Ô͘ Kim-liông
 | 這篇文章有漢字兮版本。 參考這篇文章兮漢字版本。 |
| Ô͘ Kim-liông 胡金龍 | |||
|---|---|---|---|
.jpg) 2012 nî, Ô͘ Kim-liông tī Cleveland Indians ê Tāi-liân-bêng chhun-hùn chìn-hêng siú-pī liān-si̍p | |||
| Thóng-it 7-ELEVEn Sai – No. 51 | |||
| gōa-iá-chhiú, chí-tēng táⁿ-kek, it-lúi-chhiú | |||
Chhut-sì: 1984 nî 2 goe̍h 2 ji̍t (41 hòe) Tiong-hôa Bîn-kok Tâi-lâm-chhī | |||
| |||
| Chit-gia̍p chho͘-chhù chhut-sài | |||
| Bí-kok Chit-pāng: 2007 nî 9 goe̍h 1 hō, tī Lo̍k-sam-ki Dodgers | |||
| Tiong-hôa Chit-pāng: 2013 nî 3 goe̍h 24, tī Gī-tāi Sai-gû | |||
| Bí-kok Chit-pāng sò͘-kì thóng-kè (chì 2011 nî ûi-chí) | |||
| Táⁿ-kek-lu̍t | 0.176 | ||
| An-táⁿ | 34 | ||
| Choân-lûi-táⁿ | 2 | ||
| Táⁿ-tiám | 18 | ||
| Thau-luí | 4 | ||
| Tiong-hôa Chit-pāng sò͘-kì thóng-kè (chì 2024 nî ûi-chí) | |||
| Táⁿ-kek-lu̍t | 0.345 | ||
| An-táⁿ | 1221 | ||
| Choân-lûi-táⁿ | 85 | ||
| Táⁿ-tiám | 545 | ||
| Thau-luí | 75 | ||
| Tūi-ngó͘ | |||
|
MLB
ABL
CPBL
| |||
| Seng-gâi cheng-chhái piáu-hiān kah ti̍t-chióng | |||
|
| |||
Ô͘ Kim-liông (1984 nî 2 goe̍h 2 ji̍t chhut-sì ), sī tī Tâi-oân Tâi-lâm-chhī chhut-sì ê iá-kiû soán-chhiú, chit-má tī Tiong-hôa Chit-pāng Thóng-it 7-ELEVEn Sai hāu-le̍k. Ô͘ Kim-liông bat tī Bí-kok phah-kiû, sī Tâi-oân tē-5-ê peh khì--lih Tāi-liân-bêng ê kiû-oân, siāng-sî mā-sī Tāi-liân-bêng sú-siōng sèⁿ ê jī-bú siōng chió ê kiû-oân (Hu). 2012 nî nî-té tńg-lâi Tâi-oân chham-ka Tiong-hôa Chit-pāng Soán-siù-hōe, hō͘ Gī-tāi Sai-gû kéng-tio̍h, chiâⁿ-chò Tiong-chit 24 nî ê soán-siù chiōng-goân, pēng-chhiáⁿ hō͘ Gī-tāi Sai-gû kéng chò tūi-tióⁿ, koh kā tī Bí-kok chá tio̍h leh kí-pān ê "Chhài-chiáu-ji̍t" ín ji̍p-lâi Tâi-oân[1]. Kah tī Bí-kok ê sî-chūn bô-kâng, tī Tiong-hôa Chit-pāng ê sî chú-iàu sī chò gōa-iá-chhiú ia̍h-sī chí-tēng táⁿ-kek. Ô͘ Kim-liông bat tī 2015 kàu 2018 nî chò tē-4-kài Tiong-hôa Chit-pāng Kiû-oân Kang-hōe lí-sū-tióⁿ, tī 2016 nî Gī-tāi Sai-gû bē-tiāu liáu-āu chiâⁿ-chò Hù-pang Hān-chiòng kiû-oân[2][3]. 2021 nî-bóe hō͘ Hù-pang Hān-chiòng sek-chhut liáu-āu kah Thóng-it 7-ELEVEn Sai chhiam-iok, chiâⁿ-chò Thóng-it Sai ê kiû-oân.
Seng-gâi
[siu-kái | kái goân-sí-bé]Ô͘ Kim-liông tī ko-tiong ê sî tio̍h í-keng phah liáu chiâⁿ hó, tha̍k Lâm-eng Siong-kang ê i ta̍k-nî lóng ji̍p-soán chheng-pāng tāi-piáu-tūi, ū 1-pái A-chiu Chheng-pāng-sài kah 2-pái IBA Sè-kài Chheng-pāng-sài ê chhut-sài kì-lo̍k. Ko-tiong it-nî ê Ô͘ Kim-liông chú-iàu tam-jīm jī-lúi-chhiú, jī-nî liáu-āu khì pó͘ sia̋n-pái Tân Kang-hô ê ūi-tì tam-jīm iû-kek-chhiú, mā bat chhah-hoe-á chò tâu-chhiú, kiû-sok ē-tàng chhiau-kòe 140 km/h, koh tâu chhut bē-bái ê sêng-chek, hō͘ i bat hoân-ló kòe beh chò iá-chhiú a̍h-sī tâu-chhiú.
Lú Bí Sî-kî
[siu-kái | kái goân-sí-bé]2002 nî Ô͘ Kim-liông ko-tiong pit-gia̍p, ka-ji̍p iá-kiû bêng-hāu Bûn-hòa Tāi-ha̍k, í it-nî kiû-oân ê sin-hūn chiâⁿ-chò sian-hoat kiû-oân, tam-jīm 1-hoan iû-kek-chhiú. Kâng-nî 11 goe̍h, Lo̍k-sam-ki Dodgers kah Ô͘ Kim-liông chhiam--loe̍h ha̍p-iok, Tâi-oân Bûn-hòa Tāi-ha̍k mā í kau-ōaⁿ ha̍k-seng ê hong-sek hia̍p-chō͘ i kái-koat peng-e̍k būn-tê. I mā sī Bí-kok Chit-pāng Lo̍k-sam-ki Dodgers chhiam ê tē-saⁿ-ê Tâi-oân soán-chhiú (thâu-2-ê sī Tân Kim-hong kah Koeh Hông-chì), mā sī tē-2-ūi Tâi-oân iá-chhiú.
Iá-kiû Bí-kok tī 2003 nî kàu 2006 nî, liân-sòa 4-tang kā Ô͘ Kim-liông soán chò Lo̍k-sam-ki Dodgers Sió-liân-bêng hē-thóng ê chòe-ka hông-siú iû-kek-chhiú, jî-chhiáⁿ i táⁿ-kek-lu̍t mā chiâⁿ koân.
_(cropped).jpg)
2007 nî tī Sió-liân-bêng Bêng-seng-sài tit-tio̍h tan-tiôⁿ MVP, pēng-chhiáⁿ hőng soán chò Dodgers 2007 nî-tō͘ Sió-liân-bêng ê chòe-ka kiû-oân. 9 goe̍h 1 hō, Ô͘ Kim-liông chèng-sek chiâⁿ-chò thâu-chi̍t-ūi peh khì--lih Bí-kok Chit-pāng Tāi-liân-bêng ê Tâi-oân lāi-iá-chhiú. Kâng-chi̍t-ji̍t, i tī Dodgers kah San Diego Kàu-sū ê pí-sài lāi-té chiōⁿ-tiôⁿ tāi-táⁿ, chi̍t táⁿ-sò͘ bô an-táⁿ, chiâⁿ-chò tē-2-ūi tī Tāi-liân-bêng chhut-sài ê Tâi-oân Iá-chhiú (thâu-chi̍t-ūi sī Tân Kim-hong). 9 goe̍h 11, tī bīn-tùi San Diego Kàu-sū-tūi ê pí-sài tang-tiong chiōⁿ-tiôⁿ tāi-táⁿ, kòng chhut Tāi-liân-bêng seng-gâi thâu-chi̍t-ki an-táⁿ kah ko͘-hun hőng-bú-láng.
_(cropped).jpg)
2010 nî 12 goe̍h 28, Dodgers in-ūi iû-kek-khu tn̂g-kî hō͘ bêng-seng kiû-oân Furcal chiàm--leh, koh ka-siōng Ô͘ Kim-liông pún-sin táⁿ-kek lêng-le̍k khah bái, tio̍h kā i kau-e̍k khì Tōa-to͘-hōe-tūi.
2011 nî khai-kùi ê sî bat ji̍p-khì 25-lâng miâ-toaⁿ, tān-sī in-ūi táⁿ-kek khah bái ê koan-hē, tī 5 goe̍h 17 pí-sài kiat-sok liáu-āu hőng pàng--lo̍h-khì, pēng-chhiáⁿ tī kiû-kùi kiat-sok liáu-āu hőng sek-chhut. Āu-lâi i khì-kàu Ò-chiu Iá-kiû Liân-bêng Adelaide Soa-hî-tūi, ǹg-bāng thang hō͘ Tāi-liân-bêng kiû-thàm chù-ì tio̍h.
.jpg)
2012 nî 1 goe̍h 13 kah Cleveland Indians chhiam--loe̍h Sió-liân-bêng ê ha̍p-iok, 3 goe̍h 27 pún-té beh kau-e̍k khì Hùi-sêng-lâng, tān-sī lo̍h-bóe tī 29 hō chhú-siau kau-e̍k, hō͘ Cleveland Indians sek-chhut.
Tiong-chit Sî-kî
[siu-kái | kái goân-sí-bé]2013 nî tńg-lâi Tâi-oân ka-bêng Tiong-hôa Chit-pāng, hō͘ Gī-tāi Sai-gû kéng-tio̍h, sī Tiong-hôa Chit-pāng 24 nî ê soán-siù chiōng-goân.
2014 nî kah 2015 nî, lian5-sua3 2-tang1 tit4-tioh8 "an1-tann2-ong5" kah4 "tann2-kik4-ong5", ki5-tiong1 2014 ni5 kiu5-kui3 koh4 tit4-tioh8 "tsue3-ka1 10-jin5 tsiong2 to3-gua7-ia2-tshiu2". 2015 ni5 tu5-liau2 tshong3-tso7 Tiong1-tsit4 siong7 tsio2 tionn5-tshu3 300-an1 kah4 400-an1 e5 ki3-lok8 i2-gua7, ma7 tat8-sing5 ko3-jin5 200 tit4-hun1 kah4 300-tionn5 tshut4-sai3, koh4 ti7 Kok4-khing3-jit8 hit4-kang1 ti7 ian5-tng5-sai3 10-kiok8-ha7 kong3 tshut4 tsai3-kian3 mua2-lui2 tsuan5-lui2-tann2 (Tiong1-tsit4 su2-siong7 -te7-tshit4 lang5), 8 goe̍h 6 hō koh4 tat8-sing5 uan5-tsuan5 tann2-kik4 (Tiong1-tsit4 su2-siong7 te7-10-lang5, pun2-thoo2 te7-7-lang5).
2016 nî kùi-chho͘ ê sî kah Iûⁿ Koàn-ui, Ko Hàu-gî chò-hóe oân-sêng Tiong-chit sú-siōng tē-5-pái ê "liân-sòa 3-táⁿ-se̍k kòng chhut hőng-bú-láng" (Back-to-Back-to-Back), mā iōng Tiong-chit siōng kín ê sok-tō͘ oân-sêng kò-jîn 500-an.
2020 nî 4 goe̍h 18, tī Thô-hn̂g Kok-chè Iá-kiû-tiôⁿ tùi-chiàn Lo̍k-thian Thô-oân, 8-kio̍k-siōng bīn-tùi Lîm Pek-iū phah chhut seng-gâi tē-1000-ki an-táⁿ, pēng-chhiáⁿ iōng chhut-sài 704-tiôⁿ, 3062 táⁿ-se̍k, 2809 táⁿ-sò͘ chiâⁿ-chò Tiong-chit siōng kín ta̍t-sêng 1000 an ê kì-lo̍k (goân kì-lo̍k sī Lîm Ek-choân ê 744-tiôⁿ, 3168 táⁿ-se̍k, Phêⁿ Chèng-bín ê 2838 táⁿ-sò͘).
2022 nî 1 goe̍h 4 hō, Thóng-it 7-ELEVEn Sai chèng-sek soan-pò͘ kah i chhiam--loe̍h chi̍t-nî ê ha̍p-iok. 2025 nî Ô͘ Kim-liông soan-pò͘ beh tī chit-nî kiû-kùi kiat-sok liáu-āu ín-thè.
Sêng-pāng Kok-chhiú Keng-le̍k
[siu-kái | kái goân-sí-bé]- 2003 nî Kó͘-pa Sè-kài Iá-kiû Kím-piau-sài
- 2005 nî Hô-lân Sè-kài Iá-kiû Kím-piau-sài
- 2006 nî Sè-kài Iá-kiû Keng-tián-sài
- 2006 nî Tō͘-ha A-ūn
- 2007 nî A-chiu Iá-kiû Kím-piau-sài
- 2010 nî Kńg-chiu A-ūn
- 2017 nî Sè-kài Iá-kiû Keng-tián-sài
- 2019 nî Sè-kài Iá-kiû 12-kiông Sài
Chit-pāng Seng-gâi Sêng-chek
[siu-kái | kái goân-sí-bé]Bí-kok Chit-pāng kah Ò-chiu Chit-pāng
[siu-kái | kái goân-sí-bé]Sió-liân-bêng, To̍k-li̍p Liân-bêng kah Ò-chiu Liân-bêng
[siu-kái | kái goân-sí-bé]- Sió-liân-bêng pêng-kin táⁿ-kek-lu̍t / chiōⁿ-lúi-lu̍t / tn̂g-táⁿ-lu̍t hun-pia̍t sī 0.296 / 0.339 / 0.412, lóng-chóng ū 901-ki an-táⁿ, kî-tiong 47-ki sī hőng-bú-láng.
- Tī To̍k-li̍p Liân-bêng kah Ò-chiu Liân-bêng lóng-chóng phah chhut 123-ki an-táⁿ, kî-tiong 7-ki sī hőng-bú-láng.
Tāi-liân-bêng
[siu-kái | kái goân-sí-bé]| Nî-tō͘ | Kiû-tūi | Chhut-sài | Táⁿ-sò͘ | Tit-tiám-khoan | An-táⁿ | Jī-lúi-táⁿ | Saⁿ-lúi-táⁿ | hőng-bú-láng | Táⁿ-tiám | Sì-sí | Thau-luí | Sa̋n-sín | Táⁿ-kek-lu̍t | Chiōⁿ-lúi-lu̍t | Tn̂g-táⁿ-lu̍t |
|---|---|---|---|---|---|---|---|---|---|---|---|---|---|---|---|
| 2007 | LAD | 12 | 29 | 5 | 7 | 0 | 1 | 2 | 5 | 0 | 0 | 8 | 0.241 | 0.241 | 0.517 |
| 2008 | 65 | 116 | 16 | 21 | 2 | 2 | 0 | 9 | 2 | 11 | 23 | 0.181 | 0.252 | 0.233 | |
| 2009 | 5 | 5 | 2 | 2 | 1 | 0 | 0 | 2 | 0 | 0 | 2 | 0.400 | 0.333 | 0.600 | |
| 2010 | 14 | 23 | 2 | 3 | 1 | 0 | 0 | 1 | 1 | 0 | 5 | 0.130 | 0.160 | 0.174 | |
| 2011 | NYM | 22 | 20 | 6 | 1 | 0 | 0 | 0 | 1 | 1 | 1 | 11 | 0.050 | 0.091 | 0.050 |
| Ha̍p-kè | 5-tang | 118 | 193 | 25 | 34 | 4 | 3 | 2 | 18 | 4 | 12 | 49 | 0.176 | 0.225 | 0.259 |
Tiong-hôa Chit-pāng
[siu-kái | kái goân-sí-bé]- (Chho͘-o͘-jī sī hit-nî siōng-hó ia̍h siōng-koân ê sêng-chek)
| Nî-tō͘ | Kiû-tūi | Chhut-sài | Táⁿ-sò͘ | An-táⁿ | Hőng-bú-láng | Táⁿ-tiám | Tit-hun | Thau-luí | Sì-sí | Sa̋n-sín | Lúi-táⁿ-sò͘ | Siong-sat | Táⁿ-kek-lu̍t | Chiōⁿ-lúi-lu̍t | Tn̂g-táⁿ-lu̍t | OPS |
|---|---|---|---|---|---|---|---|---|---|---|---|---|---|---|---|---|
| 2013 | Gī-tāi Sai-gû | 99 | 393 | 135 | 5 | 38 | 71 | 12 | 17 | 24 | 183 | 15 | 0.344 | 0.368 | 0.466 | 0.834 |
| 2014 | 115 | 463 | 162 | 5 | 55 | 81 | 12 | 33 | 35 | 212 | 16 | 0.350 | 0.391 | 0.458 | 0.849 | |
| 2015 | 108 | 446 | 171 | 16 | 76 | 99 | 15 | 38 | 37 | 249 | 11 | 0.383 | 0.429 | 0.558 | 0.987 | |
| 2016 | 79 | 327 | 122 | 10 | 55 | 73 | 10 | 32 | 31 | 174 | 7 | 0.373 | 0.427 | 0.532 | 0.959 | |
| 2017 | Hù-pang Hān-chiòng | 92 | 351 | 113 | 11 | 71 | 52 | 3 | 31 | 49 | 175 | 8 | 0.322 | 0.372 | 0.499 | 0.871 |
| 2018 | 100 | 385 | 144 | 14 | 80 | 68 | 7 | 29 | 40 | 214 | 8 | 0.374 | 0.414 | 0.556 | 0.970 | |
| 2019 | 107 | 427 | 146 | 13 | 60 | 69 | 6 | 31 | 47 | 206 | 8 | 0.342 | 0.384 | 0.482 | 0.866 | |
| 2020 | 41 | 158 | 49 | 6 | 31 | 31 | 5 | 13 | 21 | 74 | 2 | 0.310 | 0.354 | 0.468 | 0.822 | |
| 2022 | Thóng-it 7-ELEVEn Sai | 90 | 269 | 83 | 3 | 40 | 26 | 4 | 26 | 41 | 102 | 6 | 0.309 | 0.365 | 0.379 | 0.744 |
| 2023 | 64 | 215 | 59 | 2 | 24 | 23 | 0 | 13 | 40 | 73 | 8 | 0.274 | 0.312 | 0.340 | 0.652 | |
| 2024 | 46 | 106 | 37 | 0 | 15 | 6 | 1 | 6 | 11 | 43 | 3 | 0.349 | 0.381 | 0.406 | 0.787 | |
| Ha̍p-kè | 11-tang | 941 | 3540 | 1221 | 85 | 545 | 599 | 75 | 269 | 376 | 1705 | 92 | 0.345 | 0.388 | 0.482 | 0.870 |
Cheng-gī Sū-kiāⁿ
[siu-kái | kái goân-sí-bé]- 2020 nî 6 goe̍h 25, ū bāng-iú tī PTT hun-hióng chi̍t-ê su-jîn kûn-cho͘ hō-chò Lâm-eng Siong-kang Iá-kiû-tūi Hāu-iú-hōe ê chia̍t-tô͘, lāi-té ū chi̍t-ê kháu-chō hō-chò Clhu15 ê lâng lâu-ōe kóng: "Kā Hù-pang phah kah mi-mi-mauh-mauh ōaⁿ chóng--ê! Kok-ūi hāu-iú ka-iû!" hőng jīn-ûi sī Hù-pang Hān-chiòng kiû-oân Ô͘ Kim-liông. Keng-kí kong-si hoat-piáu seng-bêng kóng sui-jiân chia̍t-tô͘ lāi-té ê sī Ô͘ Kim-liông pún-lâng ê kháu-chō, tān-sī he sī Ô͘ Kim-liông ê sió-tī iōng i ê chhiú-ki-á hoat ê, Ô͘ Kim-liông ê sió-tī mā í-keng khà-tiān-ōe hō͘ Lâm-eng Tân Hiàn-êng kàu-liān kah Hù-pang Hān-chiòng chóng-kàu-liān Âng It-tiong hōe-sit-lé[4][5]. M̄-koh keh-ji̍t Ô͘ Kim-liông sûi hőng pàng lo̍h-khì jī-kun[6], koh hō͘ kiû-thoân kui-ê léng-tòng--khí-lâi, kìm-chí i sûi-tūi kah chham-ka kiû-tūi jīm-hô oa̍h-tāng, it-ti̍t-kàu 2021 nî 2-tang ê ha̍p-iok kiâⁿ liáu kiû-kùi kiat-sok liáu-āu lī-khui Hù-pang.
Chham-khó Chu-liāu
[siu-kái | kái goân-sí-bé]- ↑ "圖／美國隊長胡金龍領軍 義大菜鳥日主題多元". Goân-pún bāng-ia̍h Pó-chûn tī 2016-04-26. 2016-04-14 khòaⁿ--ê.
- ↑ "新任球員工會理事長胡金龍 年底將到美國職棒取經". 2015-03-08. Goân-pún bāng-ia̍h Pó-chûn tī 2015-05-08. 2020-07-14 khòaⁿ--ê.
- ↑ "棒協理事長換人當 胡金龍：期待整合". 2018-05-19. Goân-pún bāng-ia̍h Pó-chûn tī 2022-02-18. 2020-07-14 khòaⁿ--ê.
- ↑ "中職》遭指在群組留訊換洪一中 胡金龍：弟弟所傳". FOX體育臺 (ēng Hôa-gí). 2020-06-25. Goân-pún bāng-ia̍h Pó-chûn tī 2020-09-26. 2020-06-25 khòaⁿ--ê.
- ↑ "中職／經紀公司代發胡金龍聲明 已向洪總說明並致歉". 聯合新聞網 (ēng Hôa-gí). 2020-06-25. Goân-pún bāng-ia̍h Pó-chûn tī 2021-01-31. 2020-06-25 khòaⁿ--ê.
- ↑ "中職》胡金龍遭下放二軍 富邦發布3點聲明" (ēng Hôa-gí). 自由時報. 2020-06-26. Goân-pún bāng-ia̍h Pó-chûn tī 2020-11-20. 2021-03-05 khòaⁿ--ê.
Gōa-pō͘ Liân-kiat
[siu-kái | kái goân-sí-bé]Tâi-oân Pāng-kiû Wiki-koán：胡金龍(Hàn-gí)
- Ô͘ Kim-liông ê Facebook choan-ia̍h
| chêng-jīm: Lîm Sîn-hôa |
Tiong-hôa Chit-pāng sin-lâng soán-siù chiōng-goân 2013 nî |
kè-jīm: Tēⁿ Khái-bûn |
| chêng-jīm: Lîm Ek-choân |
Tiong-hôa Chit-pāng An-táⁿ-ông 2014-2015 nî |
kè-jīm: Ông Pek-iông |
| chêng-jīm: Lîm Ek-choân |
Tiong-hôa Chit-pāng Táⁿ-kek-ông 2014-2015 nî |
kè-jīm: Ông Pek-iông |
| chêng-jīm: Chiam Tì-giâu, Tiuⁿ Chèng-úi, Tiuⁿ Kiàn-bêng |
Tiong-hôa Chit-pāng Chòe-ka 10-jîn Chióng (gōa-iá-chhiú) 2014 nî |
kè-jīm: Ko Kok-hui、Tiuⁿ Chèng-úi, Tiuⁿ Kiàn-bêng |
| chêng-jīm: Lîm Hông-io̍k |
Tiong-hôa Chit-pāng Chòe-ka 10-jîn Chióng (chí-tēng táⁿ-kek) 2018-2019 nî |
kè-jīm: Chiu Su-chê |
| chêng-jīm: Phêⁿ Chèng-bín |
Tâi-pak-chhī Chit-pāng Kiû-oân Kang-hōe lí-sū-tióⁿ 2015 nî－2018 nî |
kè-jīm: Chiu Su-chê |
| ||||||||||||||||||||||||||||||||
| ||||||||||||||||||||||||||||||||