西關

西關係廣州地名，喺而家荔灣區。明、清時係指省城西門外面一帶。範圍喺家下人民路以西，西村以南，珠江以東同埋北包住嘅地方。

西關本來屬南海縣，由南海縣府直接管。民國初年，原屬南海番禺嘅廣州建市，南海嘅西關都跟住劃畀廣州市。南海同西關嘅關係俾人遺忘，而廣州同西關更加密切。

呢處有好多西關大屋同騎樓呢啲典型廣州建築，亦係傳統嘅廣州商業中心地帶之一。好似上下九、十三行呢啲地方，都有好耐經商嘅歷史。而家重保留好多舊時廣州嘅特色，所以好多人認爲西關係廣州最本土同市井嘅地方之一。

西關主要嘅商業購物中心，集中喺上下九、第十甫同寶華路一帶，十八甫亦有旺極一時，之不過收尾衰落咗^[1]。

睇埋

呢篇西關係一篇關於廣州嘅楔位文章。你可以編輯呢版充實內容。