Ann Rose Nu Tawng

這篇文章有漢字兮版本。
參考這篇文章兮漢字版本。


Ann Rose Nu Tawng
Chhut-sì 1975
Bián-tiān
Kok-che̍k Bián-tiān
Tù-miâ Pì-hō͘ bih kun-sū chèng-piàn ê jîn-bîn

Ann Rose Nu Tawng （1975 nî  chhut-sì ）sī Bián-tiān chi̍t-ê Thian-chú-kàu Sèng-hong-chē ê lú-cheng, i tī 2021 nî kam-goān hi-seng ka-kī ê sìⁿ-miā, mā-ài pó-hō͘ tô-lān ê lâng, ín-khí Thian-chú-kàu Kàu-hông kah BBC ê chù-ì, i mā hō͘-lâng soán ji̍p-khì BBC Kin-kok Pah-miâ jîn-soán.

Seng-pêng

[siu-kái | kái goân-sí-bé]

Ann Rose Nu Tawng sī Sèng-hong-chē ê lú-cheng.[1]

Tong-sî kéng-chhat tī Myitkyina lia̍h-pó͘ siàu-liân ê khòng-gī-chiá ê sî, i hō͘-lâng chù-ì tio̍h.[1]Khòng-gī-chiá chah in ka-kī chè-chō ê tún-pâi kah an-choân-mō͘-á, kéng-chhat sī kui-sin-khu pau-bi̍t-bi̍t.[2] Khòng-gī oa̍h-tōng hoat-seng tī 2021 nî 2-ge̍h chhoe-1 Aung San Suu Kyi hō͘ kun-hong chèng-piàn thui-hoan liáu-āu. Ann Rose Nu Tawng kūi--lo̍h-lâi kiû kéng-hong mài tùi i siu-iông ê siàu-liân-lâng khí-kha-tāng-chhiú.[3] I kóng kûn-chiòng sī hô-pêng khòng-gī, m̄-koh kèng-hong kóng in kan-na sī chip-hêng jīm-bū. Ann Rose Nu Tawng kóng nā-sī boeh thâi-lâng, i ē-tàng hiàn-chhut in sìⁿ-miā.[2]

Kèng-hong ê thó-lūn ōe-bīn hō͘ koan-chhat-goân hip--lo̍h-lâi, jî-chhiáⁿ kong-pò͘ tī bāng-lō͘ téng, āu-lâi hō͘ BBC kah Ūi-pò pò-tō.[3][2]Kàu-hông mā-ū phêng-lūn in hi-seng ê kú-tōng.

2021 nî 12-ge̍h, BBC kā i phêng-ûi Kin-kok Pah-miâ chi-it.[4]

Chù-sek

[siu-kái | kái goân-sí-bé]
  1. ↑ 1.0 1.1 "Myanmar nun among BBC's 100 Women of 2021 - Vatican News". www.vaticannews.va (ēng Eng-gí). 2021-12-09. 2021-12-11 khòaⁿ--ê. 
  2. ↑ 2.0 2.1 2.2 Yangon, Agence France-Presse in (2021-03-09). "'Shoot me instead': Myanmar nun's plea to spare protesters". the Guardian (ēng Eng-gí). 2021-12-11 khòaⁿ--ê. 
  3. ↑ 3.0 3.1 "Myanmar Catholic nun: 'Kill me instead'". BBC News (ēng Eng-gí). 2021-12-11 khòaⁿ--ê. 
  4. ↑ "BBC 100 Women 2021: Who is on the list this year?". BBC News (ēng Eng-gí). 2021-12-07. 2021-12-11 khòaⁿ--ê.