侵牛扒（英文：Trump Steaks）係當勞侵旗下嘅侵集團銷售過嘅一個美國牛扒牌子，2007年成立。佢喺The Sharper Image[1]同埋QVC銷售[2][3]。當勞侵自稱佢係「世界第一」（"world's greatest"）牛扒[4]，一共有四個版本，價錢由199去到999美元[5]。根據美國專利及商標局數據，侵牛扒嘅嘜頭喺2014年12月取消咗註冊[6]。
喺2016年美國總統選舉，一個支持約翰卡西奇嘅政治行動委員會整咗個模仿侵牛扒嘅廣告[7]。當勞侵喺2016年3月8號一場演說將Bush Brothers Provision Co.嘅牛扒講成係「侵牛扒」，廣告亦展示侵牌嘅礦泉水同葡萄酒，宣傳當勞侵係一位成功嘅商人 [8]。有觀眾留意到侵牛扒係由西棕棕櫚灘一間工廠生產嘅[2]。第二日，當勞侵對安德森古柏話佢自己唔為牛扒加工，只係從供貨商購買並加上佢自己嘅牌子[8]。