ⵉⵟⵟⵓ (ⴰⴼⵉⵍⵎ)
| ⵉⵟⵟⵓ | |
|---|---|
| ITTO (ⵜⴰⴼⵕⴰⵏⵚⵉⵚⵜ) | |
.jpg) | |
| ⴰⵏⴰⵡ | ⴰⴼⵉⵍⵎ |
| ⵉⵎⵔⵙⵉ | ⴰⵙⴷⵓⵔⵔⵉ ⴰⴼⵕⴰⵏⵚⵚ ⵉ ⵍⵎⵖⵔⵉⴱ |
| ⴰⴼⵙⴰⵔ | ⴼⵕⴰⵏⵚⴰ, ⴱⴰⵔⵉⵙ |
| ⴰⵙⴰⴽⵓⴷ ⵏ ⵓⴼⴰⵔⵙ | 19 ⵎⴰⵕⵚ 1935 |
| ⵜⴰⵎⵓⵔⵜ | ⴼⵕⴰⵏⵚⴰ |
| ⴰⵙⵎⵉⵍ ⴰⵥⵓⵕⴰⵏ | ⴷⵕⴰⵎⴰ ⴰⵙⴷⵓⵔⵔⵉ[1] |
| ⴰⵣⵎⵣ ⵏ ⵓⴼⴰⵔⵙ | 117 ⵏ ⵜⵓⵙⴷⵉⴷⵜ |
| ⵉⴳⵣⵣⵓⵎⵏ | ⵢⴰⵏ ⵓⴳⵣⵣⵓⵎ |
| ⵜⵓⵜⵍⴰⵢⵜ ⵏ ⵓⴼⵉⵍⵎ | ⵜⴰⴼⵕⴰⵏⵚⵉⵚⵜ ⵜⴰⵎⴰⵣⵉⵖⵜ ⵏ ⵉⴼⴼⵓⵙ ⵏ ⵍⵎⵖⵔⵉⴱ |
| ⵉⴷⵖⴰⵔⵏ ⵏ ⵓⵙⵓⵍⴼ | ⵜⴰⵍⵉⵡⵉⵏ ⵜⵍⵡⴰⵜ |
| ⴰⴳⴰⵍⵓⴼ | |
| ⴰⵎⵙⵙⵓⴼⵖ | ⵊⵓⵏ ⴱⵉⵏⵡⴰ ⵍⵉⴼⵉ ⵎⴰⵕⵉ ⵉⴱⵛⵜⴰⵢⵏ |
| ⴰⵎⵙⵙⵓⴼⵖ ⴰⵎⴰⵡⴰⵙ | ⴱⴱⵢⵉⵖ ⴷⵓ ⵉⵖⴰⵏ ⵄⴱⴷⵍⵍⴰⵀ ⴰⴳⵍⴰⵡⵡⵓ |
| ⴰⵙⵉⵏⴰⵔⵢⵓ | ⵊⵓⵕⵊ ⴷⵉⴼⵉⵔⵏⵓⵢ ⵕⵓⵊⵕ ⴼⵉⵕⴰⵍ |
| ⴰⵙⵙⵉⵏⵉⵎⴰⵜⵓⴳⵕⴰⴼⵢⴰ | ⴼⵉⵍⵉⴱ ⴰⴳⵓⵚⵜⵉⵏⵉ, ⵊⵓⵕⵊ ⴰⵙⵍⴰⵏ, ⴱⵢⵉⵖ ⵍⵓⴼⵓⵏ ⴷ ⴱⴱⵓⵍ ⴱⴰⵕⴳⵍ |
| ⵜⴰⵡⵓⵔⵉ ⵜⴰⵥⵓⵕⴰⵏⵜ | |
| ⴰⵎⴰⵔⴰ | ⵉⵜⵜⵢⴰⵏ ⵔⴰⵢ |
| ⴰⵥⴰⵡⴰⵏ | ⴰⵍⴱⵉⵕ ⵡⵓⵍⴼ |
| ⵜⴰⵏⵇⵇⵉⵙⵜ | ⵓⵏⴳⴰⵍ ⵏ ⵎⵓⵔⵉⵙ ⵍⵓ ⴳⵍⴰⵢ Itto, récit marocain d’amour et de bataille, Paris, Plon, 1923[2] |
    |
|
ⵙⵏⴼⵍ ⴰⵙⴰⴳⵎ - ⵙⵏⴼⵍ  | |
ⵉⵟⵟⵓ[3] (ⵙ ⵜⴼⵕⴰⵏⵚⵉⵚⵜ: itto, ⵙ ⵜⵄⵕⴰⴱⵜ: إيطو, ⵙ ⵓⵙⴽⴽⵉⵍ ⴰⵍⴰⵜⵉⵏ ⵏ ⵜⵎⴰⵣⵉⵖⵜ: iṭṭu) ⵉⴳⴰ ⴰⴼⵉⵍⵎ ⴰⵎⵖⵔⵉⴱⵉ-ⴰⴼⵕⴰⵏⵚⵉⵚ[4], ⵉⴳⴰ ⵢⴰⵜ ⵙⴳ ⵜⵎⴰⵜⴰⵔⵉⵏ ⵏ ⵜⵓⴷⴷⵎⴰ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⴳ ⵍⵎⵖⵔⵉⴱ ⴳ ⵓⵙⴳⴳⵯⴰⵙ ⵏ 1934, ⴰⴼⵉⵍⵎ ⴰⴷ ⴰⴽⴽⵯ ⴰⴷ ⵉⵣⵡⴰⵔⵏ ⵉⵙ ⴷ ⵉⴼⴼⴰⵖ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵍⵎⵖⵔⵉⴱ, ⴰⵔ ⵉⵙⴰⵡⴰⵍ ⵙ ⵜⵏⵜⴰⵍⴰ ⵏ ⵉⴼⴼⵓⵙ, ⴰⵙⵓⵍⴼ ⵏ ⵓⴼⵉⵍⵎ ⴰⴷ ⵉⵜⵜⵢⴰⵙⴽⴰⵔ ⴳ ⵉⴷⵔⴰⵔⵏ ⵏ ⵡⴰⵟⵍⴰⵙ ⴰⵎⵇⵇⵔⴰⵏ, ⵜⴰⵙⴳⴰ ⵏ ⵜⴰⵍⵉⵡⵉⵏ ⴷ ⵜⵙⴳⴰ ⵏ ⵜⵍⵡⴰⵜ, ⴰⵙⵙⵓⴼⵖ ⵏ ⵊⵓⵏ ⴱⵉⵏⵡⴰ ⵍⵉⴼⵉ, ⵎⴰⵕⵉ ⵉⴱⵛⵜⴰⵢⵏ ⴷ ⵄⴱⴷⵍⵍⴰⵀ ⴰⴳⵍⴰⵡⵡⵓ. ⴰⴼⵉⵍⵎ ⴰⴷ ⵉⴳⴰ ⵜⴰⵢⴰⴼⵓⵜ ⵏ ⵓⵎⵢⴰⵡⴰⵙ ⵉⵏⴳⵔ ⵉⴼⵕⴰⵏⵚⵉⵚⵏ ⴷ ⵉⵎⴰⵣⵉⵖⵏ ⵏ ⵍⵎⵖⵔⵉⴱ ⴳ ⵓⵙⵎⴷⵢⴰ ⴷ ⵓⵙⵙⵓⴼⵖ.[5][6][7]
ⵜⴰⵏⵇⵇⵉⵙⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴰⴼⵉⵍⵎ ⴰⵔ ⵉⵜⵜⴰⵍⵙ ⵜⴰⵏⵇⵇⵉⵙⵜ ⵏ ⵓⵙⴷⵓⵔⵔⵉ ⴰⴼⵕⴰⵏⵚⵉⵚ ⵉ ⵜⵇⴱⵉⵍⵉⵏ ⵏ ⵡⴰⵟⵍⴰⵙ ⴰⵎⵇⵇⵔⴰⵏ ⴳ ⵜⵙⴳⴳⵉⵡⵉⵏ ⵏ ⵜⵍⵡⴰⵜ ⴷ ⵜⴰⵍⵉⵡⵉⵏ. ⵉⵟⵟⵓ, ⵉⵍⵍⵉⵙ ⵏ ⵃⵎⵎⵓ ⴰⵏⵙⵙⵉⵅⴼ ⵏ ⵢⴰⵜ ⴳ ⵜⵇⴱⵉⵍⵉⵏ ⵜⴻⵜⴰⵀⵍ ⵙ ⵎⵉⵍⵓⴷ ⵢⵉⵡⵉⵙ ⵏ ⵃⴰⵙⴰⵏ ⴰⵏⵙⵙⵉⵅⴼ ⵏ ⵜⵇⴱⵉⵍⵜ ⵜⴰⵎⴷⴷⴰⴽⴽⵯⵍⵜ ⵏ ⵜⵇⴱⵉⵍⵜ ⵏ ⵃⵎⵎⵓ.
ⵢⴰⵏ ⵡⴰⵟⵟⴰⵏ ⵉⵡⵜ ⵓⵍⵍⵉ ⵏ ⵜⵇⴱⵉⵍⵜ ⵏ ⵃⴰⵙⴰⵏ ⵏⵏⴰ ⵢⵓⵣⵏⵏ ⵙ ⵓⴹⴱⵉⴱ ⵏ ⵉⴼⵕⴰⵏⵚⵉⵚⵏ, ⴰⵎⴳⴳⴰⵔⵓ ⴰⴷ ⵉⵙⴰⴷⵎⵔ ⴷ ⵉ ⵃⴰⵙⴰⵏ ⵎⴰⵛ ⵙ ⵢⴰⵏ ⵡⴰⵡⵡⴰⵍ, ⴰⴷ ⵙⴰⵔ ⴷ ⵏⵜⵜⴰ ⴰⵔ ⴰⴷ ⵉⵏⵏⴰⵖ ⴷ ⵉⴼⵕⴰⵏⵚⵉⵚⵏ ⴷ ⴰⴷ ⵙⴰⵔ ⵓⵔ ⵉⴽⵛⵎ ⴷ ⵜⵏⵣⴱⴰⵢⵜ ⵏ ⵜⵇⴱⵉⵍⵉⵏ.
ⵃⵎⵎⵓ ⵉⵍⴽⵎ ⵜ ⵏⵏ ⵡⴰⵡⵡⴰⵍ ⴰⴷ ⵉⵍⵍⴰⵏ ⵉⵏⴳⵔ ⵃⴰⵙⴰⵏ ⴷ ⵉⴼⵕⴰⵏⵚⵉⵚⵏ, ⴹⴰⵕⵜ ⵏⵏⵙ ⵉⵡⵎⵥ ⵉⵍⵍⵉⵙ ⵅⴼ ⵓⵔⴳⴰⵣ ⵏⵏⵙ ⵎⵉⵍⵓⴷ ⵢⵉⵡⵉⵙ ⵏ ⵃⴰⵙⴰⵏ ⴰⵛⴽⵓ ⵉⴳⴰ ⴰⵅⴷⴷⴰⵄ,
ⵉⵟⵟⵓ ⵜⵏⵏⴰ ⵉ ⵎⵉⵍⵓⴷ ⴰ ⵜⵜ ⴷ ⵉⵍⴽⵎ ⵙ ⵜⵏⵣⴱⴰⵢⵜ ⵎⴳⴰⵍ ⵉⴼⵕⴰⵏⵚⵉⵚⵏ, ⵎⴰⵛ ⵓⵜⵏ ⵜ ⴰⵢⵜ ⵜⵇⴱⵉⵍⵜ ⵏⵏⵙ ⴰⵛⴽⵓ ⵉⵖⴷⵔ ⵙⵔⵙⵏ ⴰⵍⵍⵉⴳ ⵉⵔⴰ ⴰ ⵉⴼⵍ ⵜⴰⵇⴱⵉⵍⵜ ⵏⵏⵙ.
ⴰⴹⴱⵉⴱ ⴰⴼⵕⴰⵏⵚⵉⵚ ⵉⵙⵙⴰⵙⴼⵔ ⵎⵉⵍⵓⴷ, ⴰⵎⴳⴳⴰⵔⵓ ⴰⴷ ⵉⴼⵜⴰ ⵙ ⵉⵟⵟⵓ ⵉⵏⵏⴰ ⴰⵙ ⴰ ⵜ ⵏⵏ ⵜⵍⴽⵎ ⵙ ⴷⴰⵔ ⵉⴼⵕⴰⵏⵚⵉⵚⵏ ⵏⵜⵜⴰⵜ ⴷ ⵉⵡⵉⵜⵙⵏ ⵎⴰⵛ, ⵉⵟⵟⵓ ⵓⵔ ⵜⵔⴰ, ⵜⵇⵇⵉⵎ ⵖⵓⵔ ⴱⴰⴱⴰⵙ, ⵓⵔ ⵜⵔⵉ ⴰ ⵙⵔⵙ ⵜⵖⴷⵔ.
ⴳ ⵓⵣⵎⵣ ⴰⴷ, ⴼⵕⵓⵏⵚⵡⴰⵣ ⵓⵍⴰ ⵏⵜⵜⴰⵜ ⵜⴳⴰ ⵜⴰⴹⴱⵉⴱⵜ ⵜⴻⵜⴰⵀⵍ ⵙ ⵓⴹⴱⵉⴱ ⴰⴼⵕⴰⵏⵚⵉⵚ ⵜⴼⵍ ⵏⵏ ⵜⴰⵎⴰⵣⵉⵔⵜ ⵏⵏⵙ ⴼⵕⴰⵏⵚⴰ ⵜⴰⵛⴽ ⴷ ⵙ ⵍⵎⵖⵔⵉⴱ ⵎⵇⵇⴰⵔ ⵜⵉⴽⵚⵚⴰⴹ ⵏⵏⵙ, ⵜⵙⵙⵏⵜⵉ ⵓⵍⴰ ⵏⵜⵜⴰⵜ ⴰⵔ ⵜⵙⵙⴰⵙⴼⵔ ⵜⴰⵔⵡⴰ ⵏ ⵜⵇⴱⵉⵍⵉⵏ ⴰⴷ. ⴰⴹⴱⵉⴹ ⴷ ⵜⴹⴱⵉⴱⵜ ⵍⴰⵏ ⵢⴰⵏ ⵡⴰⵔⵔⴰⵡ ⵎⵥⵥⵉⵏ.
ⴰⴹⴱⵉⴱ ⴰⴼⵕⴰⵏⵚⵉⵚ ⴰⵔ ⵉⵙⵙⴰⵙⴼⵔ ⵜⴰⵔⵡⴰ ⵏ ⵜⵇⴱⵉⵍⵉⵏ ⵙⴳ ⵢⴰⵏ ⵡⴰⵟⵟⴰⵏ ⵏⵏ ⴰ ⵉⵢⵢⵏⵜ ⵉⵡⵜⵏ ⴳ ⵓⵣⵎⵣ ⴰⵏⵏ, ⵉⵎⵉⵇⵇ ⵙ ⵉⵖⵍⵉ ⵏⵜⵜⴰ ⴷ ⵜⵎⵖⴰⵔⵜ ⵏⵏⵙ ⴰⴷ ⵣⴷⵖⵏ ⴳ ⵉⴷⵔⴰⵔⵏ ⵏ ⵡⴰⵟⵍⴰⵙ ⴰⵎⵇⵇⵔⴰⵏ ⴰⴼⴰⴷ ⴰⴷ ⴰⵥⵏ ⵉ ⵉⵎⵓⴹⴰⵏ, ⵎⵇⵇⴰⵔ ⵜⵉⴽⵚⵚⴰⴹ ⵏ ⴼⵕⵓⵏⵚⵡⴰⵣ, ⵉⵡⵉⵜⵙⵏ ⵓⵍⴰ ⵏⵜⵜⴰ ⵉⵍⴽⵎ ⵜ ⴷ ⵡⴰⵟⵟⴰⵏ ⵉⵅⵅⴷⵉ ⴰ ⵉⵎⵎⵜ ⴰⵛⴽⵓ ⵉⵙⵎⴷ ⴰⵙⵏ ⵓⴳⵣⵣⴰⵢ ⵙⴳ ⵓⵙⴰⵜⵉⵎ ⵎⴰⵛ, ⵜⵉⵎⵖⴰⵔⵉⵏ ⵏ ⵜⵇⴱⵉⵍⵜ ⴼⵜⴰⵏⵜ ⴳ ⵓⵥⴰⵢⴹ ⵣⵔⵉⵏⵜ ⵙⴳ ⵉⴷⵔⴰⵔⵏ ⴰⴼⴰⴷ ⴰⴷ ⴰⵡⵉⵏⵜ ⴰⴳⵣⵣⴰⵢ ⵉ ⵓⴹⴱⵉⴱ ⴰⴼⴰⴷ ⴰ ⵉⵙⵙⴰⵙⴼⵔ ⵢⵉⵡⵉⵙ ⵏⵜⵜⴰ ⴷ ⴼⵕⵓⵏⵚⵡⴰⵣ.
ⴰⴽⵓⴷ ⴳ ⵉⵍⴽⵎ ⵉⵎⵏⵖⵉ ⵏ ⵜⵇⴱⵉⵍⵜ ⵏ ⵃⵎⵎⵓ ⴷ ⵉⴼⵕⴰⵏⵚⵉⵚⵏ, ⵉⵟⵟⵓ ⵜⵍⴽⵎ ⵏⵏ ⴱⴰⴱⴰⵙ, ⴰⵎⴳⴳⴰⵔⵓ ⴰⴷ ⵉⵏⵏⴰ ⵉ ⵡⴰⵔⵔⴰⵡ ⵏⵏⵙ ⴰⴷ ⴼⴽⵏ ⵉⵅⴼ ⵏⵏⵙⵏ ⵉ ⵉⴼⵕⴰⵏⵚⵉⵚⵏ ⵎⴰⵛ, ⵏⵜⵜⴰ ⴷ ⵉⵟⵟⵓ ⵖⵜⵙⵏ ⴰⴷ ⵎⵎⵜⵏ ⴳ ⵉⵎⵏⵖⵉ.
ⴼⵕⵓⵏⵚⵡⴰⵣ ⵜⵓⵎⵥ ⵢⵉⵡⵉⵙ ⵏ ⵉⵟⵟⵓ ⴰⴼⴰⴷ ⴰⴷ ⵜ ⵜⵙⵙⵉⵎⵖⵓⵔ ⵜⵖⵜⵙ ⴰ ⵜⵖⴰⵎⴰ ⴳ ⵜⵎⴰⵣⵉⵔⵜ ⵏ ⵍⵎⵖⵔⵉⴱ ⴷ ⵓⵔⴳⴰⵣ ⵏⵏⵙ.[6]
ⵜⵉⴼⵔⵜ ⵜⴰⵜⵉⵇⵏⵉⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵜⵉⴼⵔⵜ ⵜⴰⵜⵉⵇⵏⵉⵜ ⵏ ⵓⴼⵉⵍⵎ[5]:
- ⴰⵣⵡⵍ: ⵉⵟⵟⵓ
- ⴰⵙⵙⵓⴼⵖ : ⵊⵓⵏ ⴱⵉⵏⵡⴰ ⵍⵉⴼⵉ ⴷ ⵎⴰⵕⵉ ⵉⴱⵛⵜⴰⵢⵏ, ⴷ ⵜⵡⵉⵙⵉ ⵏ ⴱⴱⵢⵉⵖ ⴷⵓ ⵉⵖⴰⵏ.
- ⴰⵙⵉⵏⴰⵕⵢⵓ : ⵊⵓⵕⵊ ⴷⵉⴼⵉⵔⵏⵓⵢ, ⵕⵓⵊⵕ ⴼⵉⵕⴰⵍ ⴷ ⵉⵜⵜⵢⴰⵏ ⵔⴰⵢ ⵙⴳ ⵓⵏⴳⴰⵍ ⵏ ⵎⵓⵔⵉⵙ ⵍⵓ ⴳⵍⴰⵢ
- ⵜⴰⵏⵇⵇⵉⵙⵜ ⵜⴰⵎⵣⵡⴰⵔⵓⵜ: ⵓⵏⴳⴰⵍ ⵏ ⵎⵓⵔⵉⵙ ⵍⵓ ⴳⵍⴰⵢ Itto, récit marocain d’amour et de bataille, Paris, Plon, 1923
- ⴰⵙⵓⵍⴼ : ⴼⵉⵍⵉⴱ ⴰⴳⵓⵚⵜⵉⵏⵉ, ⵊⵓⵕⵊ ⴰⵙⵍⴰⵏ, ⴱⵢⵉⵖ ⵍⵓⴼⵓⵏ ⴷ ⴱⴱⵓⵍ ⴱⴰⵕⴳ
- ⴰⵥⴰⵡⴰⵏ : ⴰⵍⴱⵉⵕ ⵡⵓⵍⴼ
- ⵜⴰⵎⴰⵣⵉⵔⵜ ⵏ ⵓⵙⵓⵍⴼ :
ⴰⵎⵔⵔⵓⴽ - ⵜⴰⵎⴰⵣⵉⵔⵜ ⵜⴰⵥⵓⵕⴰⵏⵜ: ⴼⵕⴰⵏⵚⴰ
- ⵜⴰⵍⵖⴰ : ⵓⵎⵍⵉⵍ ⴷ ⵓⵎⵓⵛⵛ - ⵎⵓⵏⵓ (ⵉⵎⵙⵍⵉ) - 1,37:1
- ⴰⵏⴰⵡ : ⴷⵕⴰⵎⴰ
- ⵜⴰⵙⵓⵍⵜ : 117 ⵏ ⵜⵓⵙⴷⴰⴷⵜ (~2 ⵜⵙⵔⴰⴳⵉⵏ)
- ⴰⴷⵖⴰⵔ ⴷ ⵓⵙⴰⴽⵓⴷ ⵏ ⵓⴼⵓⵖ : ⴼⵕⴰⵏⵚⴰ, 19 ⵎⴰⵕⵚ 1935 ⴳ ⴱⴰⵔⵉⵙ.
ⵉⵙⵎⴷⴰⵢⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵙⵎⴷⴰⵢⵏ ⵏ ⵓⴼⵉⵍⵎ ⵎⵎⵔⴽⵙⵏ, ⴳⵉⵙⵏ ⵉⴼⵕⴰⵏⵚⵉⵚⵏ ⴷ ⵉⵎⵖⵔⵉⴱⵉⵏ ⴷ ⵡⵉⵢⵢⴰⴹ[8]:
- ⵙⵉⵎⵓⵏ ⴱⵉⵖⵢⵓ : ⵉⵟⵟⵓ
- ⵙⵉⵎⵓⵏ ⴱⵓⵖⴷⴰⵢ : ⴼⵕⵓⵏⵚⵡⴰⵣ
- ⵓⴱⵉⵖ ⴱⵅⵉⵍⵉⵢⵢⵉ : ⴰⵎⵙⴳⵏⴰⴼ ⴷⴰⵖⵢⵓ
- ⴱⴱⴰⵡⵍⵉⵏ ⴽⴰⵅⵜⵓⵏ : ⴰⵏⵏⴰ
- ⵙⵉⵍⴼⵉⵜⵜ ⴼⵉⵢⴰⵙⵉⵢⵢⵉ : ⴰⵎⵖⵔⵉⴱⵉ
- ⴽⴰⵎⵉⵍ ⴱⵉⵖⵜ : ⴰⴽⵓⵍⵓⵏⵉⵍ
- ⵕⵓⵏⴰⵍⴷ ⴽⴰⵢⵢⵓ : ⴰⵍⵢⵓⵜⵓⵏⵓⵏ ⵊⵓⵏ ⴷⵓⵎⵓⵏⵜⵉⵢⵢⵉ
- ⵀⵉⵏⵔⵉ ⴷⵓⴱⵢⴰⵏ : ⴰⵙⵉⵖⵊⵓⵏ
- ⵍⵢⵓⵏ ⴰⵖⴼⵉⵍ
- ⵍⵓⵡⵉⵙ ⴳⴰⵢ
- ⴱⵏ ⴱⵕⵉⴽ : ⵎⵉⵍⵓⴷ, ⴰⵔⴳⴰⵣ ⵏ ⵉⵟⵟⵓ
- ⵎⵓⵍⴰⵢ ⴱⵕⴰⵀⵉⵎ : ⵃⵎⵎⵓ, ⴱⴰⴱⴰⵙ ⵏ ⵉⵟⵟⵓ
- ⵄⵉⵛⴰ ⴼⴰⴷⴷⴰⵃ : ⵄⵉⵛⴰ
- ⵙⵙⵉ ⵙⵄⵉⴷ : ⵙⵄⵉⴷ
- ⴱⵉⵖⵏⴰⵖ ⵖⵉⴷⵓⵖ : ⴰⴼⵙⵢⴰⵏ ⵏ ⵜⵙⴰⵢⵍⴰⵍⵜ
- ⴱⵢⵉⵖ ⵙⴰⵖⴷⴰ : ⴰⴼⵙⵢⴰⵏ ⵏ ⵓⵎⵍⴰⵏ
- ⵍⵓⵙⵢⴰⵏ ⴷⴰⵍⵖⵉⵙ : ⴰⴽⴰⴱⴱⵓⵕⴰⵍ
- ⵊⵉⵏⴰ ⵢⴰⵏⵏ : ⵜⴰⵏⵖⵎⴰⵙⵜ
- ⵎⴰⵢⴰ ⵙⵉⴼⵖⵉⵏ : ⵜⴰⵎⵖⴰⵔⵜ ⵏ ⴷⵓⵎⵓⵏⵜⵉⵢⵢⵉ
- ⴱⵓⵍ ⵍⵓⵖⵏⵉⵢⵢⵉ : ⵎⴰⵙⵙ ⴷⵓⵎⵓⵏⵜⵉⵢⵢⵉ
ⵉⵙⴰⵖⵓⵍⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ↑ ⵜⵉⴼⵔⵜ ⵜⴰⵜⵉⵇⵏⵉⵜ ⵏ ⵓⴼⵉⵍⵎ ⴳ ⵖⵓⵔ ⵓⵙⵉⵜ ⵡⵉⴱ ⴰⵎⵉⵔⵉⴽⴰⵏⵉ ⴼⵉⵍⵎ ⴰⴼⵉⵏⵉⵜⵉ:https://www.filmaffinity.com/en/film377492.html
- ↑ https://books.google.co.ma/books/about/Itto.html?id=VCRJw3KrOMoC&redir_esc=y
- ↑ ⵜⵉⴼⵔⵜ ⵜⴰⵜⵉⵇⵏⵉⵜ ⵏ ⵓⴼⵉⵍⵎ ⴳ ⵖⵓⵔ ⵓⵙⵉⵜ ⵡⵉⴱ ⴰⵎⵉⵔⵉⴽⴰⵏⵉ ⴼⵉⵍⵎ ⴰⴼⵉⵏⵉⵜⵉ:https://www.filmaffinity.com/en/film377492.html
- ↑ https://www.filmaffinity.com/en/film377492.html
- ↑ 5.0 5.1 ⴰⵎⵏⵏⵉ ⵅⴼ ⵓⴼⵉⵍⵎ ⵏ ⵉⵟⵟⵓ ⴷ ⵜⵓⴷⴷⵎⴰ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⴳ ⵍⵎⵖⵔⵉⴱ: https://www.tighirtnews.com/?p=412
- ↑ 6.0 6.1 ⴰⴼⵉⵍⵎ ⴳ ⵢⵓⵜⵢⵓⴱ: https://www.youtube.com/watch?v=VhP_gNSNGIk
- ↑ ⴰⴼⵉⵍⵎ ⵏ ⵉⵟⵟⵓ ⴳ ⵜⵏⵖⵎⴰⵙⵜ ⵜⴰⵎⵖⵔⵉⴱⵉⵜ: https://azulpress.ma/%D8%AA%D8%A7%D8%B1%D9%8A%D8%AE-%D8%A7%D9%84%D8%B3%D9%8A%D9%86%D9%85%D8%A7-%D9%81%D9%8A-%D8%A7%D9%84%D9%85%D8%BA%D8%B1%D8%A8-%D8%A5%D9%8A%D8%B7%D9%88-1934%D8%8C-%D8%A3%D9%88%D9%84-%D9%81%D9%8A%D9%84/
- ↑ ⵉⵙⵎⴷⴰⵢⵏ ⵏ ⵓⴼⵉⵍⵎ: https://www.filmaffinity.com/en/fullcredits.php?movie_id=377492