Tiong-sìn Hiaⁿ-tī

Tiong-sìn Hiaⁿ-tī
tóng-àn:Cpbl-stats-chinatrust-brothers.png
Só͘-sio̍k liân-bêng	Tiong-hôa Chit-gia̍p Pāng-kiû Tāi Liân-bêng
Kiû-thoân hoat-jîn	Tiong-kok Sìn-thok Io̍k-lo̍k Kó͘-hūn Iú-hān Kong-si
Sêng-li̍p sî-kan	1984-nî
Kiat-sok sî-kan
Le̍k-sú	Hiaⁿ-tī Pn̄g-tiàm Iá-kiû-tūi (1984-nî－1989-nî) Hiaⁿ-tī Chhiūⁿ (1990-nî－2013-nî) Tiong-sìn Hiaⁿ-tī (2014-nî－)
Só͘-chai-tē	Tâi-tiong-chhī
Chú-tiôⁿ	Tâi-tiong Chiu-chè Iá-kiû-tiôⁿ
Tūi-hùn	Khó͘-liān koat sèng-hū, jîn-phín tēng iu-loat (苦練決勝負，人品定優劣)
Ióng-iú-chiá	Tiong-sìn Kim-khòng
Léng-tūi	Lâu Chì-ui
Chóng-kàu-liān	Hirano Keiichi
Siōng-bóe chi̍t-ê léng-tūi	{{{last_leader}}}
Siōng-bóe chi̍t-ê chóng-kàu-liān	{{{last_manager}}}
Kùi-koan-kun	19-pái 1992 siōng 1992 hā 1993 siōng 1994 siōng 1994 hā 2001 hā 2002 siōng 2002 hā 2003 hā 2009 hā 2010 hā 2014 hā 2015 hā 2016 siōng 2019 hā 2020 siōng 2021 siōng 2022 hā 2024 hā
Nî-tō͘ chóng-koan-kun	10-pái 1992 1993 1994 2001 2002 2003 2010 2021 2022 2024
Tāi-piáu-sek	N̂g-sek
Koaⁿ-hong bāng-chí	www.brothers.tw

Tiong-sìn Hiaⁿ-tī sī Tiong-hôa Chit-pāng ê kiû-tūi chi-it, Chú-tiûⁿ tī Tâi-tiong Chiu-chè Iá-kiû-tiûⁿ. Chiân-sin Hiaⁿ-tī Chhiūⁿ sī Tiong-chit ê chhòng-sí kiû-tūi chi-it. Pau-hâm chiân-sin Heng-tē Chhiūⁿ lóng-chóng ū 19 ê kùi koan-kun, sī choân liân-bêng siōng chē; chóng-koan-kun ū 10 ê, kah Thóng-it Sai pêⁿ chē, kāng-khoán sī choân liân-bêng siōng chē. Sui-jiân Tiong-sìn Keng kah Tiong-sìn Hiaⁿ-tī lóng hőng kiò-chò Tiong-sìn, tān-sī le̍k-sú-siōng Tiong-sìn Keng kah Tiong-sìn Hiaⁿ-tī hōaⁿ-pôaⁿ ê bô-kâng^{[1][chù 1]}, jî-chhiáⁿ Tiong-sìn Hiaⁿ-tī mā sêng-chiap Hiaⁿ-tī Chhiūⁿ ê le̍k-sú, só͘-í tī Tiong-chit kah koaⁿ-hong kì-lo̍k téng-koân mā-sī kah chiân-sin Hiaⁿ-tī Chhiūⁿ ê tūi-sú sio-chiap^[2].

Le̍k-sú

Hiaⁿ-tī Chhiūⁿ sî-kî ūi-tī Tâi-pak-chhī Khèng-siâⁿ-ke ê siong-phín-pō͘

Hiaⁿ-tī Chhiūⁿ sî-kî ê kiû-tūi bá-suh

Hiaⁿ-tī Chhiūⁿ sî-kî ê pí-sài kiû-saⁿ

Hiaⁿ-tī Pn̄g-tiàm Iá-kiû-tūi (1984-nî－1989-nî)

1984-nî 9-goe̍h 1-hō, jia̍t-ài iá-kiû ê Hiaⁿ-tī Tōa-pn̄g-tiàm Âng--ka 5-hiaⁿ-tī koat-tēng sêng-li̍p "Hiaⁿ-tī Pn̄g-tiàm Iá-kiû-tūi", sī tē-1-tāi Hiaⁿ-tī Chhiūⁿ tūi, kiû-oân lóng-chóng 13 lâng, iû Chan Kì-un tam-jīm chóng-kàu-liān. 1985-nî 3-goe̍h 12, tit-tio̍h Tiong-chèng-poe Sêng-pāng It-cho͘ Kím-phiau-sài koan-kun, chiâⁿ-chò kap-cho͘ sêng-pāng ê tē-10-tūi. Keh-nî tī tē-1-kài Kap-cho͘ Sêng-pāng Liân-sài chhòng-chō 14 liân-sèng ê kì-lo̍k, tit-tio̍h thâu-chi̍t-ê kap-cho͘ sêng-pāng pí-sài koan-kun. 1986-nî 11-goe̍h 1-hō, Hiaⁿ-tī Tōa-pn̄g-tiàm Iá-kiû-tiûⁿ khé-iōng, chiâⁿ-chò tē-1-ki ū ka-kī choan-iōng kiû-tiûⁿ ê kiû-tūi. 1988-nî 9-goe̍h 5-hō, "Chit-pāng Tiû-pī Úi-oân-hōe" khak-tēng Hiaⁿ-tī, Thóng-it, Sam-siong, Bī-choân sī Tiong-hôa Chit-pāng chhòng-sí ê 4-ê kiû-thoân.

Hiaⁿ-tī Chhiūⁿ (1990-nî－2013-nî)

1990-nî－1999-nî

1990-nî 3-goe̍h 17 Tiong-hôa Chit-pāng khai-bō͘-chiàn tī Tâi-pak Chhī-li̍p Iá-kiû-tiûⁿ chìn-hêng, lo̍h-bóe Hiaⁿ-tī Chhiūⁿ í 3:4 phah-su Thóng-it Sai, Tiuⁿ Éng-chhiong chiâⁿ-chò chit-pāng thâu-chi̍t-ê pāi-chiàn tâu-chhiú. 4-goe̍h 5-hō Sam-siong Hó͘ kah Hiaⁿ-tī Chhiūⁿ 4:4 pêⁿ-chhiú, sī Tiong-hôa Chit-pāng le̍k-sú-siōng tē-1-pái hô-kio̍k. 4-goe̍h 29 Liông-Chiūⁿ-chiàn, Tâi-pak kiû-tiûⁿ thâu-chi̍t-pái móa-tiûⁿ (16,000 lâng). 1992-nî Hiaⁿ-tī Chhiūⁿ siōng, hā-pòaⁿ-kùi lóng the̍h-tio̍h koan-kun, kin-kì hit-tang-chūn ê kui-tēng, m̄-bián phah kùi-āu-sài chū-tōng tio̍h chiâⁿ-chò Chit-pāng 3-nî ê chóng-koan-kun, 1993-nî koh í 4 sèng 2 pāi phah-iâⁿ Thóng-it Sai, chiâⁿ-chò Chit-pāng 4-nî ê chóng-koan-kun, mā sī Tiong-hôa Chit-pāng thâu-chi̍t-ê jī-liân-pà ê kiû-tūi. 1994-nî Hiaⁿ-tī Chhiūⁿ koh-chi̍t-pái the̍h-tio̍h siōng, hā-pòaⁿ-kùi koan-kun, oân-sêng Tiong-hôa Chit-pāng le̍k-sú-siōng thâu-chi̍t-pái ê saⁿ-liân-pà. 1996-nî 8-goe̍h 3-hō, Tân Gī-sìn, Âng It-tiong, Lí Bûn-thoân, Tân E̍k-siông, Ngô͘ Ho̍k-liân 5-ê-lâng tī Tâi-tiong hō͘ o͘-tō khe̍h chhèng ah cháu. Kāng-nî 11-goe̍h kúi-nā ê Tiong-chit kiû-oân thiàu-chô khì Tâi-oân Tōa-liân-bêng.

2000-nî－2013-nî

2001-nî Hiaⁿ-tī Chhiūⁿ tī 1 sèng 3 pāi ê su-bīn chi-hā liân-iâⁿ 3-tiûⁿ, í 4 sèng 3 pāi tò-iâⁿ, tit-tio̍h Chit-pāng 12-nî ê chóng-koan-kun, 2002-nî koh phah-iâⁿ Tiong-sìn Keng the̍h-tio̍h Chit-pāng 13-nî chóng-koan-kun, oân-sêng liân-pà, 2003-nî tī Tâi-oân Tōa-sài í 4 sèng 2 pāi phah iâⁿ Hèng-lông Gû, oân-sêng tūi-sú tē-2-pái ê saⁿ-liân-pà. Tān-sī 2008-nî tī Chóng-koan-kun-sài phah-su Thóng-it Sai, Hiaⁿ-tī Chhiūⁿ tit-tio̍h tūi-sú thâu-1-ê a-kun. 2009-nî 10-goe̍h 24 Tâi-oân Tōa-sài tē-6-tiûⁿ tī Tâi-lâm Iá-kiû-tiûⁿ tùi-chiàn Thóng-it-sai phah kah 17-kio̍k chiah kiat-sok, sī Tiong-hôa Chit-pāng siōng tn̂g ê iân-tn̂g-chiàn, lóng-chóng 6 tiám-cheng 14 hun, tān-sī 10-goe̍h 25 Hiaⁿ-tī phah-su Thóng-it, chiâⁿ-chò le̍k-sú-siōng thâu-chi̍t-ê liân-sòa 2-tang tī Tâi-oân Tōa-sài sit-lī ê kiû-tūi. Tī koan-kun-chiàn kiat-sok liáu-āu, 10-goe̍h 26 sûi po̍k-hoat ké-kiû sū-kiāⁿ, in-ūi chit-pái sia̍p-àn ê kiû-oân lāi-té tāi-pō͘-hūn sī Hiaⁿ-tī Chhiūⁿ ê kiû-oân, só͘-í koh hō-chò "O͘-Chhiūⁿ Sū-kiāⁿ". 2010-nî Hiaⁿ-tī Chhiūⁿ 4 chiàn choân iâⁿ phah iâⁿ Hèng-lông Gû, the̍h-tio̍h tūi-sú tē-7-ê chóng-koan-kun, mā sī Hiaⁿ-tī Chhiūⁿ ê siōng-bóe chi̍t-ê chóng-koàn-kun. 2013-nî 10-goe̍h 19 Hiaⁿ-tī Chhiūⁿ kiû-thoân táng-sū-tiúⁿ Âng Sūi-hô tī kì-chiá-hōe téng-koân soat-bêng, in-ūi keng-êng chit-pāng 24-nî liáu-chîⁿ chhiau-kòe 10-ek kho͘, Hiaⁿ-tī Tōa-pn̄g-tiàm í-keng bô-hoat-tō͘ kè-sio̍k keng-êng, Âng Sūi-hô piáu-sī in thiám--ah, beh hioh-khùn--ah, ē tī nî-té chhōe bé-chhiú. 11-goe̍h 9-hō À-chiu Chit-pāng Tōa-sài kí-pān ê jia̍t-sin-sài tē-2-tiûⁿ, Hiaⁿ-tī Chhiūⁿ kah Thóng-it Sai pêⁿ-chhiú. Chit tiûⁿ pí-sài mā sī Hiaⁿ-tī Chhiūⁿ ê siōng-bóe chi̍t-tiûⁿ chèng-sek pí-sài, sài-āu kiû-bê tìm n̂g-sek sek-tòa hiòng Hiaⁿ-tī Chhiūⁿ sio-sî. 12-goe̍h 3-hō, Hiaⁿ-tī Tōa-pn̄g-tiàm soan-pò͘ beh kā kiû-tūi bē-hō͘ Tiong-sìn Kim-khòng^[3]。

Tiong-sìn Hiaⁿ-tī (2014-nî－)

2014-nî－2020-nî: Chiù-chhàm tián-ui, 7 nî 6 a

2015-nî khai-sí, í Tâi-tiong Chiu-chè Iá-kiû-tiûⁿ chò chú-kiû-tiûⁿ.

2014-nî 1-goe̍h Tiong-sìn Kim-khòng kong-pò͘ sin-ê tūi-miâ sī "Tiong-sìn Hiaⁿ-tī", pó-liû goân-pún ê tāi-piáu-sek n̂g-sek kah tāi-piáu tōng-bu̍t chhiūⁿ^[4]。10-goe̍h tit-tio̍h í-keng 3-tang m̄-bat the̍h-tio̍h ê kùi-koan-kun, tān-sī lo̍h-bóe tī Tâi-oân Tōa-sài í 1 sèng 4 hū su Lamigo Thô-oân。2015-nî soan-pò͘ jīn-ióng Tâi-tiong Chiu-chè Iá-kiû-tiûⁿ. 10-goe̍h Tiong-sìn Hiaⁿ-tī tī Tâi-oân Tōa-sài tang-tiong, bat tit-tio̍h 3 sèng 1 pāi, tān-sī lo̍h-bóe Lamigo Thô-oân tò-iâⁿ, 2016-nî Chóng-koan-kun-sàií 2 sèng 4 pāi phah-su Gī-tāi Sai-gû, 2017-nî in-ūi Lamigo Thô-oân tit-tio̍h siōng, hā-pòaⁿ-kùi koan-kun, nî-tō͘ tē-3 ê Tiong-sìn Hiaⁿ-tī ē-sái kah nî-tō͘ tē-2-miâ ê Thóng-it Sai chìn-hêng Kùi-āu Thiau-chiàn-sài, lo̍h-bóe í 3 sèng 1 pāi phah-iâⁿ Thóng-it Sai, chìn-ji̍p Tâi-oân Tōa-sài, tān-sī koh í 1 sèng 4 pāi su hō͘ Lamigo Thô-oân, liân-sòa 4 tang tī Tâi-oân Tōa-sài sit-lī. 2018-nî sui-jiân sêng-chek 4-tūi siōng-bái, tān-sī tī soán-siù-hōe soán-tio̍h chiok-chē āu-ji̍t chiâⁿ-chò Tiong-sìn Hiaⁿ-tī chú-le̍k ê kiû-oân, mā-sī Hiaⁿ-tī choán-hêng tiōng-iàu ê chi̍t tang. 2019-nî koh phah ji̍p-khì Tâi-oân Tōa-sài, tān-sī lo̍h-bóe í 1 sèng 4 pāi koh chi̍t-pái su-hō͘ Lamigo Thô-oân. 2020-nî Hiaⁿ-tī tī 2015-nî ê ok-bāng koh chi̍t-pái chhut-hiān, tī Tâi-oân Tōa-sài tit-tio̍h 3:1 thiaⁿ-pâi ê iu-sè liáu-āu, lo̍h-bóe hō͘ Thóng-it Sai péng-pôaⁿ, Tiong-sìn Hiaⁿ-tī tò-su, sī 7-nî í-lâi tē-6-pái tī Tâi-oân Tōa-sài sit-lī.

2021-nî－2022-nî: Cha̍p-nî it-khek, tit-tio̍h jī-liân-pà

2021-nî, Tiong-sìn Hiaⁿ-tī 4-chiàn choân-iâⁿ, phah-iâⁿ Thóng-it 7-ELEVEn Sai, chóng-sǹg-sī the̍h-tio̍h tūi-sú tē-8-ê, 11-nî m̄-bat the̍h-tio̍h ê chóng-koan-kun, mā sī Tiong-sìn Kim-khòng chiap-chhiú liáu-āu ê thâu-chi̍t-ê chóng-koan-kun, kiat-sok "7 nî 6 a" ê chiù-chhàm^[5]。2022-nî Tiong-sìn Hiaⁿ-tī koh-chi̍t-pái phah ji̍p-khì Tâi-oân Tōa-sài, pēng-chhiáⁿ 4-chiàn choân-iâⁿ phah-iâⁿ Lo̍k-thian Thô-oân tit-tio̍h chóng-koan-kun, oân-sêng jī-liân-pà. Che mā sī Hiaⁿ-tī Chhiūⁿ tī chóng-koan-kun-sài lāi-té thâu-chi̍t-pái tī chú-tiûⁿ hong-ông^[6]。

2023-nî: Ōe-bián sit-lī, bô-iân saⁿ-liân-pà

2023-nî 5-goe̍h 10-hō, Tiong-sìn Hiaⁿ-tī hiông-hiông kā chhōa kiû-tūi the̍h-tio̍h jī-liân-pà ê it-kun chóng-kàu-liān Lîm Ui-chō͘ ōaⁿ-tiāu, kái-chò Phêⁿ Chèng-bín. In-ūi siuⁿ tu̍t-jiân--ah, hō͘ kiû-bê hui-siông ê bô-lí-kái^[7]。10-goe̍h 22, Tiong-sìn Hiaⁿ-tī phah-su Lo̍k-thian Thô-oân, khak-tēng bô-hoat-tō͘ phah chóng-koan-kun-sài, bô-iân saⁿ-liân-pà^[8]。

2024-nî: Tiōng-hoán êng-iāu, cha̍p-koan ta̍t-sêng

2024-nî 9-goe̍h 21 kàu 9-goe̍h 22, tī Tâi-pak Tōa-kī-tàn kí-pān Chiu Su-chê ín-thè-sài, ka-siōng Gō͘-goe̍h-thiⁿ 9-goe̍h21 sài-āu tī Tōa-kī-tàn piáu-ián, 2 tiûⁿ lóng-ū 4-bān ê koan-chiòng, sī Tōa-kī-tàn tē-it, tē-jī-pái móa-tiûⁿ ê lē-hêng-sài^[9][10]. 10-goe̍h 25 tī Tâi-oân Tōa-sài í 4 sèng 1 pāi phah-iâⁿ Thóng-it 7-ELEVEn Sai, tit-tio̍h tūi-sú tē-10-ê chóng-koan-kun^[11].

Ta̍k-nî Sêng-chek

Ta̍k-nî Siōng Hā Pòaⁿ-kùi kah Choân-nî Chiàn-chek

• (Âng chho͘-jī sī liân-bêng le̍k-sú-siōng siōng hó ê sêng-chek)
• (O͘ chho͘-jī sī tūi-sú siōng-hó ê sêng-chek)

Kiû-kùi	Siōng-pòaⁿ-kùi					Hā-pòaⁿ-kùi					Choân-nî Chiàn-chek
	Sèng	Pāi	Hô	Sèng-lu̍t	Miâ-chhù	Sèng	Pāi	Hô	Sèng-lu̍t	Miâ-chhù	Sèng	Pāi	Hô	Sèng-lu̍t	Miâ-chhù
Hiaⁿ-tī Chhiūⁿ sî-kî
1990	17	25	3	0.405	3	17	24	4	0.415	4	34	49	7	0.41	4
1991	20	23	2	0.465	3	17	26	2	0.395	4	37	49	4	0.43	4
1992	27	17	1	0.614	1	24	18	3	0.571	1	51	35	4	0.593	1
1993	28	16	1	0.636	1	24	20	1	0.545	2	52	36	2	0.591	2
1994	34	11	0	0.756	1	30	13	2	0.698	1	64	24	2	0.727	1
1995	25	25	0	0.5	4	23	26	1	0.469	3	48	51	1	0.485	4
1996	29	19	2	0.604	2	23	24	3	0.489	5	52	43	5	0.547	4
1997	23	20	5	0.535	3	22	24	2	0.478	5	45	44	7	0.506	3
1998	Tan-it sài-kùi chè										33	69	3	0.324	6
1999	Tan-it sài-kùi chè										37	53	4	0.411	5
2000	21	21	3	0.5	2	17	27	1	0.386	4	38	48	4	0.442	4
2001	17	23	5	0.425	3	27	16	2	0.628	1	44	39	7	0.53	2
2002	25	17	3	0.595	1	28	16	1	0.636	1	53	33	4	0.616	1
2003	27	20	3	0.574	3	36	11	3	0.766	1	63	31	6	0.67	1
2004	26	23	1	0.531	3	28	22	0	0.56	2	54	45	1	0.545	3
2005	25	23	2	0.521	3	22	26	2	0.458	6	47	49	4	0.49	4
2006	20	29	1	0.408	5	20	30	0	0.4	6	40	59	1	0.404	6
2007	24	25	1	0.49	4	25	25	0	0.5	4	49	50	1	0.495	3
2008	24	23	3	0.511	3	28	19	1	0.596	3	52	42	4	0.553	3
2009	21	38	1	0.356	4	33	25	2	0.569	1	54	63	3	0.462	4
2010	25	33	2	0.431	3	36	24	0	0.6	1	61	57	4	0.517	2
2011	28	32	0	0.467	3	32	28	0	0.533	2	60	60	0	0.5	3
2012	26	33	1	0.441	3	34	25	1	0.576	2	60	58	2	0.508	3
2013	26	34	0	0.433	4	29	31	0	0.483	3	55	65	0	0.458	4
Tiong-sìn Hiaⁿ-tī sî-kî
2014	19	40	1	0.322	4	31	26	3	0.544	1	50	66	4	0.431	4
2015	27	33	0	0.45	3	36	23	1	0.61	1	63	56	1	0.529	2
2016	35	23	2	0.603	1	33	27	0	0.55	2	68	50	2	0.576	1
2017	30	27	3	0.526	2	23	37	0	0.383	4	53	64	3	0.453	3
2018	20	40	0	0.333	4	28	31	1	0.475	3	48	71	1	0.403	4
2019	26	32	2	0.448	3	36	24	0	0.6	1	62	56	2	0.525	3
2020	37	23	0	0.617	1	30	28	2	0.517	3	67	51	2	0.568	1
2021	35	24	1	0.593	1	31	25	4	0.554	2	66	49	5	0.574	1
2022	32	26	2	0.552	2	37	21	2	0.628	1	69	47	4	0.595	2
2023	28	28	4	0.5	4	29	30	1	0.492	3	57	58	5	0.496	4
2024	32	28	0	0.533	3	38	22	0	0.633	1	70	50	0	0.583	1

Kùi-āu-sài Chiàn-chek

Kiû-kùi	Kùi-āu-sài			Tâi-oân Tōa-sài
	Tùi-chhiú	Sèng	Pāi	Tùi-chhiú	Sèng	Pāi
Hiaⁿ-tī Chhiūⁿ
1992	Pau-pān siōng, hā pòaⁿ-kùi koan-kun, ti̍t-chiap chiâⁿ-chò chóng-koan-kun
1993	bô			Thóng-it Sai	4	2
1994	Pau-pān siōng, hā pòaⁿ-kùi koan-kun, ti̍t-chiap chiâⁿ-chò chóng-koan-kun
2001	bô			Thóng-it Sai	4	3
2002	bô			Tiong-sìn Keng	4	0
2003	bô			Heng-lông Gû	4	2
2008	La New Hîm	3	0	Thóng-it 7-ELEVEn Sai	3	4
2009	bô			Thóng-it 7-ELEVEn Sai	3	4
2010	bô			Heng-lông Gû	4	0
Tiong-sìn Hiaⁿ-tī
2014	bô			Lamigo Thô-oân	1	4
2015	bô			Lamigo Thô-oân	3	4
2016	bô			Gī-tāi Sai-gû	2	4
2017	Thóng-it 7-ELEVEn Sai	3	1	Lamigo Thô-oân	1	4
2019	bô			Lamigo Thô-oân	1	4
2020	bô			Thóng-it 7-ELEVEn Sai	3	4
2021	bô			Thóng-it 7-ELEVEn Sai	4	0
2022	Bī-choân Liông	3	1	Lo̍k-thian Thô-oân	4	0
2024	bô			Thóng-it 7-ELEVEn Sai	4	1

Chù-kái

1. Tiong-sìn Keng sī Ko͘ Liâm-siông sêng-li̍p Tiong-sìn Keng Io̍k-lo̍k keng-êng, Tiong-sìn Hiaⁿ-tī sī Tiong-sìn Kim-khòng sêng-li̍p Tiong-sìn Io̍k-lo̍k keng-êng

Chham-khó Chu-liāu

1. [1]^{[íng-íng bô-hāu ê liân-kiat]}
2. "樂天高招兩波交易搞定". Goân-pún bāng-ia̍h Pó-chûn tī 2023-11-05. 2023-11-20 khòaⁿ--ê. 
3. "兄弟象確定賣給華翼育樂！中信金獲10年冠名、廣告合作權" (ēng Hôa-gí). 三立新聞網. 2013-12-03. Goân-pún bāng-ia̍h Pó-chûn tī 2021-03-09. 2020-10-20 khòaⁿ--ê. 
4. 林宏翰 (2014-01-05). "兄弟象新隊名確定 中信兄弟". 中央社. Goân-pún bāng-ia̍h Pó-chûn tī 2014-01-08. 2019-12-18 khòaⁿ--ê. 
5. "擺脫「七年六亞」悲情 兄弟橫掃統一勇奪2021年總冠軍！". 自由時報. 2021-12-01. Goân-pún bāng-ia̍h Pó-chûn tī 2023-05-12. 2023-05-12 khòaⁿ--ê. 
6. 王真魚 (2022-11-09). "兄弟3比2封王奪二連霸　隊史第9冠到手". ETtoday. Goân-pún bāng-ia̍h Pó-chûn tī 2023-05-12. 2023-05-12 khòaⁿ--ê. 
7. 劉峻誠 (2023-05-10). "上半季中突換總仔！中信兄弟林威助下台換彭政閔任總教練". 麗台運動報. Goân-pún bāng-ia̍h Pó-chûn tī 2023-05-13. 2023-05-11 khòaⁿ--ê. 
8. 毛琬婷 (2023-10-22). "中職》背水一戰沒有奇蹟 兄弟無緣季後賽3連霸提前夢碎". 中天新聞網. Archived from the original on 2023-11-05. 2023-10-22 khòaⁿ--ê. CS1 maint: Unfit url (link)
9. 王真魚 (2024-09-21). "只有兄弟能超越兄弟！大巨蛋湧進4萬人寫台灣棒球新頁". ETtoday. 2024-10-02 khòaⁿ--ê. 
10. 楊舒帆 (2024-09-22). "黃潮再現大巨蛋！周思齊引退賽連2戰4萬人滿場". ETtoday. 2024-10-02 khòaⁿ--ê. 
11. 陳立勳 (2024-10-25). "兄弟4比1力克統一 4勝1敗勇奪隊史第10冠". ETtoday. 2024-10-25 khòaⁿ--ê. 

Gōa-pō͘ Liân-kiat

Tī Wikimedia Commons téng ê siong-koan tóng-àn: Tiong-sìn Hiaⁿ-tī

• Koaⁿ-hong bāng-chām
• Tiong-sìn Hiaⁿ-tī ê Facebook choan-ia̍h
• Tiong-sìn Hiaⁿ-tī tī Instagram
• Tiong-sìn Hiaⁿ-tī ê Twitter bāng-ia̍h
• Pang-bô͘:Twitch
• YouTube téng ê Tiong-sìn Hiaⁿ-tī pîn-tō

Tâi-oân Pāng-kiû Wiki-koán：Tiong-sìn Hiaⁿ-tī(Hàn-gí)