盛智文
| 盛智文 | |
|---|---|
.png) | |
| 出生日 | 1949年7月18號  （75歲） |
| 出生地 | 雷根斯堡 |
| 國籍 | 加拿大、中華人民共和國 |
| 母校 | Western University |
| 職業 | 時裝設計師、太平紳士、生意人 |
| 政黨 | 新民黨 |
[改維基數據] | |
盛智文，GBM，GBS，JP（Allan Zeman，1949年7月18號—），係香港海洋公園前任董事局主席，有「蘭桂坊之父」、「扮嘢文」之稱。佢係德國出世嘅猶太裔香港人，2008年加入中國籍。
生平
[編輯]盛智文七歲嗰時，阿爸過身，隨後同阿媽移居加拿大滿地可。佢十歲就識賺錢，十九歲加入時裝公司做嘢。1970年代初，由於工作關係要去香港，自此愛上香港。佢喺鄭經翰訪談節目《星期日大班》話佢嚟香港嗰時已經有一佰萬加元身家，但佢喺香港至係第一次置業，就係佢喺香港嘅第一個辦公室同住宅。
1981年前，盛智文感受到香港除咗酒店同餐廳之外，冇乜有特色又可以輕鬆傾生意嘅西餐廳，於是乎決定喺中環小街蘭桂坊開一間餐廳，叫「加利福尼亞」（California）。隨住不斷發展，蘭桂坊漸漸熱鬧，更成為香港重要嘅夜生活消閒區域。盛智文目前擁有蘭桂坊一帶七成業權，由於蘭桂坊由佢開始發展，令佢得到「蘭桂坊之父」嘅稱呼。
2003年7月，盛智文獲委任為香港海洋公園董事局主席，改革公園嘅公司文化同加強競爭力。
2008年，盛智文放棄加拿大國籍，轉中國國籍，領取回鄉卡同香港特別行政區護照。
2011年1月，盛智文成為新民黨嘅顧問之一，視為有分量嘅「政壇明星」。
2014年6月，政府宣佈盛智文唔再擔任海洋公園董事局主席[1]，改由副主席孔令成出任。喺接受《南華早報》訪問嘅時候，盛智文話係香港政府迫使佢離任嘅[2]。
喺2016年，佢成為香港特别行政區選舉委員會飲食界委員。之後，佢有份提名林鄭月娥參與2017年香港行政長官選舉[3]。
2021年9月，佢當選成為2021年香港特區選舉委員會界別飲食界成員[4]。之後佢喺李家超無提政綱嘅情況下，有份提名李家超參與2022年香港行政長官選舉[5]。
2021年12月，喺北京未經諮詢或香港人同意，大幅度削減立法會直選議席之後嘅2021年香港立法會選舉，佢提名林順潮[6]，並參選選舉選舉委員會界別，以955票落選。
個人榮譽
[編輯]勳銜
[編輯]榮譽博士
[編輯]
西安大略大學榮譽法學博士（2004年）- 香港城市大學榮譽工商管理學博士（2012年）[11]
- 香港科技大學工商管理學榮譽博士（2012年）[12]
- 香港公開大學榮譽工商管理博士（2019年，2020年頒）[13][14][15]
部分公職
[編輯]參考
[編輯]- ↑ Allan Zeman to Step Down as Chairman of Ocean Park，《南華早報》，2014年6月20號
- ↑ Allan Zeman says he’s being forced out of top job at Ocean Park，《南華早報》，2014年6月24號
- ↑ 〈林鄭提名名單 - 香港文匯報〉。paper.wenweipo.com。喺2024-03-30搵到。
- ↑ 〈一文睇清1448名新選委全名單〉。《香港文匯網》 (中文)。喺2022-08-11搵到。
- ↑ 〈一文看清李家超786張提名〉。《信報網站 hkej.com》。喺2022-09-02搵到。
- ↑ 香港01, 立法會選舉 2021 專頁 |。〈林順潮 | 立法會選舉2021候選人名單 | 香港01〉。《立法會選舉 2021 專頁》。喺2024-07-18搵到。
- ↑ 〈2001年第14號號外公告〉 (PDF) (新聞稿) (繁體中文)。香港政府憲報。2001年7月1號。
- ↑ 〈二〇〇四年授勳名單〉 (新聞稿) (繁體中文)。香港政府新聞公報。2004年7月1號。
- ↑ 〈香港特區政府2004年 授勳名單〉。文匯報。2004-07-01。原著喺2020-11-02歸檔。喺2020-10-05搵到。
- ↑ 〈二〇一一年授勳名單〉 (新聞稿) (繁體中文)。香港政府新聞公報。2011年7月1號。
- ↑ 〈榮譽工商管理學博士盛智文博士〉 (PDF) (繁體中文)。香港城市大學。
- ↑ 〈香港科技大學舉行第20屆學位頒授典禮頒授榮譽博士予五位傑出學者及社會領袖〉 (新聞稿) (繁體中文)。香港科技大學。2012年11月16號。
- ↑ 〈公開大學頒授二零一九年度榮譽博士學位予三位傑出人士〉 (新聞稿) (繁體中文)。香港公開大學。2020年10月8號。
- ↑ 〈榮譽工商管理博士學位 盛智文博士〉 (PDF) (繁體中文)。香港公開大學。／"DEGREE OF DOCTOR OF BUSINESS ADMINISTRATION, honoris causa Dr the Honourable Allan Zeman, GBM, GBS, JP" (PDF) (英文). 香港公開大學.
- ↑ 香港公開大學簡介 - 榮譽博士及院士 | 香港公開大學，香港公開大學 （繁體中文）
- ↑ 〈關於我們〉。《大灣區共同家園青年公益基金》 (tc)。喺2024-03-19搵到。
{{cite web}}: CS1 maint: unrecognized language (link)
