQDO32RV7Q, წაკითხულია: 2019-03-25 
  7. ↑ Global Teacher Prize: Man who gives away 80% of his salary wins $1m award (en). კითხირიშ თარიღი: 2019-03-25.
  8. ↑ CNN, Madison Park. Kenyan teacher who gives away 80% of his salary awarded $1M global prize. კითხირიშ თარიღი: 2019-03-25.
  9. ↑ “Peter Tabichi, prof de maths au Kenya et « meilleur enseignant du monde »“, 2019-03-25. კითხირიშ თარიღი: 2019-03-25. (fr) 
  10. ↑ Bahari News Kenya (2019-03-24), UHURU KENYATTA CONGRATULATES KENYAN TEACHER WHO WON KSH 100 MILLION GLOBAL TEACHER AWARD, https://www.youtube.com/watch?v=K1AgnaG7EXY&feature=youtu.be, წაკითხულია: 2019-03-25