Tâi-lâm Chhī-li̍p Iá-kiû-tiôⁿ

Tâi-lâm Chhī-li̍p Iá-kiû-tiôⁿ

Tâi-lâm Chhī-li̍p Iá-kiû-tiôⁿ sī ūi-tī Tiong-hôa Bîn-kok Tâi-lâm-chhī Lâm-khu ê chi̍t-ê iá-kiû-tiôⁿ, bo̍k-chiân sī Tiong-hôa Chit-pāng Thóng-it 7-ELEVEn Sai ê chú-tiôⁿ, tùi Tiong-hôa Chit-pāng goân-nî kàu-taⁿ it-ti̍t lóng ū leh phah chit-pāng ê pí-sài. m̄-koh 2025-nî khai-sí Thóng-it Sai tio̍h-beh sóa-khí tú khí-hó ê A-thài Iá-kiû-tiôⁿ, Tâi-lâm Iá-kiû-tiôⁿ ē chiâⁿ-chò hùn-liān kah jī-kun leh iōng ê kiû-tiôⁿ.

Tâi-lâm Iá-kiû-tiôⁿ tī Ji̍t-pún Sî-tāi tio̍h ū ah, tī 1931-nî tú khí-hó ê sî-chūn sǹg-sī Tâi-oân siōng-hó ê iá-kiû-tiôⁿ chi-it. 1970-nî, 1988-nî, 1993-nî kah 1995-nî lóng-bat chìn-hêng tōa-kui-bô͘ ê chéng-siu. In-ūi Tâi-lâm Ki-tiôⁿ ê hâng-lō͘ ū keng-kòe chia, put-sî tio̍h ē ū hoe-lêng-ki poe--kòe, mā chiâⁿ-chò Tâi-lâm kiû-tiôⁿ ê te̍k-sek chi-it, tān-sī mā in-ūi án-ne, chng tiān-hóe ê thiāu-á bē-sái sioⁿ koân, tùi pí-sài ke-kiám ū-chi̍t-kóa éng-hióng.

Siòng-phìⁿ

• 
  Ji̍p-kháu
• 
  Lāi-iá
• 
  Gōa-iá

Gōa-pō͘ Liân-kiat

Tī Wikimedia Commons téng ê siong-koan tóng-àn: Tainan Municipal Baseball Stadium

Tâi-oân Pāng-kiû Wiki-koán：Chhī-li̍p Iá-kiû-tiôⁿ Tâi-lâm Chhī-li̍p Iá-kiû-tiôⁿ(Hàn-gí)

• 統一獅官方網站-臺南市立棒球場Archived 2020-03-23 at the Wayback Machine.
• 中華職棒大聯盟全球資訊網-台南市立棒球場Archived 2019-12-27 at the Wayback Machine.