| Mayen Adetiba | |
|---|---|
| Ọjọ́ìbí | 1954 |
| Ibùgbé | Lagos |
| Orílẹ̀-èdè | Nigeria |
| Ẹ̀kọ́ | Columbia University |
| Iṣẹ́ | Civil Engineer |
| Gbajúmọ̀ fún | Nigerian woman engineer |
| Olólùfẹ́ | Dele Adetiba |
| Àwọn ọmọ | 3 |
Mayen Adetiba (tí a bí ní ọdún 1954) tí ń ṣe ọmọ orílẹ̀-èdè Nàìjíríà jẹ́ òṣèré tí ó wá padà di ògbóǹkarìgì onímọ̀ ẹ̀rọ.
A bí Adebita ni ọdún 1954 sí orílẹ̀-èdè Nàìjíríà.[1] Iṣẹ́ tó ní ṣe pẹ̀lú ṣíṣàkọ́ọ́lẹ̀ owó ni ó fẹ́ kọ́kọ́ ṣe àmọ́ ó padà nífẹ̀ẹ́ sí iṣẹ́ ìmò ẹ̀rọ.[2] Ó fẹ́ Délé Adetiba, wọ́n sì bí ọmọ mẹ́ta, Kemi Adetiba jẹ́ ọ̀kan lára àwọn ọmọ wọn tí wọ́n bí sí ìpínlẹ̀ Èkó ní ọdún 1980.[3]
Adetiba ti fìgbà kan jẹ́ òṣèré ní orílẹ̀-èdè Nàìjíríà. Ó ṣiṣẹ́ lórí The Bar Beach Show, ó sì ṣe ìyàwó Lákúnlé Òjó nínú eré Village Headmaster. Ó kópa nínú fíìmù Kongi Harvest tí ó jáde ní ọdún 1980. [2] A yàn-án gẹ́gẹ́ bí Ààrẹ Association of Consulting Engineers of Nigeria, ó sì jẹ́ ìgbà kejì Ààrẹ ti Nigerian Society of Engineers nígbà mẹ́ta ọ̀tọ̀ọ̀tọ̀.[4] Òun ni obìnrin àkọ́kọ́ tí wọ́n fi ṣe ọ̀kan lára àwọn Executive Committee ni Nigerian Society of Engineers. [3] Kíkọ́ African Union Southern Africa Regional Office tí ó wà ní Malawi àti Summerhill Baptist Church ní ìpínlẹ̀ Èkó jẹ́ àwọn iṣẹ́ tí ó ti ṣe. Ó tún ṣiṣẹ́ lórí pro bono tí wọ́n kọ́ ṣìkejì.[2]
Ilé ẹ̀kọ́ gíga ní òkè òkun ni ó lọ. Níbi tí ó tí ń ṣiṣẹ́ láti rán ara ẹ̀ lọ ilé-ìwé nígbà tí àwọn òbí rẹ̀ ò rówó ránṣẹ́ si nítorí àwọn ìdojúkọ kan. Ó wà ní New York University fún ìgbà díè kí ó tó gba ìsọdá sí Columbia University níbi tí ó ti kẹ́kọ̀ọ́ nípa Electrical Engineering. Civil Engineering ni ó padà ṣe nígbà tí wọ́n sọ fún pé Civil Engineering nìyí ní ilẹ̀ Áfíríkà.[2]
Nígbà tí ó yí ohun tí ó ń kọ́ ní Ifásitì náà sí Civil Engineering, ó já sí pé Adetiba nìkan ni ọmọ orílẹ̀-èdè Nàìjíríà àti aláwọ̀ dúdú tí ó ń kọ́ ẹ̀kọ́ náà.[4] Ó tẹ̀ síwájú láti gboyè Master's Degree ní Cornell University.[2]
Ní ọdún 2017, ó fojú hàn lórí ètò kan tí ọmọ rẹ̀ Kemi gbé kalẹ̀ tí ń jẹ́ "King Women". Ó dara pọ̀ mọ́ àwọn King Women mìíràn bí i Chigul, Taiwo Ajai-Lycett, TY Bello àti Tara Durotoye[5]