上海東方衛視
(英文:Dragon Television,2003年10月23號前係上海衛視)係上海文化廣播影視集團旗下嘅一個省級衛星電視頻道,係依家中國大陸嘅衛星電視頻道之一。東方衛視嘅信號覆蓋中國大陸大部分省市同澳門特區,同時東方衛視國際頻道喺北美、日本、澳洲、歐洲同澳門等國家同地區落地,2009年9月28號起該頻道標高清同播;因東方衛視紅圓內星嘅臺標似一個熟咗嘅帶葉番茄,所以被一啲觀眾笑做「番茄台」。2018年12月31號起該頻道台標(台徽)顏色微調,拎走咗暗紅色台標,加咗鮮紅色台標。
2016年5月25號凌晨1點開始,東方衛視(國內版)標清節目由原來嘅信箱或左右切邊改做16:9擠壓全屏播出(台標保留4:3尺寸),到依家東方衛視開始步入寬屏時代。同樣國際版雖然重係4:3播出,但同國內版同步新聞節目都開始擠壓播出。2016年5月28號,東方衛視新聞節目包裝改版,完咗切邊時代。2016年7月19號,東方衛視(國內版)標清頻道台標改做16:9尺寸,同高清頻道一樣,剩係通過屏幕右上角嘅高清字樣做區別。
喺《夢圓東方2020東方衛視跨年盛典》,藝人王凱揀唱由香港填詞人林夕填詞嘅張國榮歌《我》,但螢光幕打出嘅歌曲資料,作詞人一欄就變咗做「佚名」,林夕個名就被消失。呢個做法被懷疑同林夕支持香港反逃犯條例修訂運動有關[1]。